YAP Suraxanı rayon təşkilatının qərargahında qadın seçicilərlə görüş keçirilib

Bakı:

27 °C

53 %

6 m/s

Əlaqə

AZ RU EN

Ana səhifə / YAP xəbərləri / YAP Suraxanı rayon təşkilatının qərargahında qadın seçicilərlə görüş keçirilib

YAP Suraxanı rayon təşkilatının qərargahında qadın seçicilərlə görüş keçirilib

06.04.2018 [10:38]

11 aprel 2018-ci ildə keçiriləcək prezident seçkiləri ilə əlaqədar təbliğat-təşviqat kampaniyası çərçivəsində Yeni Azərbaycan Partiyası (YAP) Suraxanı rayon təşkilatında qadın seçicilərlə görüş keçirilib.
Görüşdə YAP Suraxanı rayon təşkilatının sədri Vüqar Seyidov qeyd edib ki, insanlar İlham Əliyevə səs verməklə Azərbaycanın inkişafının davamlı olmasına, Ulu öndər Heydər Əliyev yolunun davam etdiriləcəyinə səs vermiş olacaqlar.
YAP Qadınlar Şurasının sədri, Bakı Slavyan Unversitetinin rektoru Nurlana Əliyeva çıxışında dünyada lider böhranının müşahidə edildiyi müasir dövrdə cənab İlham Əliyevin əsl liderlik xüsusiyyətlərini Öz şəxsində qoruyan, bu xüsusiyyətləri xalqımıza xas yüksək mənəvi-əxlaqi normalarla uzlaşdıran və bütün dünyada nümunə yaradan, çox az sayda tanınan parlaq siyasət adamlarından olduğunu, Öz liderlik keyfiyyətləri ilə XXI əsrin siyasi liderinin mükəmməl portretini yaratdığını vurğulayıb, yeni minilliyin başlanğıcında bu statusun dəyər və meyarlarını formalaşdırdığını qeyd edib.
Nurlana Əliyeva seçiçiləri 2018-ci il aprelin 11-də keçiriləcək prezident seçkilərində onların hər zaman inanıb güvəndiyi Liderinə - cənab İlham Əliyevə səs verməyə səsləyib.
Milli Məclisin deputatı Sevinc Fətəliyeva cənab İlham Əliyevin Prezidentliyi dövründə Azərbaycanın ötən 15 il ərzində istər siyasi, istər iqtisadi, istərsə də beynəlxalq sahələrdə böyük nailiyyətlər qazandığını, aparılan davamlı və uzunmüddətli iqtisadi islahatlar nəticəsində ölkəmizin iqtisadi inkişaf sürətinə görə dünyanın lider dövlətləri sırasında yer aldığını vurğulayıb. Bu gün Prezident İlham Əliyevin rəhbərliyi ilə görülən işlərin Azərbaycan xalqının və dövlətinin mənafeyinin ən yüksək səviyyədə qorunmasına yönəldiyini, bunun hər bir azərbaycanlı tərəfindən yüksək qiymətləndirildiyini vurğulayıb.
YAP Suraxanı rayon təşkilatının Qadınlar Şurasının sədri Zəkiyyə Musayeva, seçiçilərdən Sevda Hacıyeva, Milli qəhrəman Cavanşir Rəhimovun anası Lalə Rəhimova, Arzu Cəfərzadə, Sevinc İsmayılova, Almaz Əhmədova bu gün Azərbaycan qadınının Prezident İlham Əliyevin həyata keçirdiyi siyasətdə övladlarının parlaq gələcəyini, özünün, doğmalarının stabil bir cəmiyyətdə güvənli, təhlükəsiz yaşam tərzini gördüyünü vurğulayıblar, hər kəsi 11 aprel tarixində ən layiqli namizəd olan cənab İlham Əliyevə səs verməyə çağırıblar.

Paylaş:

Baxılıb: 798 dəfə