ABŞ-da qızılcaya yoluxma halları artır

Bakı:

22 °C

73 %

5 m/s

Əlaqə

AZ RU EN

Ana səhifə / Dünya / ABŞ-da qızılcaya yoluxma halları artır

ABŞ-da qızılcaya yoluxma halları artır

12.04.2025 [13:17]

Yanvar ayından bəri Texasda 505 nəfər, qonşu Nyu-Meksiko, Oklahoma və Kanzas ştatlarında isə 90-dan çox insan qızılcaya yoluxub. Texasda iki uşaq ölüb, Nyu-Meksikoda isə yetkin insanın ölümü araşdırılır.

AZƏRTAC xəbər verir ki, Səhiyyə və sosial xidmətlər Departamentinin (HHS) məlumatına görə, ABŞ-da qızılcaya 600-dən çox yoluxma halı qeydə alınıb.

Filadelfiya Uşaq Xəstəxanasındakı Peyvənd Maarifləndirmə Mərkəzinin direktoru doktor Pol Offitin sözlərinə görə, Texas epidemiyasına minlərlə hadisənin daxil olduğu ehtimal edilir, çünki yoluxma hallarının rəsmi hesablanmasında yalnız laborator şəkildə təsdiqlənmiş halları nəzərə alınır: “Bu, kütləvi qızılca epidemiyasıdır”.

ABŞ pediatrları və yoluxucu xəstəliklər üzrə mütəxəssislər bildirirlər ki, qızılcaya yoluxma hallarının artması ilə mübarizə səhiyyədə vəzifəli şəxslərin peyvəndləməni dəstəkləməməsi və valideynləri çaşdıran sübut olunmamış müalicə üsulları nəticəsində çətinləşir, - deyə “Reuters” yazır.

Amerika Pediatriya Akademiyasının prezidenti doktor Syu Kressli bildirib ki, liderlər bunu bu kimi epidemiyanın öhdəsindən gəlməyin yeganə yolu adlandıraraq, qızılcaya qarşı peyvəndlə bağlı ardıcıl, elmi əsaslı, faktoloji mesajla çıxış etməlidirlər.

Nazirliyə rəhbərlik etdiyi andan uzun müddət peyvəndlərə qarşı çıxış edən nazir kiçik Robert F. Kennedi, qızılcanın yayılmasının qarşısını almaq üçün ən yaxşı üsul olaraq vaksinasiyanı dəstəkləyib. Lakin epidemiyaların qarşısını almaq zərurəti ilə üzləşən əvvəlki səhiyyə nazirlərindən fərqli olaraq, onun şərhləri birmənalı deyil. O, həmçinin ABŞ-da peyvənd nisbətlərinin aşağı düşməsinə baxmayaraq, peyvəndlərin risklərini şişirdib, qidalanma, A vitamini və digər müalicə üsulları ilə bağlı aldadıcı iddialar irəli sürürüb.

“CBS News”a müsahibəsində Kennedi təkrar edib: onun və hökumətin mövqeyi ondan ibarətdir ki, insanlar qızılcaya qarşı peyvənd olunmalıdır.

Lakin bazar günü o, “X”də peyvəndi müdafiə edən, ardınca başqa bir alternativ müalicə üsullarını tərifləyən yazı bölüşüb, bu da xəstəlik üzrə ekspertlərin yeni tənqid dalğasına səbəb olub.

2019-cu ildə Nyu Yorkda qızılcaya 1274 yoluxma hadisəsi qeydə alınıb.

Qızılca adətən hər 1 min hadisəyə 1-3 ölümə səbəb olur. Texasda qızılcadan üç ölüm, 1-3 min arasında hadisənin ola biləcəyini göstərir, deyə epidemioloq doktor Keytlin Cetelina qeyd edib.

Peyvəndlərlə bağlı artan şübhə və dezinformasiya ABŞ-ın yalnız 11 ştatında peyvənd əmsalının 95 faiz və ya daha yüksək olmasına səbəb olub, bu səviyyə peyvəndi almaq imkanı olmayan sakinlərin müdafiəsi üçün lazımdır. Qızılcaya qarşı peyvənd iki dozadan sonra 97 faiz, bir dozadan sonra isə 93 faiz təsirli olur. Peyvənd altı aydan kiçik uşaqlara vurula bilməz, o, adətən uşaq 12 aylıq olana qədər vurulmur.

Paylaş:

Baxılıb: 644 dəfə