Heydər Əliyev
yeni azerbaycan logo

Ana səhifə / Siyasət / Böyük pullar hara gedib - Sarkisyan niyə tutuldu?

Böyük pullar hara gedib - Sarkisyan niyə tutuldu?

24.11.2021 [10:16]

Ermənistanda yeni rüşvət qalmaqalı

Ermənistanda siyasi gərginlik yenidən pik həddə çatıb. “Küçə dava”sını aktivləşdirən keçmiş iqtidar - indiki revanşist müxalifət aranı qatmaqda davam edir. Belə ki, Azərbaycanla danışıqların aktiv fazaya qədəm qoyması ilə bağlı xəbərlər yayılan kimi müxalifət yenidən aksiyalara başlayıb. Diqqət çəkən məqamlardan biri də, Ermənistanın keçmiş prezidenti Serj Sarkisyanın ölkəni tərk etməsinə qadağa qoyulmasıdır. Qeyd edək ki, ona qarşı xüsusilə iri məbləğdə rüşvət alma maddəsi ilə ittiham irəli sürülüb. Vəkili Amram Makinyanın sözlərinə görə, Sarkisyan prezident olduğu dövrdə sahibkar Silva Ambartsumyandan rüşvət almaqda günahlandırılır. Xatırladaq ki, Sarkisyandan qabaqkı prezident Koçaryan da Silva Ambartsumyandan 2008-ci ildə 3 milyon dollar məbləğində rüşvət almaqda ittiham edilib.

Əslində, bu faktlar bir sıra nüasları yenidən üzə çıxarır. Belə ki, baş verənlər istər bəzi Avropa təsisatlarının, istərsə də Qərbin “demokratik nümunə” kimi təqdim etməyə çalışdığı Ermənistanın əsl üzünü ortaya qoyur. Bu fakt Ermənistanın rüşvət və korrupsiya girdabında boğulduğunu növbəti dəfə təsdiqləyir. Keçmiş iki prezidentin açıq şəkildə rüşvət almaqda ittiham edilməsi bu dövlətin hansı vəziyyətdə olduğunun göstəricisidir.

Bununla yanaşı, bəzi ekspertlər baş verənlərin arxasında mühüm geosiyasi maraqların da dayandığını iddia edirlər. Belə ki, Avropa ölkələrində yerləşən bəzi ermənipərəst mərkəzlərin son dövrlərdə yenidən aktivləşməsi, müxalifəti küçələrə “çıxarması” mühüm məqamlardan xəbər verir. Paşinyanı Azərbaycanla münasibətlərin normallaşmasına xidmət edən addımlar atmaqda “günahlandıran” müxalifətin, hətta “razılaşmaların bəndlərini tələb etməsi” bu ehtimalı daha da gücləndirir. Bu, həmçinin Sarkisyanın “ölkəni tərk etmə” qadağası ilə cəzalandırılmasının da təsadüfi olmadığı qənaətini formalaşdırır. Belə ki, Paşinyan hakimiyyəti Sarkisyanın xarici dəstəkçiləri və maliyyə qaynaqları ilə əlaqəsini kəsmək üçün belə bir addım atmaq məcburiyyətində qalıb.

Hər bir halda, Ermənistanda baş verənlər artıq siyasi anarxiyanı xatırladır. Erməni cəmiyyəti isə anlamalıdır ki, bu ölkənin yeganə nicatı Azərbaycanın tələblərinə əməl etmək, regional inkişafın bir parçasına çevrilməkdir. Əks halda onsuz da dizi üstdə olan Ermənistanın son aqibəti daha da pis olacaq.

Pərviz Sadayoğlu

 

Paylaş
Baxılıb: 67 dəfə

Xəbər lenti

Hamısına bax
ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30