Paşinyan yeni repressiya dalğasına start verib

Bakı:

21 °C

78 %

3 m/s

Əlaqə

AZ RU EN

Ana səhifə / Dünya / Paşinyan yeni repressiya dalğasına start verib

Paşinyan yeni repressiya dalğasına start verib

07.05.2021 [08:34]

20 iyun seçkilərinin baş tutması üçün parlamentdə start verilən prosedur insidentsiz ötüşsə də, məğlub Ermənistanda qeyri-sabitlik davam edir. Yerli media yazır ki, istefa verdiyi halda, hazırda qanunsuz şəkildə baş nazirin səlahiyyətlərini icra edən Nikol Paşinyan seçkilərdə üstünlük qazanmaq üçün məqbul və ya qeyri-məqbul bütün vasitələrə baş vurur. Belə ki, parlamentdəki son çıxışı zamanı Paşinyan hələ rəsmi olaraq elan edilməyən seçkilərin nəticəsinin indiki hakimiyyətin xeyrinə olacağına əminlik bildirib.
“News.am” yazır ki, Ermənistanın keçmiş baş naziri Hrant Baqratyanın sözlərinə görə, baş nazir seçilməsi üçün parlamentdəki son səsvermədə iştirak etməyən “Maariflənən Ermənistan” və “Çiçəklənən Ermənistan” fraksiyaları Paşinyanın “oyuncaqları” olduqlarını sübut ediblər: “Seçkilərdə bəzi təminatlar almaq üçün Paşinyana sığınıblar. Parlamentdəki “müxalifət” adlandırılanlar baş nazir vəzifəsinə namizəd irəli sürməyə belə cəhd göstərmədilər”.
Qeyd edək ki, baş nazir vəzifəsini müvəqqəti icra edən Paşinyanın bu günlərdə mərkəzi seçki komissiyasının (MSK) sədri Tiqran Mukuçyanla məxfi görüşü də birmənalı qarşılanmayıb. “Past” qəzeti yazır ki, bazar günü baş tutan görüşdə növbədənkənar seçki prosesi, seçki siyahıları və digər məsələlərlə bağlı MSK sədri ilə dəqiqləşdirmələr aparılıb.
Onu da qeyd edək ki, Paşinyan hakimiyyəti təzyiq və repressiyaların yeni dalğasına da start verib. “News.am” yazır ki, Ermənistan silahlı qüvvələri baş qərargahının keçmiş rəisi, general-polkovnik Movses Hakopyan təhlükəsizlik xidmətində dindirilib və daha sonra ona qarşı ittiham irəli sürülüb. “Joğovurd” qəzeti isə yazır ki, Paşinyanın parlamentdəki çıxışında bir neçə gün əvvəl bitərəf deputatlar Taquhi Tovmasyan və Anna Qriqoryana qarşı başlayan kampaniyanın onun təlimatı ilə aparıldığı sübut edilib.
Bu arada “Beynəlxalq insan inkişafı mərkəzi”nin sədri, Ermənistan prezidentinin müşaviri Tevan Poqosyan seçki kampaniyası dövründə informasiya məkanına vətəndaşların düşüncələrini manipulyasiya edən süni və saxta gündəmlər daxil etməməyə çağırıb. Ekspert onu da qeyd edib ki, nəticələri nə olursa-olsun, növbədənkənar parlament seçkiləri ölkədə yaranan daxili siyasi böhranı həll edə bilməyəcək: “Yeni parlamentin fəaliyyəti, çox güman ki, qısamüddətli olacaq. Ölkədəki daxili siyasi böhran həll olunduqdan sonra seçki təşkil etməliydik”.
Göründüyü kimi Ermənistanda növbədənkənar parlament seçkiləri ilə bağlı siyasi qüvvələr arasında fikir ayrılığı var. Eyni zamanda, seçkilərə münasibət, hakimiyyətin atdığı addımlar cəmiyyətdə aylardır davam edən psixoloji gərginliyi daha da artırır.
Qaşqay ZİYƏDDİNOĞLU

Paylaş:

Baxılıb: 948 dəfə