Heydər Əliyev
yeni azerbaycan logo

Ana səhifə / Dünya / Miqrantları daşıyan qayıq La-Manş boğazında batdı: 27 nəfər boğuldu

Miqrantları daşıyan qayıq La-Manş boğazında batdı: 27 nəfər boğuldu

25.11.2021 [11:33]

La-Manş boğazında Böyük Britaniyaya doğru hərəkət edən miqrant qayığı Fransanın Kale şəhəri yaxınlığında batıb. yeniazerbaycan.com Türkiyənin “Hürriyyət” qəzetinə istinadən xəbər verir ki, hadisə zamanı 27 nəfər suda boğularaq ölüb, iki nəfər xilas edilərək xəstəxanaya çatdırılıb.

Beynəlxalq Miqrasiya Təşkilatı bu hadisənin 2014-cü ildən La-Manş kanalında baş verən “ən faciəli hadisə olduğunu” bildirib.

Böyük Britaniyanın Baş naziri Boris Conson “baş verən hadisədən dəhşətə gəldiyini və Böyük Britaniyanın insan alveri ilə məşğul olan dəstələrin qarşısını almaq üçün hər şeyi edəcəyini” söyləyib. B.Conson La-Manş boğazında miqrant axınının qarşısını almaq səylərinin “kafi olmadığını” deyib və Britaniyanın Fransaya dəstəyini artırmağı təklif edəcəyini bildirib.

Fransa prezidenti Emmanuel Makron isə "Fransa La-Manş boğazının qəbiristanlığa çevrilməsinə icazə verməyəcək" deyib. Fransanın daxili işlər naziri Gerald Darmanin ölənlər arasında beş qadın və iki uşağın olduğunu açıqlayıb. G.Darmanin Belçika sərhədində baş verən insidentdə şübhəli bilinən 4 nəfərin saxlanıldığını bildirib. Hazırda Fransa və Britaniya hakimiyyət orqanları La-Manş boğazında havada və dənizdə axtarış-xilasetmə əməliyyatı aparır.

Paylaş
Baxılıb: 88 dəfə

Xəbər lenti

Hamısına bax

Neftin qiyməti artıb

01 Dekabr 15:31

ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31