VII Beynəlxalq Multikulturalizm Yay Məktəbi işini davam etdirir

Bakı:

30 °C

54 %

6 m/s

Əlaqə

AZ RU EN

Ana səhifə / Sosial / VII Beynəlxalq Multikulturalizm Yay Məktəbi işini davam etdirir

VII Beynəlxalq Multikulturalizm Yay Məktəbi işini davam etdirir

03.08.2018 [09:04]

Bakı Beynəlxalq Multikulturalizm Mərkəzinin (BBMM) təşkilatçılığı ilə keçirilən “Bakı Prosesi 10 il: Mədəniyyətlərarası dialoqun inkişafına töhfə kimi” adlı VII Beynəlxalq Multikulturalizm Yay Məktəbi avqustun 2-də işini davam etdirib.
AZƏRTAC xəbər verir ki, yay məktəbinin dördüncü günü Rusiyanın Ural Federal Universitetinin professoru Tatyana Nesterovanın “Avropa dövlətlərinin müasir miqrasiya siyasəti”, BBMM-in şöbə müdiri Rəşad İlyasovun “Azərbaycan Respublikasının multikulturalizm siyasəti və BBMM-in fəaliyyəti” mövzularında mühazirələri dinlənilib.
Tatyana Nesterova mühazirəsində müasir dövrün problemlərdən birinin də miqrasiya prosesinin olduğunu bildirib. Qeyd edib ki, Avropa İttifaqı XXI əsrin ikinci onilliyində misli görünməmiş böhranla qarşılaşıb. Bu böhran Avropanın sosial, iqtisadi və siyasi sferalarına təsirini göstərir. Bu böhrana “miqrasiya böhranı” adı verildi. Avropaya Afrika ölkələrindən və Asiyadan miqrantların sayı kəskin artdı.
T.Nesterova bildirib ki, miqrantların adaptasiyası, onların Avropa cəmiyyətinə inteqrasiyası miqrant qəbul edən bir çox ölkələr üçün həll edilməmiş problem olaraq qalır.
Rəşad İlyasov mühazirəsində BBMM-in fəaliyyəti haqqında məlumat verib. O, Azərbaycan rəhbərliyinin bu istiqamətə xüsusi diqqət ayırdığını, BBMM-in 2014-cü ildə Prezident İlham Əliyevin Sərəncamı ilə yaradıldığını diqqətə çatdırıb. R.İlyasov Mərkəzin yaradılmasında əsas məqsədin Azərbaycanın multikulturalizm ənənələrinin öyrənilməsi, bu sahədə dünya təcrübəsinin araşdırılması və Azərbaycan modelinin bütün dünyada təbliğinin həyata keçirilməsindən ibarət olduğunu deyib.
Vurğulanıb ki, Beynəlxalq Multikulturalizm Qış və Yay məktəbləri layihəsi BBMM-in “Azərbaycan multikulturalizmi fənninin xaricdə və ölkə universitetlərində tədrisi” layihəsinin məntiqi davamıdır. Tədris layihəsi çərçivəsində hazırda dünyanın 19, Azərbaycanın isə 38 nüfuzlu ali təhsil ocağında Azərbaycan multikulturalizmini öyrənən tələbələr üçün təşkil olunan qış və yay məktəblərinin məqsədi həmin gənclərin nəzəri şəkildə öyrəndiklərini multikultural və tolerant dəyərlərin qorunub yaşandığı ölkəmizdə öz gözləri ilə görüb şahid olmasına şərait yaratmaqdır. Yay məktəbinin iştirakçılarına Azərbaycandakı multikultural durum, tolerant əhval-ruhiyyə, etnik-dini müxtəliflik, ölkəmizdə müxtəlif xalqların nümayəndələrinin, fərqli konfessiyaların dinc yanaşı yaşaması haqqında mühazirələr təqdim ediləcək.
Mühazirələrdən sonra iştirakçıları maraqlandıran suallar ətrafında müzakirələr aparılıb.
Proqrama uyğun olaraq VII Beynəlxalq Multikulturalizm Yay Məktəbinin iştirakçıları Qəbələ rayonunun Nic qəsəbəsində Alban-Udi kilsəsi ilə tanış olacaqlar, yerli əhali - udinlərlə görüşəcəklər. Gənclər, həmçinin Tufandağ yay-qış turizm istirahət kompleksi ilə də tanış olacaqlar. Sonra “Öz xalqını təqdim et” adlı musiqili axşamda yay məktəbi iştirakçılarının təqdimatları olacaq.

Paylaş:

Baxılıb: 648 dəfə