Heydər Əliyev
yeni azerbaycan logo

Ana səhifə / Xəbər lenti / İran Ermənistana xəbərdarlıq edib

İran Ermənistana xəbərdarlıq edib

07.03.2024 [12:45]

İran yaxın qonşuları olan Azərbaycan ilə Ermənistan arasında birbaşa danışıqların aparılmasına və regionda sülhün davamlı xarakter daşımasına tərəfdardır. Rəsmi Tehran Qafqaz bölgəsində sabitliyin hökm sürməsi üçün lazım olan addımları atmağa hazırdır.

AZƏRTAC xəbər verir ki, bu sözləri İranın müdafiə naziri Məhəmməd Rza Aştiani Tehranda erməni həmkarı Suren Papikyanla görüşdə səsləndirib.

İRNA agentliyinin verdiyi məlumata əsasən, görüşdə əməkdaşlıq məsələləri müzakirə olunub.

İranın müdafiə naziri diqqətə çatdırıb ki, bölgəyə kənar dövlətlərin hərbi birləşmələrini cəlb etmək əks təsir göstərə bilər. Təhlükəsizlik məsələlərini tərəflər özləri müzakirə edib yekun qərara gələ bilərlər.

M. R. Aştianinin fikrincə, regionu kənar dövlətlərin geosiyasi rəqabət meydanına çevirmək bölgənin bütün dövlətlərinin maraqlarına ziddir.

Nazir bildirib ki, Azərbaycan ilə Ermənistanın birbaşa ünsiyyəti regiona müdaxilə edib siyasi üstünlük əldə etmək istəyən qüvvələrin qarşısını alar.

Xatırladaq ki, Ermənistanın Fransa və digər dövlətlərdən silah-sursat alması, bəzi dövlətləri regiona dəvət etməsi qonşu dövlətlər tərəfindən birmənalı qarşılanmır.

İranın bəzi mətbu orqanları yazır ki, müdafiə nazirinin görüşdə səsləndirdiyi fikirlər Ermənistana edilən xəbərdarlıqdır.

Paylaş:
Baxılıb: 143 dəfə

Xəbər lenti

Hamısına bax

İqtisadiyyat

Analitik

Siyasət

Yeni faktlar...

10 Aprel 10:51

Siyasət

Siyasət

Gündəm

İlk dəfədir ki...

10 Aprel 09:55

Xəbər lenti

Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30