Mehriban qonşuluq və tarixi dostluq əlaqələri

Bakı:

18 °C

82 %

3 m/s

Əlaqə

AZ RU EN

Ana səhifə / YAP xəbərləri / Mehriban qonşuluq və tarixi dostluq əlaqələri

Mehriban qonşuluq və tarixi dostluq əlaqələri

25.04.2024 [17:28]

Azərbaycanın xarici siyasətində qonşu dövlətlərlə əlaqələrin qurulması və yeni istiqamətlər üzrəinkişaf etdirilməsi əsas istiqamətlərdəndir. Bu baxımdan, Azərbaycan-Rusiya münasibətlərinin dünəni, bu günü və qarşıdakı dövrlə bağlı müəyyənləşdirilən hədəflər daim diqqət mərkəzindədir. Aprelin 22-də Prezident İlhamƏliyevin Rusiya Federasiyasına işgüzar səfəri ikiölkə arasında əlaqələrin daha da dərinləşməsinə böyük təkan verəcək. Səfər çərçivəsində Prezidentlərin keçirilən təkbətək görüşlərində ikitərəfli münasibətlərin gündəliyində duran aktualməsələlər müzakirə edildi. “Sizin də qeyd etdiyinizkimi gündəlik kifayət qədər genişdir. Oradanəqliyyat komponenti də var, bu gün onu damüzakirə edəcəyik. Ölkələrimizi və tərəfdaşlarımızı birləşdirən “Şimal-Cənub” beynəlxalq nəqliyyat dəhlizi yük daşımalarının təhlükəsizliyi baxımından və bir çox ölkələr arasında ticari münasibətləri stimullaşdırmaq üçünqlobal əhəmiyyətə malikdir” söyləyən dövlətimizin başçısı İlham Əliyev qeyd etdi ki, regionaltəhlükəsizlik məsələləri həmişə bizim görüşümüzün gündəliyindədir. Biz, həmçinin şadıq ki, onlar öz həllini tapır: “Rusiya Qafqazda və dahageniş coğrafiyada regional təhlükəsizlik üzrə əsas ölkədir. Ölkələrimiz arasında əməkdaşlıqdan, qarşılıqlı fəaliyyətdən çox şey asılıdır. Biz qarşılıqlı fəaliyyət və qarşılıqlı maraqlar ruhunda etimad tədbirlərinin, əməkdaşlığın, qarşılıqlı anlaşmanın möhkəmləndirilməsinə və bütün məsələlərin nizamlanmasına çalışırıq.”

İki ölkə arasında bütün sahələrdə əlaqələrin yüksələn xətlə inkişaf etdirilməsi üçün geniş imkanlar mövcuddur. Bunu ayrı-ayrı sahələrin inkişafını təmin etmək üçün imzalanan və əməkdaşlıqda hüquqi baza rolunu oynayan sənədlər də təsdiqləyir. Ölkələrimiz arasında yüksək səviyyəli qarşılıqlı səfərlər, 260 sənədi əhatə edən geniş hüquqi baza və mütəmadi qaydada keçirilən iqtisadi forum və konfranslar ikitərəfli münasibətlərin inkişafında həlledici rol oynayır. Görülən tədbirlər nəticəsində Azərbaycan-Rusiya ticarət-iqtisadi əlaqələrinin dayanıqlı inkişafdinamikası təmin edildi. Xüsusilə 2017-ci illə müqayisədə ticarət dövriyyəsi iki dəfədən çoxartaraq, ötən il 4,5 milyard ABŞ dollarına çatıb. Bununla yanaşı, 2023-cü ildə iki ölkə arasında ümumi yük daşımalarının həcmi 2017-ci illə müqayisədə 87 faiz, o cümlədən tranzit yüklərin həcmi dörd dəfəyə yaxın artdı. Şimal-Cənub Beynəlxalq Nəqliyyat Dəhlizi ilə yük daşımaları 2017-ci illə müqayisədə 44 faizdən çox olub. Əməkdaşlığımızın nisbətən yeni sahəsi olan sənaye kooperasiyası layihələrinin reallaşdırılması daiqtisadi əlaqələrin inkişafında xüsusi yer tutur. Rusiyanın Azərbaycandakı şirkətləri yeni istehsalsahələri, xidmət mərkəzləri yaradaraq, sənaye sahəsində daha geniş əməkdaşlığa töhfə verir. Hazırda Azərbaycanda Rusiya kapitallı 1400-dən çox müəssisə fəaliyyət göstərir. Onların 300-ə yaxını 100 faiz Rusiya sərmayəsinə malikdir. Ötən il Rusiyanın Azərbaycan iqtisadiyyatına birbaşa investisiyalarının məbləği 300 milyon dollara yaxın olub. Azərbaycan-Rusiya iqtisadi münasibətlərinin inkişafında regionlararası forumlar da mühüm yertutur.

Rusiya Prezidenti Vladimir Putin iki ölkə arasında iqtisadi əlaqələrin inkişafına işıq salan bu rəqəmləri də diqqətə çatdırdı. Qeyd etdi ki, əmtəə dövriyyəmiz artır. O artıq 4 milyard dollardan daçoxdur. Dollar ekvivalentində desək, Azərbaycan iqtisadiyyatına yatırılan Rusiya investisiyası 6 milyarddır. Hökumətlərarası komissiya fəal işləyir. İqtisadiyyatın real sektorunda, kooperasiyada, infrastrukturda əməkdaşlığın bir çox maraqlı istiqamətləri var. Zənnimcə, onların bir neçəsi ölkələrimizin ictimaiyyətinə məlumdur.

Əvvəldə də qeyd etdiyimiz kimi, ölkələr arasında əlaqələrin inkişafında imzalanan sənədlərin roluböyükdür. 2022-ci il fevralında MoskvadaAzərbaycan və Rusiya prezidentləri tərəfindən imzalanan “Azərbaycan Respublikası ilə RusiyaFederasiyası arasında müttəfiqlik qarşılıqlı fəaliyyəti haqqında” Bəyannamə xalqlarımız arasında tarixi dostluq və mehriban qonşuluqənənələrinə, dərin mədəni və humanitar əlaqələrə əsaslanaraq, dövlətlərarası münasibətlərimizi keyfiyyətcə yeni - müttəfiqlik səviyyəsinə qaldırdı. Humanitar əlaqələr də Azərbaycan-Rusiya əməkdaşlığında mühüm yer tutur. Hazırda Azərbaycanın 26 ali məktəbində rus dilində təhsil həyata keçirilir, 16 min Azərbaycan vətəndaşı olantələbə rus dilində təhsil alır. Həmçinin 324 ortaməktəbdə təhsil rus dilində aparılır. Bu, onilliklər ərzində xalqlarımızı birləşdirən bütün yaxşı cəhətlərin qorunmasında, dövlətlərarası münasibətlərin bünövrəsini təşkil edən dostluqəlaqələrinin güclənməsində və inkişafında mühüməsaslardan birini təşkil edir.

Azərbaycan-Rusiya münasibətlərinin qısa təhlili onu söyləməyə əsas verir ki, iki ölkəni mehribanqonşuluq və tarixi dostluq, siyasi, iqtisadi, humanitar və digər sahələrdə strateji tərəfdaşlıq əlaqələri birləşdirir.

Anar Nəbiyev

YAP Qazax rayon təşkilatının sədri

Paylaş:

Baxılıb: 427 dəfə