Xızı ictimaiyyəti qeyri-neft sektorunun inkişafı üçün atılan addımları yüksək qiymətləndirir

Bakı:

25 °C

66 %

13 m/s

Əlaqə

AZ RU EN

Ana səhifə / Sosial / Xızı ictimaiyyəti qeyri-neft sektorunun inkişafı üçün atılan addımları yüksək qiymətləndirir

Xızı ictimaiyyəti qeyri-neft sektorunun inkişafı üçün atılan addımları yüksək qiymətləndirir

30.01.2016 [10:24]

Azərbaycan Respublikasının Baş prokuroru Zakir Qaralov yanvarın 29-da Xızı şəhərində ictimaiyyət nümayəndələri ilə görüşüb.
AZƏRTAC xəbər verir ki, Heydər Əliyev Mərkəzində keçirilən görüşdə regionların 2014-2018-ci illərdə sosial-iqtisadi inkişafı Dövlət Proqramının icrasının ikinci ilinin yekunlarına həsr olunmuş konfransda dövlətimizin başçısının nitqindən irəli gələn vəzifələr müzakirə edilib.
Rayonun idarə, müəssisə və təşkilatlarının, hüquq mühafizə orqanları rəhbərlərinin iştirakı ilə keçirilən görüşdə çıxış edən Baş prokuror Zakir Qaralov ölkəmizin daha da inkişaf etdirilməsi üçün görülən işlərdən, aparılan islahatlardan danışıb. Bildirilib ki, son illər dünya iqtisadiyyatında baş verən proseslər Azərbaycan iqtisadiyyatına müəyyən təsir etsə də, Prezident İlham Əliyevin əhalinin sosial vəziyyətinin yaxşılaşdırılması istiqamətində həyata keçirdiyi təxirəsalınmaz tədbirlər öz müsbət nəticəsini göstərib. Qiymətlərin süni surətdə qaldırılmasının qarşısını almağa yönəlmiş addımlar, bu məsələyə dövlət nəzarətinin gücləndirilməsi, ölkədə genişmiqyaslı iqtisadi islahatlara başlanılması, pensiya və müavinətlərin, dövlət büdcəsindən maliyyələşən idarə, müəssisə və təşkilatlarda çalışanların əmək haqlarının artırılması insan amilinin dövlət siyasətinin mərkəzində dayandığının sübutudur.
Görüşdə Milli Məclisin deputatı Hacı Salayev çıxış edərək, regionların 2014-2018-ci illərdə sosial-iqtisadi inkişafı Dövlət Proqramının icrasının ikinci ilinin yekunlarına həsr olunmuş konfransda Prezident İlham Əliyevin çıxışından irəli gələn vəzifələrdən danışıb. Bildirib ki, dünyada iqtisadi böhranın dərinləşməsinə baxmayaraq, ölkəmizdə nəzərdə tutulan bütün sosial proqramlar uğurla icra edilir.
Daha sonra rayon icra hakimiyyətinin başçısı Xəzər Aslanov son illərdə Xızıda görülən işlər barədə ətraflı məlumat verib. Qeyd olunub ki, Xızıya daim diqqət və qayğı göstərən Prezident İlham Əliyev rayonun inkişafı ilə bağlı bir neçə Sərəncam imzalayıb. Görülən işlər rayon əhalisi tərəfindən yüksək qiymətləndirilir.
Rayon ictimaiyyətinin nümayəndələri və sahibkarlar çıxış edərək, ölkəmizdə qeyri-neft sektorunun inkişafı üçün atılan addımları yüksək dəyərləndirdiklərini diqqətə çatdırıblar.
Görüşdə Xızı rayonunun daha da inkişafı ilə bağlı müraciət və təkliflər qeydiyyata alınaraq, onların həllinə kömək göstəriləcəyi bildirilib.

Paylaş:

Baxılıb: 751 dəfə