Novxanılıların yeganə seçimi Prezident İlham Əliyevdir!

Bakı:

17 °C

63 %

6 m/s

Əlaqə

AZ RU EN

Ana səhifə / YAP xəbərləri / Novxanılıların yeganə seçimi Prezident İlham Əliyevdir!

Novxanılıların yeganə seçimi Prezident İlham Əliyevdir!

28.09.2013 [10:59]

Yeni Azərbaycan Partiyası (YAP) tərəfindən Azərbaycan Respublikasının prezidentliyinə namizədliyi irəli sürülmüş cənab İlham Əliyevin təbliğat-təşviqat kampaniyası ölkənin bütün bölgələrində, şəhər, kənd və qəsəbələrində uğurla davam etməkdədir. Azərbaycanda 9 oktyabr tarixində keçiriləcək prezident seçkiləri ilə bağlı təbliğat-təşviqat kampaniyası çərçivəsində seçicilərlə görüş və izdihamlı mitinqlər keçirilir. Bunun əyani sübutunu Novxanı kənd sakinləri ilə keçirilmiş görüşdə bir daha gördük.
Prezident İlham Əliyevin namizədliyini müdafiə edən, Onu dəstəkləyən insanların mitinq və görüşlərə axını bir daha sübut edir ki, YAP-ın namizədi prezident seçkilərinin alternativsiz lideridir.
Görüşü giriş nitqi ilə açan YAP Abşeron rayon təşkilatının sədri Bilman Vəliyev kənd sakinlərini salamlayaraq 9 oktyabrda keçiriləcək prezident seçkilərinin əhəmiyyətini qeyd edib: “Bu gün ölkə, xalq üçün əhəmiyyətli olan siyasi proses ərəfəsində buraya toplaşmışıq. Prezidentliyə namizəd İlham Əliyevin Abşeron rayon üzrə seçki qərargahı artıq 3 aya qədərdir ki, fəaliyyət göstərir. Biz çalışırıq ki, builki seçkilər uğurla inkişaf edən, dünya dövlətləri arasında öncül sıralarda qərarlaşan Azərbaycanın nüfuzuna, gücünə layiq olsun. Bəzi qüvvələr öz məğlubiyyətlərini əvvəlcədən görərək çalışırlar ki, insanları seçkilərdən uzaqlaşdırsınlar. Amma təşkil olunan görüşlərə gələn insanların sayı bir daha onu sübut edir ki, xalq Prezident İlham Əliyevlədir, Onun siyasətini dəstəkləyir”.
Sonra çıxış edən millət vəkili İmamverdi İsmayılov isə deyib: “Bu gün biz Novxanı kənd sakinləri ilə çox gözəl bir gündə görüşürük. Bu görüşü biz Prezident İlham Əliyevi sevən və dəstəkləyən qədim Novxanı kənd sakinləri ilə keçiririk. Novxanı sürətlə inkişaf edən Bakı kəndlərindən biridir. Bu gün Azərbaycanda elə bir kənd, qəsəbə yoxdur ki, oranın yolu çəkilməsin, işığı, qazı olmasın. Əlbəttə ki, bütün bunlar Prezident İlham Əliyevin uğurlu fəaliyyətinin nəticəsidir”.
Daha sonra çıxış edən millət vəkili Hacı Salayev söyləyib ki, Novxanı qədim yaşayış məskəni olmaqla yanaşı, tarixən bu kənddə formalaşmış adət-ənənə özlüyündə böyük əhəmiyyət kəsb edir: “Azərbaycanın bir çox görkəmli ziyalıları, mütəfəkkirləri - Süleyman Rüstəm, Əzim Əzimzadə və Sovet İttifaqı Qəhrəmanı Mehdi Hüseynzadə kimi şəxslər bu kəndin yetirməsi olublar. Əlbəttə ki, sizin hamınız bu regionda gedən siyasi prosesləri izləyirsiniz, nəticələrini görürsünüz. Ölkəmiz durmadan inkişaf edir. İnsanların sosial müdafiəsi gücləndirilir - maaşlar, müavinətlər davamlı olaraq artırılır. Yollar, elektrik və qaz xətləri çəkilir. Bu gün ölkədə yolu, qazı, işığı, məktəbi, xəstəxanası olmayan kənd, qəsəbə, rayon varmı? Əlbəttə ki, yox. Dünyada ikinci elə bir ölkə yoxdur ki, orada Azərbaycandakı kimi sürətli inkişaf getsin. Məhz bütün bu uğurların, nailiyyətlərin səbəbkarı Prezident İlham Əliyevdir”.
Sonra çıxış edən YAP Siyasi Şurasının üzvü, professor Sudeyf İmamverdiyev vurğulayıb ki, Novxanı kəndi özünün ziyalıları, professorları ilə tanınıb: “Azərbaycanın prezidentlik sükanı Ümummilli lider Heydər Əliyevdən sonra Prezident İlham Əliyevə keçməsi İlahinin xalqımıza, dövlətimizə olan hədiyyəsidir. Prezident İlham Əliyev Heydər Əliyev məktəbini keçən nüfuzlu və güclü bir siyasətçidir”.
Görüşün sonunda digər qonaqlar və kənd sakinləri Prezident İlham Əliyevi dəstəkləyəcəklərini və oktyabrın 9-də Ona səs verəcəklərini söyləyiblər.

Paylaş:

Baxılıb: 1085 dəfə