Seçim Ermənistanındır...

AZ RU EN

Ana səhifə / Siyasət / Seçim Ermənistanındır...

Seçim Ermənistanındır...

28.10.2023 [10:37]

Ya, sülh imzalayıb kupça almalı, ya da...

Bu ilin payızı bəlkə də Cənubi Qafqazın müasir tarixinin yeni və dönüş mərhələsinə çevrildi. Sentyabr ayında Qarabağda reallaşan lokal antiterror tədbirləri 30 ilə yaxın davam etmiş erməni spearatizminin kökünü qazıdı - nəticədə Cənubi Qafqazın sakit, sabit və təhlükəsiz inkişafı üçün fürsət qazandı. Artıq imperialist güclər bölgəyə müdaxilə üçün separatizm kartından istifadə edə bilməyəcək - Azərbaycan həm də regiona uzanan xain əlləri kəsdi. Yaranan siyasi situasiya isə daha çox Ermənistan üçün perspektivlər formalaşdırır - bölgəsəl əməkdaşlığa “hə” deyəcəyi, Azərbaycanla münasibətləri normallaşdıracağı təqdirdə Ermənistan özü üçün də yeni üf?qlər kəşf etmək imkanı qazanacaq. Formal müstəqillik əldə etməsindən ötən 30 il ərzində bu “dövlət” özünü müstəqil subyekt kimi hələ də tam xarakterizə edə bilməyib və bunun da səbəbləri var:

- İrəvanda hakimiyyətdə kimin olmasından asılı olmayaraq hər kəs hansısa bir gücün qarşısında “əl-pəncə” dayanmağı əsas qayə hesab edib;

- Cəmiyyəti yalan ideologiya ilə zəhərləyərək regional birliyin yaranmasına mane olublar;

- Böyük güclər Ermənistan cəmiyyəti üçün ən zərərli nəsnə sayılan “erməni kartı” sindromu formalaşdırıb - onlar üçün yalan tarix, yalan keçmiş, olmayan “dövlətçiliklə” bağlı nağıllar uydurulub. Bu isə ermənilərin reallıq hissinin itməsinə gətirib çıxarıb.

Bu gün “Zəngəzur dəhlizi” üzərindən manipulyasiya etməyə çalışan Ermənistan düşünməlidir ki, Fransanın “çətiri” ona iqtisadi-siyasi azadlıq vəd etmir. Əksinə, Paşinyanın da aylar öncə etiraf etdiyi kimi, onsuz da “kupçasız dövlət” sayılan Ermənistan bu yolla özünü uçurumun düz kənarına gətirib çıxaracaq - ən yaxşı halda Fransa və başqa maraqların “dəyənəyi”nə çevirəcək. Halbuki, Azərbaycan İrəvana humanizm və sülh əlini uzatmaqla onların dövlət kimi təşəkkül tapmasına imkan yaradır, onların beynəlxalq münasibətlər sisteminin müstəqil subyektinə çevrilməsini şərtləndirir və nəhayət, 30 ildən sonra da olsa, “kupça” alaraq dünyanın dövlətçilik tarixində yer almasına zəmin formalaşdıracaq. Hətta dünya siyasətində belə “erməni yalanı” adlı termin var - “ağ yalanlar”ın kompleks şəkildə ortaya “erməni ideologiyası” kimi bir xəstə təfəkkür qoymasının qarşısını almaq üçün mühüm mərhələ yetişib. Ermənistan bundan istifadə etsə...

Ermənistan özü də anlayır ki, yaxın 300-500 ildə regionda yoxdur. Boş-boş taftologiyalara qapılıb özünü “dünyanın ari irqi” elan etməklə iş bitmir - müasir erməniliyin ən böyük bəlası da özləri haqda miflər, əfsanələr uydurmaqdan ibarətdir. Tarixin gözünə düz baxmaqdan hər zaman qorxan ermənilər faktları təhrif etməklə nəyəsə nail olacaqlarını düşünürlər - amma həqiqət onları qarabaqara izləyir.

Bu günün prizmasından tarix daha aydın görünür. Azərbaycanın ortaya çıxardığı həqiqətlər Ermənistanın xəstə ideoloji təsəvvürləri ilə yanaşı, gələcəyini də sual altına qoymaq təhlükəsinin siqnalını verir. Azərbaycan bu dövlətin xilası üçün yol xəritəsi göstərir - boyunduruqdan azad olması üçün zəmin yaradır. Bögənin ümumi inkişaf tempinə uyğunlaşdırmanın üsullarını təlim edir. Amma Ermənistan ona edilən bu yaxşılıqları görməzdən gəlir, bu dəfə Fransanın yedəyində bölgə üçün təhdid olmaq “qərarı verir”. Amma İrəvan düşünməlidir - bu dəfə bir az daha artıq düşünməlidir. Çünki nə zaman o zaman deyil, nə də Qafqaz o Qafqaz deyil. Cənubi Qafqaz bu gün müasir münasibətlər sisteminin fəal və müstəqil aktoru kimi çıxış etmək imkanına malikdir. Cənubi Qafqaz bu gün dünyanın yeni iqtisadi nizamının mərkəzində yer alır. Bundan faydalanmaq imkanı olan Ermənistanın başı isə qoltuqlara sığınmağa qarışıb. Azərbaycanla sülh Ermənistana 29 min kv.km-lik kupça verəcək. Proses isə onu göstərir ki, Paşinyan və komandası Ermənistana kupça almaq üçün ya maraqlı deyillər, ya da iradələri çatmır...

Nəticə etibarı ilə Ermənistan seçim qarşısındadır - ya, “layihə” olaraq onu gözləyəcək aqibətə razı olmalı, böyük güclərin, dövlətlərin maraqlarının və ya oyunlarının vasitəsi kimi istifadə olunmalı, ya da Azərbaycanla sülh müqaviləsi bağlayaraq bir dövlət kimi müstəqil subyektə çevrilməlidir...

P.SADAYOĞLU

Paylaş:

Baxılıb: 217 dəfə