Paşinyanın Qarabağ erməniləri “bəlası”...

Bakı:

28 °C

54 %

10 m/s

Əlaqə

AZ RU EN

Ana səhifə / Siyasət / Paşinyanın Qarabağ erməniləri “bəlası”...

Paşinyanın Qarabağ erməniləri “bəlası”...

25.11.2023 [10:30]

Baş nazir onlardan yaxa qurtarmağın yollarını araşdırır

Bu ilin sentyabrında baş vermiş lokal antiterror tədbirlərinin ardından könüllü şəkildə Ermənistana gedən Qarabağ erməniləri baş nazir Nikol Paşinyanın “başının ağrısı”na çevrilib. Düzdür, ilk aylarda məhz Qarabağ erməniləri üzərindən maliyyə maxanasiyaları yürüdən, ianələr toplayan, “maddi marafonlar” təşkil edən və nəticədə yüz milyonlarla pul əldə edən Paşinyan artıq onlardan “yaxa qurtarmağın” yollarını araşdırır. Çünki Qarabağ erməniləri Paşinyanın siyasi hakimiyyəti üçün ən böyük təhlükə sayılır. Başqa sözlə, 20 ilə yaxın Ermənistanı idarə etmiş “Qarabağ klanı” yenidən hakimiyyətə gəlməyin yollarını araşdırmaqdadır.

Badasyanın həbsi...

Məsələn, bir neçə gün əvvəl “Hadrut müdafiə rayonunun birinci taborunun komandiri”, Arayik Arutyunyanın “təhlükəsizlik və təxliyə məsələləri üzrə nümayəndəsi” Vahan Badasyan dindirilmək üçün Ermənistan İstintaq Komitəsinə dəvət olunub. Bu barədə Ermənistan KİV-i yazıb. Vahan Badasyanın hansı statusda və hansı cinayət işi çərçivəsində dindirilməsi ilə bağlı danışan vəkil Rafayel Martirsyan qeyd edib ki, əslində, Vahan Badasyana qarşı cinayət işi açılıb. “O, şahid qismində dindirilmək üçün İstintaq İdarəsinə dəvət olunub. Lakin Badasyan Konstitusiyanın təmin etdiyi hüquqlardan istifadə edib, ifadənin ona qarşı istifadə oluna biləcəyini nəzərə alaraq, ifadə verməkdən imtina edib”, - deyə o bildirib.

Martirsyan vurğulayıb ki, Badasyan Ermənistan Cinayət Məcəlləsinin 330-cu maddəsi ilə açıq şəkildə zorakılığa çağırış, zorakılığa açıq bəraət qazandırma və ya təbliğ etmə, habelə bu məqsədlə material və ya əşyalar yayma cinayət tərkibi ilə bağlı dindirilib.

Qeyd edək ki, Vahan Badasyan həm də “Birləşmiş Ermənistan” Partiyasının sədridir. O, 2021-ci ilin yanvarında baş nazir Nikol Paşinyanla bağlı səsləndirdiyi fikirlərə görə həbs olunub. Belə ki, V.Badasyan N.Paşinyanı fiziki məhv etmək təklifi ilə çıxış etmişdi. Müxalif partiya sədrinə qarşı konstitusion quruluşu devirmək ittihamı irəli sürülmüşdü.

Sosial şəbəkələrin erməni seqmenti isə Badasyanın hələ Araik Arutyunyan Xankəndidə olan zaman Paşinyanı devirməklə bağlı planlar hazırlaması haqqında məlumata malik olması hazırki Ermənistan hakimiyyətini narahat edir. Onlar Badasyanı yenidən istintaqa çəkməklə yeni planların mövcud olub - olmaması ilə bağlı məlumat əldə etmək niyyətindədirlər.

Levon Koçaryanın dəstəkçiləri...

Qarabağ ermənilərinin Ermənistan daxilində o qədər də xoş qarşılanmadığı sirr deyil. Bu isə Koçaryan-Sarkisyan hakimiyyətlərinin bu ölkəyə etdiyi zülmlə bağlıdır. Ba baxımdan, Paşinyan yeni dönəmdə ona qarşı yönələ biləcək hər hansı bir təhdidi aradan qaldırmaq üçün Qarabağdan gələn erməniləri üçüncü ölkəyə yönəltmək haqqında düşünür. Təbii ki, ortada başqa səbəblər də var. Məsələn, təzəlikcə həbsdən çıxan və Ermənistan parlamentinin üzvü seçilən Levon Koçaryan amili burada öz sözünü deyir. Xatırladaq ki, Robert Koçaryanın oğlu olan Levon Koçaryan noyabrın 6-da parlamentin deputatı mandatına yiyələnib. O, Ermənistan ictimaiyyəti üçün yeni fiqurdur, ilk baxışdan “vurulmuş kadr” sayılan atasından fərqli imicdə təqdim olunur. Onun ən böyük “dəstəkçiləri” isə Qarabağdan gələn ermənilərdir. Bu yalnız elektorat dəstəyi ilə məhdudlaşmır. Belə ki, hələ aylar öncə Laçın dövlət sərhəd-keçid məntəqəsindən bir qrup erməni “tələbə”nin Ermənistana keçidi baş tutmuşdu. Ermənistan mətbuatı isə həmin tələbələrin əksəriyyətinin Ermənistanda çevriliş etmək üçün gəldiyini yazırdı. Həmin dövrdə də aktiv müzakirə predmeti olan çevrilişin məhz klassik “Qarabağ klanı” üzərindən həyata keçirilməsi versiyası ön plana çıxmışdı. Həmin dvrdə İrəvanda hakimiyyətin əleyhinə təşkil edilən siyasi aksiyalara da nəzər salsaq, aparıcı simaların məhz Qarabağ klanı üzvlərnin olması, xüsusilə, Levon Koçaryanın qabardılması bəlli olurdu.

Görünən budur ki, İrəvanda yeni siyasi çaxnaşmalar gözlənilməkdədir və yeni qarşıdurmalar klassik mübarizə metodu ilə inkişaf etməyəcək. Bu ssenaridə isə Qarabağ erməniləri Paşinyana qarşı qüvvələr üçün həm siyasi dəstək, həm qüvvə təminatı baxımından əsas dayaq kimi çıxış edəcək...

S.İSMAYILZADƏ

Paylaş:

Baxılıb: 690 dəfə