“İMZA”nın cari il üçün fəaliyyət planı müzakirə edilib

Bakı:

19 °C

63 %

5 m/s

Əlaqə

AZ RU EN

Ana səhifə / Sosial / “İMZA”nın cari il üçün fəaliyyət planı müzakirə edilib

“İMZA”nın cari il üçün fəaliyyət planı müzakirə edilib

28.01.2025 [16:15]

“İMZA” Sosial İnkişafa Dəstək İctimai Birliyinin (İB) 2024-cü ilin yekun hesabatı dinlənilib və cari il üçün qarşıya qoyulan fəaliyyət planına dair müzakirələr aparılıb.

“İMZA”nın Beynəlxalq və İctimaiyyətlə Əlaqələr Departamentindən AZƏRTAC-a verilən məlumata əsasən, İB-nin İdarə Heyətinin sədri Xəyyam Əsgərov hesabat məruzəsi ilə çıxış edib. O qeyd edib ki, Birlik Prezident İlham Əliyevin və Birinci vitse-prezident Mehriban xanım Əliyevanın Azərbaycanın inkişafı və beynəlxalq aləmdə tanınması istiqamətində həyata keçirdikləri fəaliyyətləri, xüsusilə sosial şəbəkələr vasitəsilə geniş şəkildə təbliğ edir.

O, Ulu Öndər Heydər Əliyevin 100 illik yubileyinə həsr olunmuş "Heydər Əliyev - Böyük Lider" və “Qərbi Azərbaycana qayıdışın tarixi, mədəni və hüquqi əsasları” mövzularında təşkil edilmiş beynəlxalq tədbirlərdən bəhs edib. Bildirib ki, əvvəlki illərdə də təşkil olunan Qarabağ İqtisadi Forumu, Xocalı soyqırımı ilə bağlı toplantıların və digər mühüm tədbirlər yerli və beynəlxalq mediada geniş işıqlandırılıb. 2024-cü il ərzində İctimai Birliyə üzvlük üçün çoxsaylı müraciətlər daxil olub və yeni üzvlərə təşkilatın üzvlük vəsiqələri təqdim edilib. Ümumiyyətlə, “İMZA" İB-nin üzvlərinin sayı getdikcə artmaqdadır və bu, təşkilatın fəaliyyətinin genişlənməsinin göstəricisidir.

“İMZA” İB-nin sədr müavini Elnar Məmmədli İctimai Birlikdə yeni təyinatların olması haqqında məlumat verib. Belə ki, Elbəy Abbasov sədrin təşkilati işlər üzrə müşaviri, Gülçin Zeynallı təşkilati işlər üzrə köməkçi, Günel Şəmilzadə isə Beynəlxalq və İctimaiyyətlə Əlaqələr Departamentinin direktor müavini vəzifələrinə təyin olunublar.

İclasda “İMZA” İctimai Birliyinin Türkiyə təmsilçisi Hulusi Kılıçın təşkilatın fəaliyyətində, eləcə də Departamentin beynəlxalq tədbirlərinin təşkili prosesində oynadığı mühüm rol xüsusi olaraq qeyd edilib. Qardaş ölkənin Azərbaycandakı sabiq səfiri Hulusi Kılıç da öz növbəsində, çıxış edərək “İMZA” İctimai Birliyinin gördüyü işləri yüksək qiymətləndirib.

Görüşdə qeyd edilib ki, hazırda “İMZA” İctimai Birliyinin heyəti “Konstitusiya və Suverenlik İli”nə həsr olunacaq yeni fəaliyyət planı üzərində çalışır. “İMZA” üzvlərinin plana dair təklifləri dinlənilib. Onlar “İMZA”nın fəaliyyətini həm sosial şəbəkələrdə, həm də ölkəmizin sosial-ictimai həyatında iştirakını yaxından izlədiklərini deyiblər, qurumun keçiriləcək tədbirlərində fəal şəkildə iştirak edəcəklərini vurğulayıblar.

İclasda İdarə Heyəti üzvlərinin fikirləri, o cümlədən gündəlikdəki müxtəlif məsələlərlə bağlı rəy və təkliflər dinlənilib.

Paylaş:

Baxılıb: 422 dəfə