Azərbaycan dövləti gəncliyin inkişafına xüsusi diqqət göstərir

Bakı:

27 °C

54 %

5 m/s

Əlaqə

AZ RU EN

Ana səhifə / YAP xəbərləri / Azərbaycan dövləti gəncliyin inkişafına xüsusi diqqət göstərir

Azərbaycan dövləti gəncliyin inkişafına xüsusi diqqət göstərir

29.08.2014 [09:21]

YAP Nərimanov rayon təşkilatında xaricdə təhsil alan gənclərlə görüş keçirilib
Dünən Yeni Azərbaycan Partiyası (YAP) Nərimanov rayon təşkilatında xaricdə təhsil alan bir qrup azərbaycanlı tələbələrlə görüş keçirilib. Görüşdə çıxış edən YAP Nərimanov rayon təşkilatının sədri Təmraz Tağıyev deyib ki, müstəqil dövlətimiz Ümummilli lider Heydər Əliyevin müəyyənləşdirdiyi siyasət nəticəsində inkişaf edir və bu gün Prezident İlham Əliyevin rəhbərliyi ilə bu siyasət uğurla davam etdirilir: “Bu gün Azərbaycanda böyük quruculuq işləri aparılır. Təbii ki, inkişaf siyasətindən gənclərimizə də pay düşür. Gənclərimiz isə, öz növbəsində, onlar üçün yaradılan şəraiti düzgün dəyərləndirməli və bu siyasətin yerlərdə icrası işində yaxından iştirak etməlidirlər. Çünki XXI əsrdə müstəqil Azərbaycanın inkişafı naminə görüləcək çoxsaylı işlərin həyata keçirilməsinin əsas ağırlığı və məsuliyyəti gənclərin üzərinə düşür”.
T.Tağıyev Azərbaycan dövlətinin təhsil sahəsinin inkişafına xüsusi diqqət yetirdiyini bildirib. O qeyd edib ki, məqsəd gənc nəslin yüksək biliklərə yiyələnməsi, layiqli vətəndaş kimi formalaşmasından ibarətdir. Bu baxımdan rayon təşkilatının sədri azərbaycanlı gənclərin xaricdə təhsili üzrə Dövlət Proqramının əhəmiyyətini vurğulayıb: “Bu proqram çərçivəsində minlərlə gəncimiz dünyanın nüfuzlu ali məktəblərində təhsil alır. Onlar yüksək biliklərə yiyələnməli və dövlətimizin etimadını doğrultmalıdırlar. Təbii ki, bu fakt neft kapitalının insan kapitalına çevrilməsinin göstəricisidir. Azərbaycan Prezidenti İlham Əliyev bu məsələyə xüsusi diqqət yetirir. Xaricdə təhsil alan gənclərimizin vəzifəsi yüksək biliklərə yiyələnməklə yanaşı, oxuduqları ölkələrdə Azərbaycanı geniş təbliğ etməkdən ibarət olmalıdır. Siz gənclər təhsilinizi başa vurduqdan sonra qayıdıb ölkəmizin inkişafına öz töhfələrinizi verməlisiniz”.
YAP Nərimanov rayon təşkilatı Gənclər Birliyinin sədri Yusif Babanlı bildirib ki, bu gün gənclərimizin vətənpərvər ruhda tərbiyə olunması, mükəmməl şəkildə təhsil alaraq, müasir tələblərə cavab verən peşəyə sahib olması və onların ölkənin tərəqqisində fəal iştirak etməsi üçün məqsədyönlü iş gedir. Onun sözlərinə görə, dövlət hər bir addımında gəncləri müdafiə etdiyini və dəstəklədiyini nümayiş etdirir. Y.Babanlı xaricdə təhsil alan gənclərin qazandığı uğurları yüksək qiymətləndirib. Y.Babanlı ölkəmizdə gənclər siyasətinin böyük nəticələr verdiyini bildirib. O qeyd edib ki, Azərbaycan dövləti gəncliyin inkişafı üçün bütün zəruri tədbirləri həyata keçirir. Y.Babanlı YAP-ın da gəncliyin inkişafına xüsusi diqqət yetirdiyini vurğulayıb. Onun sözlərinə görə, xaricdə təhsil alan gənclərimiz də partiyaya müxtəlif layihələr, maraqlı təkliflər təqdim edə bilərlər: “Gənclər onlar üçün yaradılmış şəraitdən istifadə edərək, intellektual və yaradıcılıq baxımından kamilləşirlər və YAP-ın təqdim etdiyi fəaliyyət platformasında təcrübi iş prosesində özlərini təsdiq edirlər. Bu baxımdandır ki, gənclərin Yeni Azərbaycan Partiyasına axını daha da sürətlənir, onlar siyasi fəaliyyətlərini, məhz Yeni Azərbaycan Partiyası ilə bağlayırlar”.
Daha sonra xaricdə təhsil alan gənclər çıxış ediblər. Şimali Kiprin Doğu Akdeniz Universitetində təhsil alan Tofiq Hüseynov oxuduğu ölkədə Azərbaycanın təbliğinə xüsusi fikir verildiyini deyib. Azərbaycanın qüdrətli dövlət olduğunu deyən T.Hüseynov Prezident İlham Əliyevin dəstəyini hər zaman hiss etdiklərini vurğulayıb: “Mən təhsil aldığım universitetdə Azərbaycan Tələbə Cəmiyyətinin sədriyəm. Təşkilatımız ölkəmizin təbliği ilə də fəal məşğul olur. Nəzərə alsaq ki, universitetdə başqa xarici ölkələrdən oxuyanlar da var, bu təbliğat işlərinin aparılması zəruridir”.
İsgəndər Hüseynzadə isə Litvanın Beynəlxalq Biznes Universitetinin 3-cü kursunda təsil aldığını bildirib. O qeyd edib ki, təhsil aldığı müddətdə Azərbaycan diasporu ilə sıx əməkdaşlıq edib və ölkəmizlə bağlı bir sıra tədbirlərin keçirilməsində fəal iştirak edib: “Xüsusilə, Ermənistanın Azərbaycana qarşı hərbi təcavüzü barəsində biz daim öz təbliğat işimizi aparırıq”.
Coşqun Dadaşov isə iki il Almaniyada oxuduğunu, hazırda isə təhsilini Azərbaycan Dillər Universitetində davam etdirdiyini deyib. O qeyd edib ki, Almadiyada təhsil aldığı zaman ölkəmizin təbliği istiqamətində müxtəlif tədbirlərdə fəal iştirak edib: “Mənim məqsədim yüksək biliklərə yiyələnərək ölkəmizə layiqli xidmət göstərməkdən ibarətdir”.
Tədbirdə, həmçinin, Türkiyənin İstanbul Universitetinin tələbəsi Murad Hüseynzadə və İsveçrənin Avropa Universitetinin tələbəsi Vüsal Ağarzayev çıxış edərək xaricdə ölkəmizi layiqincə təmsil etməyə çalışdıqlarını qeyd ediblər.
Nardar BAYRAMLI

Paylaş:

Baxılıb: 1030 dəfə