Şəmkirdə YAP tərəfindən bələdiyyə seçkilərində irəli sürülmüş namizədlərlə görüş keçirilib

Bakı:

24 °C

55 %

6 m/s

Əlaqə

AZ RU EN

Ana səhifə / YAP xəbərləri / Şəmkirdə YAP tərəfindən bələdiyyə seçkilərində irəli sürülmüş namizədlərlə görüş keçirilib

Şəmkirdə YAP tərəfindən bələdiyyə seçkilərində irəli sürülmüş namizədlərlə görüş keçirilib

09.12.2014 [10:21]

Görüşdə seçkilərdə Yeni Azərbaycan Partiyasının namizədlərinin növbəti möhtəşəm qələbə qazanacaqlarına əminlik bir daha ifadə olunub
Şəmkir rayonunda Yeni Azərbaycan Partiyası (YAP) tərəfindən bələdiyyə seçkilərində namizədliyi irəli sürülmüş partiya fəalları ilə görüş keçirilib. Görüşdə YAP Şəmkir rayon təşkilatının, eyni zamanda da, Seçki Qərargahının sədri Fəxrəddin Vəliyev, Milli Məclisin deputatı, YAP Siyasi Şurasının üzvü və partiyanın Nəsimi rayon təşkilatının sədri Məlahət İbrahimqızı, “Səs” qəzetinin baş redaktoru Bəhruz Quliyev və YAP Mərkəzi Aparatının məsul işçisi Rafael Gülməmmədov iştirak ediblər.
Tədbiri giriş sözü ilə açan YAP Şəmkir rayon təşkilatının sədri Fəxrəddin Vəliyev qarşıdan gələn bələdiyyə seçkisindən danışıb və bələdiyyə seçkilərinin idarəetmədə mühüm rol oynadığını, bələdiyyələrin Avropa ölkələrinin idarəetmə sistemində geniş təcrübəyə və böyük nüfuza malik olduğunu qeyd edib.
Milli Məclisin üzvü, YAP Nəsimi rayon təşkilatının sədri Məlahət İbrahimqızı bildirib ki, YAP ölkəmizdə alternativsiz siyasi qüvvədir: “Partiyamızın uğurlarının köklü səbəbləri var. Ölkə Prezidenti İlham Əliyevin həyata keçirdiyi siyasət nəticəsində Azərbaycan sürətlə inkişaf edir və bu siyasət xalq tərəfindən yekdilliklə dəstəklənir. Təbii ki, YAP bu siyasətin ən fəal təbliğatçısı kimi cəmiyyətdə böyük nüfuza malikdir. Bu gün 630 min nəfərdən çox üzvü olan partiyamız bütün ictimai-siyasi proseslərin önündə gedir. YAP həm də bələdiyyələrin işinin yüksəldilməsi üçün səmərəli tədbirlər həyata keçirir. Bu işdə bələdiyyələrə seçiləcək partiya üzvlərinin üzərinə böyük məsuliyyət düşür”.
Çıxış edən “Səs” qəzetinin baş redaktoru Bəhruz Quliyev isə deyib ki, ölkə Prezidenti İlham Əliyevin həyata keçirdiyi sosial-iqtisadi siyasət nəticəsində respublikamızın inkişafı sürətlənib və hər bir vətəndaş bunu öz sosial həyatında hiss edir: “Ölkəmizin ümumi inkişafına öz töhfəsini verən YAP-ın resurslarının güclənməsi də məhz keçirilən seçkilərdə öz təsdiqini tapır. YAP hər zaman xalqa xidmət prinsipini prioritet kimi seçki proqramlarında əsas götürüb. “Rifah və quruculuq naminə” şüarı ilə bələdiyyə seçkilərində iştirak edən YAP, seçicilərin dəstəyilə qarşısına qoyduğu hədəflərə çatacaq. YAP-ın uğurlarının əsasında xalq sevgisi, dəstəyi dayanır. Məhz bu dəstəyin nəticəsində partiyamız yarandığı tarixdən bu günə qədər ölkəmizdə keçirilən bütün siyasi kampaniyalarda, seçki prosesində qalib gəlib”.
Çıxış edən Yeni Azərbaycan Partiyası Mərkəzi Aparatının məsul işçisi Rafael Gülməmmədov isə Ulu öndər Heydər Əliyevin siyasi varisi, YAP Sədri, Prezident İlham Əliyevin həyata keçirdiyi siyasət nəticəsində son 10 ildə əldə olunmuş uğurların YAP-ın ən böyük təbliğat vasitəsi olduğunu qeyd edib. O, Şəmkir rayonunun seçicilərinin 2013-cü il prezident seçkilərində olduğu kimi, 23 dekabr bələdiyyə seçkilərində də fəallıq göstərəcəyinə inandığını bildirib.

Paylaş:

Baxılıb: 898 dəfə