Heydər Əliyev
yeni azerbaycan logo

Ana səhifə / Xəbər lenti / Kreditin gecikdirilməsinə görə yeni qaydalar

Kreditin gecikdirilməsinə görə yeni qaydalar

20.01.2023 [10:55]

Dəyişikliklər vətəndaşlara nə vəd edir?

Azərbaycanda kreditin gecikdirilməsinə görə yeni qaydalar müəyyən edilir. Bu barədə məsələ Milli Məclisin Hüquq siyasəti və   dövlət quruculuğu komitəsinin dünən keçirilən iclasında müzakirə edilən Mülki Məcəlləyə dəyişiklikdə öz əksini tapıb.

Dəyişikliyə əsasən, Məcəllədə və müqavilədə ayrı qayda nəzərdə tutulmayıbsa, borclunun pul məbləğini ödəməsini gecikdirməsinə görə kreditorun tələb edə biləcəyi məbləğ məhdudlaşdırılır. Bu halda gecikdirilmiş vaxt üçün gecikdirilmiş məbləğə görə illik 5 faizdən çox olmamaq şərti qoyulur.

Sözügedən qaydalarla bağlı “Yeni Azərbaycan”a açıqlama verən Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov bildirib ki, yeni qaydaların müəyyən edilməsində məqsəd kredit öhdəliyinin gücləndirilməsi, ümumiyyətlə, kredit sektorunda risklərin minimumlaşdırılmasından ibarətdir: “Nəzərə alsaq ki, bu gün bir çox vətəndaşların kreditə ehtiyacı var. Bankların da kredit təklif etmək imkanları gün keçdikcə artır. Son statistika göstərir ki, bu gün ölkəmizdəki banklarda kifayət qədər böyük məbləğdə passiv vəsaitlər var. Hansı ki, banklar həmin pulları kredit formasında vətəndaşlara təklif etmək istəyirlər. Ona görə də mövcud qaydaların dəyişdirilməsində məqsəd ondan ibarətdir ki, götürülən məbləğlər kredit öhədiliyinə uyğun olaraq qaytarılsın, eyni zamanda, ödəmə qabiliyyəti olan vətəndaşlar yeni kreditlərdən yararlana bilsinlər”.

Millət vəkilinin sözlərinə görə, bəzi hallarda ödəmə imkanları zəif olan və yaxud kredit götürdükdən sonra öhdəliklərini tam yerinə yetirə bilməyən şəxslərin borclarını bağlamaq üçün daha böyük məbləğdə kredit götürülməsini müşahidə edirik: “Nəticədə həmin vətəndaşların ödəmə imkanı ilə bağlı çətinliklər yaranır. Amma mövcud qaydaların, ümumiyyətlə, mexanizmin dəyişdirilməsi və kreditə ehtiyacı olan, ödəmə qabiliyyəti yüksək qiymətləndirilən vətəndaşlarımızın kreditə əlçatanlığının artmasına gətirib çıxaracaq. Bu baxımdan sözügedən dəyişikliklər həm bank sektorundakı risklərin azaldılmasına, həm də vətəndaşlarımızın, xüsusən də ödəmə qabiliyyəti yaxşı olan şəxslərin kreditə çıxış imkanlarının artmasına gətirib çıxaracaq”.

Yeganə BAYRAMOVA

Paylaş:
Baxılıb: 68 dəfə

Xəbər lenti

Hamısına bax

İqtisadiyyat

Xəbər lenti

Xəbər lenti

Siyasət

Xəbər lenti

Sosial

Siyasət

Analitik

Bayram, yoxsa matəm?

28 Yanvar 10:27

Xəbər lenti

Dünya

Arxiv
B Be Ça Ç Ca C Ş
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31