Heydər Əliyev
yeni azerbaycan logo

Ana səhifə / YAP xəbərləri / 28 may Müstəqllik Günü qeyd olunub

28 may Müstəqllik Günü qeyd olunub

27.05.2024 [18:32]

27 may 2024-cü il tarixdə Yeni Azərbaycan Partiyası Nərimanov rayon təşkilatı və Odlar Yurdu Universitetinin birgə “28 may Müstəqillik Günü” münasibətilə tədbir keçirilib.

Tədbirdə Odlar Yurdu Universitetinin rektoru Əhməd Vəliyev,YAP Nərimanov rayon təşkilatının sədri Samir Vəliyev, Universitetinin müəllim və tələbə heyəti, fəal gənclər iştirak edib.

Odlar Yurdu Universitetinin akt zalında baş tutan tədbirdə ilk öncə Azərbaycan Respublikasının Dövlət Himni səsləndirilib və Vətən uğrunda canından keçmiş şəhidlərimizin əziz ruhu bir dəqiqəlik sükutla yad edilib.

Tədbiri giriş sözü ilə açan YAP Nərimanov rayon təşkilatının sədri Samir Vəliyev bildirib ki, 28 May Müstəqillik Günü Azərbaycan xalqının tarixində ən şanlı və parlaq səhifələrdən biridir. Yüz altı il bundan əvvəl -1918-ci il mayın 28-də Azərbaycan Xalq Cumhuriyyətinin yaradılması ölkəmizin, xalqımızın həyatına böyük tarixi hadisə kimi daxil olub. Təşkilat sədri müsəlman Şərqində ilk demokratik respublika olan Azərbaycan Xalq Cümhuriyyətinin keçdiyi şərəfli yoldan geniş bəhs edib, həmçinin, keçdiyimiz tarixin, müstəqilliyi qoruyub saxlamağın onu əldə etməkdən daha çətin olduğunu göstərdiyini qeyd edərək, 1991-ci ildə yenidən öz suverenliyini bərpa etmiş müasir Azərbaycanın, ümummilli lider Heydər Əliyevin rəhbərliyi və xidmətləri sayəsində bir dövlət kimi tarixin çətin və sərt sınaqlarından uğurla keçdiyini və inkişaf yoluna qədəm qoyaraq inamla irəliləməyə başladığını vurğulayıb. Samir Vəliyev müasir Azərbaycanın bu gün Prezident İlham Əliyevin rəhbərliyi ilə dövlətçiliyin inkişafı yolunda inamla addımladığını, ölkədə keçirilən sosial-iqtisadi siyasət nəticəsində Azərbaycanın dünyada sürətlə inkişaf edən ölkələrin birinə çevrilməsi, ölkəmizin zəngin karbohidrogen ehtiyatlarına malik bir ölkə olaraq, qlobal enerji siyasətinin formalaşmasında mühüm rol oynadığı bildirilib.

Tədbirdə Odlar Yurdu Universitetinin tələbələrinin ifasında “28 May Müstəqillik Gününə” həsr olunmuş bədii kompozsiya təqdim olunub.

Tədbirin sonunda Yeni Azərbaycan Partiyası Nərimanov rayon təşkilatının ictimai-siyasi həyatında fəal iştirakına görə bir qrup şəxslər təltif olunub.

Bununla da, tədbir başa çatıb.

Paylaş:
Baxılıb: 144 dəfə

Xəbər lenti

Hamısına bax

Xəbər lenti

Sosial

İqtisadiyyat

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30