"Media və cəmiyyət arasında əlaqələrin inkişaf etdirilməsi" mövzusunda konfrans keçirilib

Bakı:

23 °C

64 %

8 m/s

Əlaqə

AZ RU EN

Ana səhifə / Siyasət / "Media və cəmiyyət arasında əlaqələrin inkişaf etdirilməsi" mövzusunda konfrans keçirilib

"Media və cəmiyyət arasında əlaqələrin inkişaf etdirilməsi" mövzusunda konfrans keçirilib

25.05.2011 [10:20]

Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu və Səbail rayon İcra Hakimiyyətinin təşkilatçılığı ilə dünən Səbail rayon İcra Hakimiyyətində “Media və cəmiyyət arasında əlaqələrin inkişaf etdirilməsi” mövzusunda geniş konfrans keçirilib.
Tədbirdə Fondun icraçı direktoru Vüqar Səfərli, Səbail rayon İcra hakimiyyətinin başçısı Asif Əsgərov, 20-dək media rəhbəri, Səbail rayon ziyalıları, aktiv gənclər və tələbələr iştirak ediblər.
Konfransı giriş sözü ilə açan Səbail rayon İcra Hakimiyyətinin başçısı Asif Əsgərov qonaqları salamlayaraq konfransın mahiyyəti və vacibliyi haqqında danışıb. A.Əsgərov öz çıxışında ümummilli lider Heydər Əliyevin mətbuat işçilərinə olan diqqət və qayğısı, həmçinin, Onun siyasi kursunun layigli davamçısı Azərbaycan Respublikasının Prezidenti İlham Əliyevin səyləri nəticəsində ölkədə söz və mətbuat azadlığı, KİV-lərin və jurnalistlərin müstəqilliyinə təminat verən qanunların qəbul edilməsi barədə konfrans iştirakçılarına məlumat verib.
Daha sonra söz Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərliyə verilib.
V.Səfərli öz çıxışında Azərbaycan mətbuatına göstərilən dövlət dəstəyi, Fondun fəaliyyəti və bu günkü tədbirin mahiyyəti barədə ətraflı məlumat verərək konfransın dialoq şəklində davam etrdirilməsini təklif edib.
Azərbaycan Mətbuat Şurasının sədri Əflatun Amaşov Azərbaycan Mətbuatının yaranması tarixi, bu günkü inkişafı barədə ətraflı məlumat verərək qed edib ki, hazırda Azərbaycanda 4000-dən çox KİV dövlət qeydiyyatından keçib. Onların 300-ə yaxını mütəmadi olaraq fəaliyyət göstərir. Hazırda Azərbaycan dövləti müstəqil medianın inkişafına çox böyük dəstək verir.
Bundan sonra dialoq şəklində davam edən konfransda media rəhbərlərindən “Trend” İnformasiya Agentliyinin direktoru İlqar Hüseynov, “Yeni Azərbaycan” qəzetinin baş redaktoru Hikmət Babaoğlu, “İki Sahil” qəzetinin baş redaktoru Vüqar Rəhimzadə, “Bakı Xəbər” qəzetinin baş redaktoru Aydın Quliyev, “Xalq Cəbhəsi” qəzetinin baş redaktoru Elçin Mirzəbəyli, “Olaylar” İnformasiya Agentliyinin direktoru Yunus Oğuz, “Səs” qəzetinin baş redaktoru Bəhruz Quliyev, “Xalq qəzeti”nin baş redaktor müavini Tahir Aydınoğlu gəncləri maraqlandıran sualları cavablandırıblar.
Təbbirin gedişatında xarici ölkələrdə təhsil alan səbailli gənclər, İngiltərədən Tale Əliyev, Türkiyədən Nigar Qəmərli, ABŞ-dan Pərviz Qocayev internet vasitəsi ilə konfransa qatılıb, mövzu ilə bağlı öz fikirlərini bildirib, KİV rəhbərlərinə suallar veriblər.

Paylaş:

Baxılıb: 1141 dəfə