Heydər Əliyev
yeni azerbaycan logo

Ana səhifə / Sosial / Qışın qəfil gətirdiyi problemlər...

Qışın qəfil gətirdiyi problemlər...

07.12.2022 [10:40]

Nicat DİLQƏMLİ

Qış fəslinin gəlməsi, həm də müəyyən problemlərin ortaya çıxması ilə xarakterikdir. Bir çox hallarda istər rayonlarda, istərsə də paytaxtda qar yağan kimi yollarda nəqliyyatın hərəkətində çətinlik yaranır, digər xidmətlərdə müvəqqəti ləngimələr olur. Bu səbəbdən də artıq bir neçə ildir ki, ölkəmizdə qış fəslinin gəlişinə bir neçə ay qalmış hazırlıq işlərinin görülməsinə başlanılır.

Qar və şaxta gözlənilmədən bizi haqlayıb. Artıq bir neçə gündür ki, rayonlarda qarlı-şaxtalı hava hökm sürür. Və təbii ki, qarın belə qəfil gəlişi özü ilə çoxlarına sevinc bəxş etməklə yanaşı, bir çox qayğı və problemlər də gətirdi...

Aidiyyəti qurumlar qış mövsümü ilə əlaqədar hazırlıq işləri görüblərmi?

Məsələ ilə bağlı “Yeni Azərbaycan” qəzetinə danışan Avtomobil Yolları Dövlət Agentliyinin mətbuat katibi Anar Nəcəfli qabaqlayıcı tədbirlərin icrasına oktyabr ayından başlanıldığını bildirib: “Tədbirlər planı hazırlanır, Qərargah yaradılır və artıq noyabr ayının əvvəlindən payız-qış mövsümü ilə əlaqədar hazırlıq işlərinə başlanılır. Duz-qum ehtiyatının toplanması, texniki təchizatın hazır vəziyyətə gətirilməsi və yanacaq-sürtkü ehtiyatının toplanması kimi işlər artıq noyabrın sonlarında başa çatır”.

AAYDA rəsmisi sürücülərə çağırış edərək onları da qabaqlayıcı tədbirlər görməyə səsləyib: “Qurum olaraq qeyd edirik ki, qarın yağması ilə bağlı qabaqlayıcı tədbirlərin görülməsinə hazırıq. Amma bu o demək deyil ki, yollarda hər hansı bir problem yaranmayacaq. Çalışırıq ki, yaranan problemlər qısa müddət ərzində aradan qaldırılsın. Burada ikinci bir nüans ondan ibarətdir ki, sürücülərimiz qış fəslinə hazır olmalıdırlar. İdarə etdikləri nəqliyyat vasitələri qış fəslinə uyğun təchiz olunmalıdır. Əks halda görülən bütün qabaqlayıcı tədbirlərə baxmayaraq problemlər yaranacaq, bu da digər sürücülərə də mane olacaq. Bütün bunlar da nəticədə tıxacın yaranmasına və bizim texnikaların işinə problem yaratmış olacaq. Ona görə də sürücülərimiz da hazırlıq işləri görməlidirlər”.

“Azərsu” ASC-nin Mətbuat xidməti və ictimaiyyətlə əlaqələr şöbəsinin rəhbəri Anar Cəbrayıllı isə qəzetimizə açıqlamasında “Azərsu” ASC-nin qışa tam hazır olduğunu qeyd edib: “Qışa hazırlıq çərçivəsində “Azərsu” ASC avqust ayından tədbirlər planını təsdiq edir və tədbirlər planına uyğun olaraq artıq sentyabr ayından qışa hazırlıq prosesinə başlanılır. Qışa hazırlıq prosesi deyəndə nə nəzərdə tutulur? Kanalizasiya infrastrukturunun, yəni kanalizasiya nasos stansiyalarının, əsas daşıyıcı kollektorları, baxış quyularının, yağış barmaqlıqlarının şəbəkə xətlərinin təmizlənməsi və monitorinq işləri. Qeyd etmək istəyirəm ki, ötən aylar aparılmış işlər nəticəsində artıq bizim payız infrastrukturumuz qışa tam hazırdır. Ötən müddət ərzində baş vermiş yağışlar da göstərdi ki, bizim bütün infrastrukturumuz pik rejimlə normal şəraitdə çalışdı və tullantı suları ilə yanaşı yaranmış, formalaşmış yağış sularını da kənarlaşdıra bildi”.

“Ümumiyyətlə, “Azərsu” ASC qış-yaz aylarında yaya hazırlıq işlərinin aparılması ilə bağlı xüsusi təchizat sistemlərində yenidənqurma-bərpa-təmir işlərini həyata keçirir və bir də payız aylarında artıq qış dövrünə hazırlıq işləri görür. Qeyd etmək istərdim ki, “Azərsu” ASC həm içməli su, həm tullantı su infrastrukturu qış dövrünə tam hazırdır”, - A.Cəbrayıllı fikirlərinə yekun vurub.

Paylaş:
Baxılıb: 144 dəfə

Xəbər lenti

Hamısına bax

Xəbər lenti

Xəbər lenti

Sabahın hava proqnozu

04 Fevral 12:34

Xəbər lenti

Fevralın 15-dən...

04 Fevral 11:30

Xəbər lenti

MEDİA

Sosial

Ödənişli olacaq

04 Fevral 10:44

Analitik

Siyasət

Gündəm

Siyasət

Səkkiz gün keçdi...

04 Fevral 10:17

Xəbər lenti

Xəbər lenti

Xəbər lenti

Son 5 ay ...

03 Fevral 11:02

Sosial

Ədəbiyyat

Allahı qoruyan şair

03 Fevral 10:56

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28