Ağdam seçiciləri seçkilərdə cənab İlham Əliyevə səs verəcəklər

Bakı:

25 °C

56 %

6 m/s

Əlaqə

AZ RU EN

Ana səhifə / YAP xəbərləri / Ağdam seçiciləri seçkilərdə cənab İlham Əliyevə səs verəcəklər

Ağdam seçiciləri seçkilərdə cənab İlham Əliyevə səs verəcəklər

18.09.2013 [10:49]

Dünən Ağdam rayonunun seçiciləri ilə görüşlər keçirilib
Yeni Azərbaycan Partiyası tərəfindən prezidentliyə namizədliyi irəli sürülmüş cənab İlham Əliyevin seçki təbliğatı çərçivəsində dünən Ağdam rayonunun seçiciləri ilə görüşlər keçirilib. Görüşlər Ağdam Musiqi Kollecinin akt zalında və Birinci Dördyol Mədəniyyət evində reallaşıb.
Tədbiri giriş sözü ilə YAP Ağdam rayon təşkilatının sədri İsgəndər Quliyev açaraq Prezident İlham Əliyevin 10 il ərzində həyata keçirdiyi uğurlardan danışıb. O bildirib ki, bu siyasət ölkəmizə daim uğurlar gətirib: “Bu siyasətin davamlı olması üçün yenə də cənab İlham Əliyevə səs verməliyik. Biz ağdamlılar hər zaman Prezidentimizi dəstəkləmişik və oktyabrın 9-da bir daha bu mövqeyimizi nümayiş etdirəcəyik”.
Çıxış edən “Azərbaycan” qəzetinin baş redaktoru, millət vəkili Bəxtiyar Sadıqov Prezident İlham Əliyevin dövlət başçısı kimi fəaliyyəti dövründə əldə olunmuş nailiyyətləri sadalayaraq deyib ki, Azərbaycanın inkişafını təmin etmək üçün bütün sahələr üzrə proqramlar qəbul olunub. Bu proqramlar hər bir azərbaycanlının həyat tərzinin yaxşılaşdırılmasına, sosial vəziyyətinin yüksəldilməsinə xidmət edir. Eyni zamanda, ümumdaxili məhsul durmadan artır, iqtisadi inkişaf sürətlənir, dövlətimizin mövqeyi möhkəmlənir: “Təbii ki, bu da yorulmaz fəaliyyətin nəticəsidir. Eyni zamanda, Azərbaycan xalqının öz Prezidentinə dəstəyi bu uğurları stimullaşdırır. Əminəm ki, bu dəstək davam edəcək və oktyabrın 9-da hər birimiz yenidən İlham Əliyevə səs verəcək, uğurların davamını təmin edəcəyik”.
Tədbirdə çıxış edən millət vəkili Bəxtiyar Əliyev isə ölkədə baş verən proseslərə münasibət bildirməyin, proseslərdə yer almağın hər bir azərbaycanlının vətəndaşlıq borcu olduğunu söyləyib. Onun sözlərinə görə, oktyabrın 9-da hər bir vətəndaş seçki məntəqəsinə getməli, öz gələcəyinə səs verməlidir: “Bu zaman isə nəzərə almalıdır ki, seçdiyi, səs verdiyi şəxs Azərbaycana nə verə bilər. Tarix ən yaxşı təcrübədir. Azərbaycan xalqı Heydər Əliyev siyasətinə səs verməklə, bu siyasəti müdafiə etməklə daim doğru qərarlar qəbul etdiyini göstərib. 9 oktyabrda da xalqımız doğru qərar qəbul edəcək və dövlətimizin iqtisadi inkişafının təməli olan Heydər Əliyev siyasətinə, bu siyasətin uğurlu davamçısı İlham Əliyevə səs verəcək. Çünki bu siyasət bütün qapıların açarı, bütün problemlərin həllidir”.
Millət vəkili cənab İlham Əliyevin təbliğatını aparmağın olduqca şərəfli və məsuliyyətli bir iş olduğunu söyləyərək deyib ki, Onun gördüyü işlər, atılan addımlar, ölkəmizə qazandırdığı nailiyyətlər hər kəs tərəfindən qəbul və etiraf olunur: “O, 10 illik fəaliyyəti dövründə hamıya göstərdi ki, əsil azərbaycanlıdır və dövlətini, millətini, xalqını çox sevir. Ona görə də, 9 oktyabrda hər birimiz seçki məntəqələrinə gedərək Prezident İlham Əliyevə səs verməliyik. Biz Prezident İlham Əliyevə səs verməklə, öz gələcəyimizə səs verəcəyik”.
Qəsəbə sakinləri Vaqif Məmmədov və Qara Qasımov çıxış edərək prezidentliyə namizəd cənab İlham Əliyevin yürütdüyü uğurlu daxili və xarici siyasət xətti ilə bağlı fikirlərini bildirib və prezident seçkilərində seçiciləri fəallıq göstərməyə çağırıblar.
Nardar BAYRAMLI

Paylaş:

Baxılıb: 1496 dəfə