Kərimlinin yeni “tezis”ləri...

Bakı:

17 °C

77 %

7 m/s

Əlaqə

AZ RU EN

Ana səhifə / Xəbər lenti / Kərimlinin yeni “tezis”ləri...

Kərimlinin yeni “tezis”ləri...

19.03.2024 [09:45]

AXCP sədri Əli Kərimli indi də bağlı olduğu Qərb dairələrindən aldığı yeni “tezisləri” dövriyyəyə buraxaraq onları əsaslandırmadan ötrü dəridən-qabıqdan çıxır. O iddia edir ki, “Azərbaycan regionun lider dövləti deyil”.

Əli Kərimlinin belə bir absurd və gülüş doğuran iddialar səsləndirməsi, necə deyərlər, nonsens deyil. Özünü yeri gəldi-gəlmədi ölkəmizdəki yoxluğu ilə varlığı bilinməyən redikül müxalifət düşərgəsinin “lideri” qismində qələmə verən AXCP sədri daim Azərbaycanın müsbət reallıqlarına zidd olan əcaib-qəraib fikirlər səsləndirir. Real müstəvidə heç bir fəaliyyəti olmayan, siyasi partiya sədrindən daha çox sosial şəbəkə qəhrəmanını xatırladan Əli Kərimlinin dilə gətirdiyi açıqlamalar bir qayda olaraq milli maraqlarımıza, ölkəmizin nüfuzuna xələl gətirmək niyyəti ilə dövriyyəyə buraxılır. Bəs onun belə utancverici “fəaliyyətlə” məşğul olmaqda məqsədi nədir? Axı Azərbaycanın uğurlu siyasətin məntiqi nəticəsi olaraq regionun aparıcı dövlətinə çevrildiyini artıq bütün dünya etiraf edir. Azərbaycan özünəməxsus nümunəvi inkişaf modeli qurub. Müstəqillik illərində respublikamız Avrasiyanın yeni enerji və nəqliyyat xəritəsini müəyyənləşdirməyə nail olub. Bu gün respublikamız Avropanın enerji təhlükəsizliyinin təmin olunmasında mühüm rol oynayır. Azərbaycan o dövlətdir ki, bir sıra böyük güclərin təzyiqləri qarşısında geri çəkilməyərək özünün ərazi bütövlüyünü və suverenliyini tam təmin edib. Parlaq qələbələrimiz sayəsində yaranan reallıqlar bütövlükdə regionun inkişafı və təhlükəsizliyi üçün çox münbit zəmin formalaşdırıb.

Siyahını uzatmaq da mümkündür. Lakin sadalanan faktlar Azərbaycanın regionun lider dövlətinə çevrildiyini təsdiqləmək üçün yetərlidir. Ölkəmizin nüfuzlu beynəlxalq reytinq agentlikləri tərəfindən təsdiqlənən bu statusu real səciyyə daşıyır, burada hər hansı bir şişirtmə yoxdur. Əlbəttə, AXCP sədrini də reallığı dəyərləndirmək fəhmindən uzaq olan birisi kimi təqdim edə bilmərik. Bəs onda Əli Kərimlinin absurd iddialar səsləndirməkdə məqsədi nədir? Sualın cavabını vermək üçün çox da baş sındırmağa lüzum yoxdur. Hər kəsə bəllidir ki, AXCP sədri Qərbdəki islamofob və azərbaycanafob dairələrlə çirkin işbirliyindədir - əlbəttə ki, yüksək qrantlar və digər maddi təminatlar müqabilində. Bununla da “əmək fəaliyyəti ilə məşğul olmayan” Əli Kərimli - ifadə partiya sədrinə məxsusdur - özünə yüksək təminatlı həyat tərzini təmin edib. Belə görünür ki, o, maddi qarşılıq müqabilində sıx bağlı olduğu dairələrdən yeni sifarişlər alıb və fəaliyyətini də bu sifarişlərə uyğun qurub.

MÜBARİZ

Paylaş:

Baxılıb: 579 dəfə