YAP ölkəmizin inkişafında müstəsna rol oynayır

Bakı:

18 °C

88 %

3 m/s

Əlaqə

AZ RU EN

Ana səhifə / YAP xəbərləri / YAP ölkəmizin inkişafında müstəsna rol oynayır

YAP ölkəmizin inkişafında müstəsna rol oynayır

08.09.2026 [16:33]

Sentyabrın 8-də Yeni Azərbaycan Partiyası (YAP) Xızı rayon təşkilatının X konfransı keçirilib.

Əvvəlcə xalqımızın Ümummilli Lideri Heydər Əliyevin abidəsi ziyarət edilib, abidənin önünə gül dəstələri düzülüb.

Tədbirdə Ulu Öndər Heydər Əliyevin, ölkəmizin ərazi bütövlüyü və suverenliyi uğrunda canlarından keçmiş şəhidlərin xatirəsi bir dəqiqəlik sükutla anılıb. Azərbaycan Respublikasının Dövlət Himni səsləndirilib.

Konfransda YAP Xızı rayon təşkilatının sədri Ayaz Quliyev hesabat məruzəsi ilə çıxış edərək təşkilatın ötən dövr ərzində gördüyü işlər, rayonda həyata keçirilən ictimai-siyasi tədbirlər və partiya üzvlərinin ictimai proseslərdə fəal iştirakı barədə məlumat verib. O, təşkilatın fəaliyyətinin partiyanın müəyyən etdiyi əsas prinsiplər və qarşıya qoyulan vəzifələr əsasında davam etdirildiyi vurğulanıb. Qeyd olunub ki, partiya üzvləri rayonun ictimai-siyasi həyatında fəal iştirak edir, müxtəlif sosial, mədəni və ictimai tədbirlərdə yaxından iştirak etməklə qarşıya qoyulan vəzifələrin həyata keçirilməsinə öz töhfələrini verirlər.

Konfransda Xızı Rayon İcra Hakimiyyətinin başçısı Xəzər Aslanov çıxış edərək Yeni Azərbaycan Partiyasının yaranmasının tarixi-siyasi zərurətdən irəli gəldiyini, Ulu Öndər Heydər Əliyevin rəhbərliyi ilə partiyanın qısa müddətdə geniş ictimai dəstək qazandığını və Azərbaycanın siyasi həyatında aparıcı qüvvəyə çevrildiyini diqqətə çatdırıb.

Milli Məclisin deputatı Müşfiq Məmmədli isə çıxışında YAP-ın keçdiyi inkişaf yolundan, təşkilatlanma ənənələrindən və ölkənin ictimai-siyasi həyatında oynadığı mühüm roldan bəhs edib. O bildirib ki, Yeni Azərbaycan Partiyası xalqa və dövlətə xidmət nümunəsi kimi milli maraqlara sadiqlik nümayiş etdirir.

Tədbirdə YAP Xızı rayon təşkilatı “İcra Hakimiyyəti” ərazi partiya təşkilatının sədr müavini Tünzalə İmanova və təşkilatın veteran üzvü Svetlana Rüstəmova çıxış edərək Ulu Öndər Heydər Əliyevin Yeni Azərbaycan Partiyasının yaradılmasındakı tarixi rolundan və dövlətçiliyimizin möhkəmləndirilməsindəki misilsiz xidmətlərindən danışıblar. Bildirilib ki, YAP ölkəmizin inkişafında müstəsna rol oynayır. Çıxışlarda Xızı rayonunda əhalinin ictimai-siyasi fəallığının artırılması və cəmiyyətdə rolunun gücləndirilməsi istiqamətində mühüm işlər görüldüyü vurğulanıb.

YAP Mərkəzi Aparatının Təşkilat şöbəsinin baş məsləhətçisi Orxan Bayramov isə çıxışında partiyanın müasir dövrdə fəaliyyət istiqamətlərinə toxunaraq dövlətçilik ənənələrinin qorunması, milli həmrəyliyin və ictimai-siyasi sabitliyin möhkəmləndirilməsi istiqamətində həyata keçirilən tədbirlərin əhəmiyyətini vurğulayıb.

Konfransda YAP Xızı rayon təşkilatının hesabat dövrü ərzindəki fəaliyyəti qənaətbəxş qiymətləndirilib və Yeni Azərbaycan Partiyasının VIII Qurultayına nümayəndələr seçilib.

Sonda Yeni Azərbaycan Partiyasının himni səsləndirilib.

Paylaş:

Baxılıb: 372 dəfə