Azərbaycanda ilk dəfə Zərdab rayonunda yay baramasının təhvilinə başlanılıb

Bakı:

19 °C

94 %

2 m/s

Əlaqə

AZ RU EN

Ana səhifə / Sosial / Azərbaycanda ilk dəfə Zərdab rayonunda yay baramasının təhvilinə başlanılıb

Azərbaycanda ilk dəfə Zərdab rayonunda yay baramasının təhvilinə başlanılıb

26.07.2019 [08:12]

Azərbaycan Respublikası Prezidenti cənab İlham Əliyevin regionların sosial-iqtisadi inkişafına göstərdiyi diqqət və qayğı sayəsində ölkəmizin bütün bölgələri kimi, Zərdab rayonunda da xeyli iş görülüb. Son 10 ildə rayon üzrə istehsal olunmuş məhsul və xidmətlərin cəmi 3,2 dəfə artıb. Taxıl, pambıq, çəltik, şəkər çuğunduru və digər kənd təsərrüfatı məhsulları istehsalı sahəsində yüksək nəticələr əldə edilib.
Respublika Prezidentinin 2017-ci ilin 27 noyabr tarixli Sərəncamı ilə təsdiq edilmiş “Azərbaycan Respublikasında baramaçılığın və ipəkçiliyin inkişafına dair 2018-2025-ci illər üzrə Dövlət Proqramı”nın icrası istiqamətində rayonda həyata keçirilən tədbirlər nəticəsində baramaçılıq sahəsində yüksək nəticələr əldə edilib. 2016-cı ildə 5710 kq barama tədarük olunduğu halda 2019-cu ildə bu göstərici 11,4 dəfə artaraq 65 ton 321 kq-a çatıb, 4 minə yaxın əhali mövsümi işlə təmin edilib. Barama tədarükü sahəsində son üç ildə Zərdab rayonu respublika üzrə ən yüksək göstəricilərə nail olub.
Rayon ərazisində mövcud yem bazasını və kümçülərin bu sahəyə olan marağını nəzərə alaraq rayon İcra Hakimiyyəti başçısının təşəbbüsü ilə Çin Xalq Respublikasından həmin ölkənin mütəxəssislərinin nəzarəti ilə 300 qutu baramaqurdu gətirilərək Qax Damazlıq Stansiyasında inkubasiya olunub, 26.06.2019-cu il tarixində rayona gətirilib.
Çin Xalq Respublikasından gəlmiş mütəxəssislər Li Qilyanqın, Su Tinqunun, Kənd Təsərrüfatı Nazirliyinin şöbə müdiri İmran Cümşüdovun, İqtisad elmləri doktoru, professor Tərbiz Əliyevin, Aqrar elmlər üzrə fəlsəfə doktoru Qafar Məmmədovun iştirakı ilə rayon İcra Hakimiyyətində “Yay mövsümündə baramaqurdunun yemləməsinin xüsusiyyətləri” mövzusunda kümçülərlə görüş keçirilib, tədbirin sonunda 300 qutu baramaqurdu pulsuz olaraq onlara paylanılıb, bu işlərə min nəfərdən çox rayon sakini cəlb edilib.
Azərbaycanda ilk dəfə olaraq yay mövsümündə baramaqurdunun saxlanılması Zərdab rayonunda həyata keçirilib, hətta 32-35 dərəcə temperaturda belə yay yemləməsi uğurla başa çatıb. Bəzi kümçülərin baramaqurdunun yay yemləməsi 18-22-ci gün başa çatıb, ipəkqurdunun 70 faizi barama sarımağa başlayıb. İsaqbağı kəndində Şahvələd Bayramovun götürdüyü 19 qram baramaqurdunun yay yemləməsi 18-ci gün, Əlvənd kəndində Mənsur İbrahimovun götürdüyü 57 qram baramaqurdunun yay yemləməsi isə 22-ci gün başa çatıb və barama sarımağa başlayıb. Hər iki kümçü 22 iyul 2019-cu il tarixdə barama yığımına başlayıb. Rayon ərazisində belə kümçülərin sayı onlarladır.
Mütəxəssislərin ilkin proqnozlarına görə, ikinci mərhələdə rayon üzrə paylanılmış baramaqurdundan 10 tondan çox məhsul istehsalı gözlənilir. 24 iyul 2019-cu il tarixdən yay baramasının təhvilinə başlanılıb. Təhvilin ilk iki günündə 1 tondan çox barama tədarük edilib.

Paylaş:

Baxılıb: 674 dəfə