Şövkət Xanməmmədova: Azərbaycan inkişaf etdikcə onunla əməkdaşlığa maraq göstərən ölkələrin sayı da artmaqdadır

Bakı:

10 °C

81 %

7 m/s

AZ RU EN

Ana səhifə / YAP xəbərləri / Şövkət Xanməmmədova: Azərbaycan inkişaf etdikcə onunla əməkdaşlığa maraq göstərən ölkələrin sayı da artmaqdadır

Şövkət Xanməmmədova: Azərbaycan inkişaf etdikcə onunla əməkdaşlığa maraq göstərən ölkələrin sayı da artmaqdadır

17.07.2020 [08:10]

“Bu gün bütün dünya ölkələri pandemiya təhlükəsindən çıxış yolu axtarır. Bu təhdid qarşısında qlobal həmrəyliyə çağırış siyasəti yürüdən Azərbaycan dövləti isə növbəti dəfə dünyaya nümunə olub. Belə ki, ölkə başçısı İlham Əliyevin həmrəylik və birlik çağırışı, eyni zamanda insan amilinə verilən yüksək dəyər ölkəmizin humanizm siyasətinin əsasını təşkil edir”.
Bu fikirləri Yeni Azərbaycan Partiyası (YAP) Suraxanı rayon təşkilatının Qadınlar Şurasının üzvü Şövkət Xanməmmədova deyib.
Ş.Xanməmmədovanın sözlərinə görə, pandemiyanın ilk günlərindən təkcə ölkə daxilində vətəndaşların sağlamlığı və təhlükəsziliyi üzrə tədbirlərlə deyil, beynəlxalq əməkdaşlıq və yardım siyasəti ilə seçilən Prezident İlham Əliyevin fəaliyyəti yüksək qiymətləndirilib: “Dövlət başçımızın BMT-nin xüsusi sessiyasının keçirilməsi təşəbbüsü ilə çıxış etməsi beynəlxalq birlik tərəfindən çox yüksək dəyərləndirilib”.
Ölkə vətəndaşlarının birgə səylərinin mütləq nəticə verəcəyinə inamını dilə gətirən Ş.Xanməmmədova Azərbaycan Respublikasının Birinci vitse-prezidenti Mehriban xanım Əliyevanın pandemiya dövründə həmrəyliyə, humanizmə çağırşlarını da xüsusi olaraq qeyd edib: “Mehriban xanım Əliyeva “Bəşəriyyət bu çağırışın öhdəsindən gələcək və daha da güclənəcək. Həmçinin ümid edirəm ki, biz sadə həqiqətlər barədə düşünüb onları yenidən dərk etməyə çalışacağıq. Biz biri-birimizdən fərqliyik, amma evimiz birdir. Özgə dərd olmur. Ağrı və iztirablar sərhəd tanımır” fikirləri ilə bir daha xalqı həmrəyliyə səsləyib”.
Ş.Xanməmmədovanın sözlərinə görə, işğalçı Ermənistandan fərqli olaraq Azərbaycan bütün dünyada sülhün və ədalətin tərəfdarı kimi çıxş edərək insanlığın xilası missiyasını üzərinə götürüb: “Məhz buna görə də bu gün dünya birliyi Azərbaycanla əməkdaşlıga böyük həvəs göstərir. Azərbaycan inkişaf etdikcə onunla əməkdaşlığa maraq göstərən ölkələrin sayı da artmaqdadır. Azərbaycanın qlobal təşəbbüsləri işğalçı Ermənistandan başqa, bütün dövlətlər tərəfindən müsbət qarşılanır. Ölkə tarixinin qürurverici səhifəsidir ki, dünyanın 130 ölkəsi Prezident İlham Əliyevin COVID-19 pandemiyasına qarşı mübarizə məqəsdilə BMT Baş Assambleyasının dövlət və hökumət başçıları səviyyəsində xüsusi sessiyasının keçirilməsi təşəbbüsünü dəstəkləyib. Artıq BMT Baş Assambleyasının 31-ci xüsusi sessiyasının gündəliyi də təsdiq olunub. Dövlət başçısının siyasətinin uğurlu nəticəsini görən azad ölkənin vətəndaşı kimi bundan qürur duyur və fəxr edirik”.

Paylaş:

Baxılıb: 627 dəfə