Heydər Əliyev
yeni azerbaycan logo

Ana səhifə / Sosial / Xaricdə təhsilin yeni meyarları - Nələr dəyişdi?

Xaricdə təhsilin yeni meyarları - Nələr dəyişdi?

04.06.2022 [10:42]

Əvvəlki və indiki qaydalar...

“Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2026-cı illər üçün Dövlət Proqramı” çərçivəsində xaricdə təhsil alacaq gənclərin seçilməsi meyarları və prosedurları üzrə Qayda təsdiq edilib. Bununla bağlı Baş nazir Əli Əsədov qərar imzalayıb. Qərar Prezidentin sərəncamı ilə təsdiq olunmuş “Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2026-cı illər üçün Dövlət Proqramı”nın həyata keçirilməsi üzrə Tədbirlər Planına əsasən qəbul edilib.

Yeganə BAYRAMOVA

Qərar ilə təsdiq edilmiş Qaydada Dövlət Proqramı çərçivəsində xarici ölkələrin nüfuzlu ali təhsil müəssisələrində təhsil alacaq gənclərin seçilməsi meyarları və prosedurları müəyyən edilib.

Mövzu barədə “Yeni Azərbaycan”a danışan tarix elmi üzrə fəlsəfə doktoru, təhsil eksperti Kamran Əsədov xaricdə təhsilin əvvəlki və indiki meyarlarını müqayisə edib: “İlk proqram 2007-2015-ci illəri əhatə edirdi. Həmin proqram çərçivəsində 5 min azərbaycanlı gəncin xarici ölkədə təhsil alması nəzərdə tutulmuşdu, amma 3500 nəfər göndərildi. Bu proqram üçün 90 milyon manat vəsait ayrılmışdı. Biz birinci proqramda gördük ki, daha çox bakalavr pilləsində oxuyanlar xaricə gedir və həmin tələbələr ölkəmizə geri qayıtmırdı. Amma bu dəfə məsələ fərqlidir. Əvvəlki zaman ilə müqayisədə dövlətimiz özünün daha çox ehtiyac duyduğu strateji sahələrə kadrların hazırlanması üçün xaricə tələbə göndərir. Əvvəllər istənilən ixtisaslar maliyyələşdirilirdisə, indi yalnız dövlətin müəyyən etdiyi ixtisaslarda təhsil alanlar maliyyələşəcək”.

K.Əsədov qeyd edib ki, ötən illərdə dövlət proqramı ilə xaricdə təhsil alan tələbələrin ölkəyə qayıdıb-qayıtmaması ilə bağlı meyarlar yox idi: “İndi isə belə deyil. Xaricə gedən tələbələrin mütləq şəkildə ölkəyə qayıtması tələb olunur və onlar 5 il Azərbaycanda işləməlidirlər. Ölkəmizə qayıtmayan tələbələr onların təhsili üçün ödənilən vəsaiti geri qaytarmalıdır. Bundan başqa, indiki meyarlara əsasən universitetlərdəki ixtisasların reytinq­li olması lazımdır, lakin əvvəl belə bir tələb yox idi. Dövlətimizin xaricdə təhsillə bağlı siyasəti budur ki, daha çox ixtisaslı mütəxəssislər yetişsin. Əlbəttə, bu da yaxşı haldır”.

Ekspertin sözlərinə görə, vəsaitlərin ödənilməsində də yenilik edilib: “İndiki xərclər çoxalıb və tələbələrin bütün xərclərinin ödənilməsi dövlətin diqqətindədir. Hər semestr 400 nəfər tələbə xaricə göndərilməlidir. Fikrimcə, bu dəfə daha yaxşı nəticə görəcəyik. Əvvəlki nəticələr də pis deyil, hazırda dövlət orqanlarında kifayət qədər çalışanlar var ki, onlar 2007-2015-ci illəri əhatə edən proqramdan məzun olublar. Təbii ki, bu da bizim üçün yaxşı xəbərdir”.

Paylaş:
Baxılıb: 195 dəfə
Multi-media

Xəbər lenti

Hamısına bax

Xəbər lenti

Xəbər lenti

Xəbər lenti

Xəbər lenti

Turizm

Sosial

Xarici siyasət

Prezident bu gün

Prezident bu gün

29 İyun 10:17

MEDİA

İqtisadiyyat

Siyasət

Azadlıqdan abadlığa...

29 İyun 09:40  

Gündəm

Dəmir yumruq yerindədir

29 İyun 09:32  

Xəbər lenti

Xəbər lenti

Xəbər lenti

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30