İdeoloji təhlükəsizliyin və milli-mənəvi dəyərlərin qorunması

Bakı:

18 °C

94 %

1 m/s

Əlaqə

AZ RU EN

Ana səhifə / Arxiv / İdeoloji təhlükəsizliyin və milli-mənəvi dəyərlərin qorunması

İdeoloji təhlükəsizliyin və milli-mənəvi dəyərlərin qorunması

14.10.2026 [12:04]

Səyyad Mirzəyev

YAP Ağdam rayon təşkilatının əməkdaşı

Müasir dövrdə təhsil yalnız bilik və bacarıqların aşılanması ilə məhdudlaşmır, eyni zamanda milli kimliyin qorunması, milli-mənəvi dəyərlərin gələcək nəsillərə ötürülməsi, vətənpərvərlik ruhunun formalaşdırılması və sağlam ictimai münasibətlərin inkişaf etdirilməsi baxımından mühüm əhəmiyyət daşıyır.Dövlət ümumi təhsil müəssisələri bu məqsədlərin həyata keçirildiyi əsas sosial və tərbiyəvi məkanlardan biridir. Bu baxımdan, təhsilalanların və təhsilverənlərin geyim mədəniyyəti, müəyyən edilmiş geyim qaydalarına riayət edilməsi məktəb mühitinin formalaşmasının mühüm elementlərindən hesab olunur.

Azərbaycan Respublikasının Prezidenti cənab İlham Əliyevin Yeni Azərbaycan Partiyasının VIII Qurultayındakı çıxışında ideoloji təhlükəsizlik məsələsinə xüsusi diqqət yetirilməsi bu istiqamətdə aparılan maarifləndirmə və tərbiyə işlərinin əhəmiyyətini bir daha ön plana çıxarır. İdeoloji təhlükəsizlik milli maraqların, dövlətçilik ənənələrinin, milli-mənəvi dəyərlərin və milli kimliyin qorunmasını nəzərdə tutan mühüm anlayışdır. Bu dəyərlərin gənc nəslə aşılanmasında ailə ilə yanaşı, təhsil müəssisələrinin də üzərinə mühüm vəzifələr düşür. İdeoloji təhlükəsizliyin təmin olunması cəmiyyətin milli-mənəvi əsaslarının qorunması, gənc nəslin sağlam dünyagörüşünün formalaşdırılması və dövlətçilik düşüncəsinin möhkəmləndirilməsi ilə sıx bağlıdır. Qloballaşma, informasiya axınının sürətlənməsi və müxtəlif mədəni təsirlərin geniş yayılması şəraitində uşaqların və yeniyetmələrin milli dəyərlərə bağlı, müstəqil düşüncəyə malik, məsuliyyətli vətəndaşlar kimi yetişdirilməsi xüsusi aktuallıq kəsb edir.

Məktəb bu məqsədlərin həyata keçirildiyi əsas institusional mühitdir. Burada şagirdlər yalnız fənlər üzrə biliklər əldə etmir, eyni zamanda kollektivdə davranış, qarşılıqlı hörmət, məsuliyyət, intizam və sosial münasibətlərin əsaslarını mənimsəyirlər. Məktəbin daxili qaydaları, müəllimlərin davranış nümunəsi, təlim-tərbiyə prosesi və ümumi məktəb mədəniyyəti şagirdlərin şəxsiyyət kimi formalaşmasına təsir göstərir.

Bu kontekstdə geyim qaydaları da məktəb mədəniyyətinin tərkib hissəsi kimi qiymətləndirilə bilər. Bununla belə, geyim qaydalarının ideoloji təhlükəsizliyin müstəqil təminatçısı deyil, milli-mənəvi dəyərlərə hörmətin, nizam-intizamın və vahid təhsil mühitinin təşviqinə xidmət edən vasitələrdən biri olduğu nəzərə alınmalıdır. Dövlət ümumi təhsil müəssisələrində məktəbli geyiminin tətbiqində əsas məqsədlərdən biri təhsilalanlar arasında vahid təhsil mühitinin yaradılmasıdır. Geyim qaydalarının aydın və hamı üçün eyni prinsiplər əsasında müəyyən edilməsi məktəbdə nizam-intizamın möhkəmləndirilməsinə, təhsilalanların təhsil prosesinə uyğun davranış vərdişlərinin inkişafına və məktəbə aidlik hissinin güclənməsinə kömək edə bilər. Məktəbli geyimi şagirdlər arasında sosial fərqlərin zahiri görünüş vasitəsilə qabardılmasının qarşısının alınmasına, diqqətin geyim və dəb rəqabətindən daha çox təhsilə yönəldilməsinə şərait yaradır. Eyni zamanda, müəyyən edilmiş geyim tələblərinə riayət etmək şagirdlərdə qaydalara hörmət, şəxsi məsuliyyət və kollektiv qarşısında öhdəlik hissinin formalaşmasına töhfə verir.

Paylaş:

Baxılıb: 22 dəfə

Xəbər lenti

Hamısına bax