Ramiz Hüseynov: Xalqımız Ali Baş Komandan, Prezident İlham Əliyevin ətrafında sıx birləşərək düşmənə qarşı inamlı və qətiyyətli mübarizə aparmaq üçün səfərbərdir

Bakı:

26 °C

54 %

3 m/s

AZ RU EN

Ana səhifə / YAP xəbərləri / Ramiz Hüseynov: Xalqımız Ali Baş Komandan, Prezident İlham Əliyevin ətrafında sıx birləşərək düşmənə qarşı inamlı və qətiyyətli mübarizə aparmaq üçün səfərbərdir

Ramiz Hüseynov: Xalqımız Ali Baş Komandan, Prezident İlham Əliyevin ətrafında sıx birləşərək düşmənə qarşı inamlı və qətiyyətli mübarizə aparmaq üçün səfərbərdir

18.07.2020 [01:33]

“İyul ayının 12-dən başlayaraq Azərbaycan-Ermənistan dövlət sərhəddinin Tovuz istiqamətində Ermənistan silahlı qüvvələri tərəfindən törədilən hərbi təxribatların qarşısının Azərbaycan Ordusu tərəfindən uğurla alınması bir daha dövlətimizin hərbi gücünü bütün dünyaya nümayiş etdirdi. İyulun 15-də keçirilən Nazirlər Kabinetinin 2020-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasda çıxış edən Prezident İlham Əliyevin də bildirdiyi kimi, Ermənistan ordusu layiqli cavabını aldı. Baş verənlər bir daha ölkəmizin qüdrətini, iqtisadi, siyasi və hərbi gücünü düşmən Ermənistana nümayiş etdirmiş oldu”.

Bu fikirləri Yeni Azərbaycan Partiyası (YAP) Sumqayıt şəhər təşkilatının sədri Ramiz Hüseynov deyib.

Onun sözlərinə görə, Azərbaycanın artan beynəlxalq nüfuzundan, dünya ictimaiyyətinin ölkəmizə verdiyi dəyərdən narahat olan Ermənistan belə bir hərbi təxribata əl atıb. YAP Sumqayıt şəhər təşkilatının sədri qeyd edib ki, Azərbaycan son illərdə bir sıra beynəlxalq iqtisadi layihələrin təşəbbüsçüsü qismində çıxış etməklə dünya siyasətində mühüm yer tutduğunu təsdiqləyib. R.Hüseynov bildirib ki, Prezident İlham Əliyevin COVID-19 pandemiyasına qarşı qlobal mübarizə çağırışlarının dünya ictimaiyyəti tərəfindən fəal şəkildə dəstəklənməsi də Ermənistanı narahat edən amillər sırasındadır. Məhz bu səbəbdən də başqa çıxış yolu tapmayan və iqtisadi-siyasi böhranlar arasında çabalayan Ermənistan rəhbərliyi belə təxribatlara əl atmaqla öz ölkəsində gündəmi dəyişmək niyyətinə düşüb. “Bu gün xalqımız Ali Baş Komandan, Prezident İlham Əliyevin ətrafında sıx birləşərək düşmənə qarşı inamlı və qətiyyətli mübarizə aparmaq üçün səfərbərdir. Ölkəmizin bütün regionlarında bu dəstək açıq şəkildə nümayiş etdirilməkdədir. İyulun 14-də Bakıda ordumuza və Ali Baş Komandanımıza dəstək məqsədilə keçirilən yürüş bir daha milli birliyimizin, həmrəyliyimizin əyani sübutu idi. Yürüşün sonunda bəzi təxribatçı qrupların bu gözəl təşəbbüsə kölgə salmaq cəhdləri isə yolverilməzdir və bu addımı atan şəxslər birmənalı olaraq ən ağır formada cəzalandırılmalıdır. Unutmaq olmaz ki, Azərbaycan güclü dövlətdir və hansısa təxribatla dövlətimizin mövqelərinə zərbə vurmaq mümkün deyil”, - deyə Ramiz Hüseynov söyləyib.

Paylaş:

Baxılıb: 597 dəfə