YAP Nərimanov rayon təşkilatı Yeni Azərbaycan Partiyasının yaranmasının 28-ci ildönümü münasibətilə tədbir keçirib

Bakı:

25 °C

50 %

0 m/s

AZ RU EN

Ana səhifə / YAP xəbərləri / YAP Nərimanov rayon təşkilatı Yeni Azərbaycan Partiyasının yaranmasının 28-ci ildönümü münasibətilə tədbir keçirib

YAP Nərimanov rayon təşkilatı Yeni Azərbaycan Partiyasının yaranmasının 28-ci ildönümü münasibətilə tədbir keçirib

24.11.2020 [09:15]

“Prezident İlham Əliyevin rəhbərliyi ilə Azərbaycan dövləti bundan sonra da mühüm tarixi nailiyyətlərə imza atacaq”
Yeni Azərbaycan Partiyası (YAP) Nərimanov rayon təşkilatı YAP-ın yaranmasının 28-ci ildönümü münasibətilə “Böyük Qələbəyə gedən yolda Yeni Azərbaycan Partiyasının rolu və əhəmiyyəti” mövzusunda ərazi ilk partiya təşkilatlarının sədrlərinin iştirakı ilə videokonfrans formatında tədbir keçirib.
Tədbiri giriş sözü ilə açan YAP Nərimanov rayon təşkilatının sədri Təmraz Tağıyev öncə ərazi bütövlüyümüzün bərpası uğrunda gedən müharibədə möhtəşəm qələbə qazanılması və Yeni Azərbaycan Partiyasının yaranmasının 28-ci ildönümünün qeyd olunması münasibətilə tədbir iştirakçılarını təbrik edib. O, Yeni Azərbaycan Partiyasının yaranma tarixindən, həmin dövrdəki ziddiyyətli siyasi proseslərdən bəhs edib.
T.Tağıyev deyib ki, belə bir şəraitdə xalq ağır vəziyyətdən çıxış yolu kimi Ulu Öndər Heydər Əliyevin hakimiyyətə qayıtmasını görürdü.
Rayon təşkilatının sədri, həmçinin rəşadətli ordumuzun sentyabrın 27-dən etibarən başlayan əks-hücum əməliyyatları nəticəsində Azərbaycanın öz hərbi qüdrətini göstərdiyini diqqətə çatdırıb. T.Tağıyev söyləyib ki, Silahlı Qüvvələrin Müzəffər Ali Baş Komandanının rəhbərliyi ilə cəmi 44 gün davam edən Vətən müharibəsində işğalçı Ermənistan ordusu darmadağın edildi. Bununla da böyük qələbəyə imza atıldı.
Sonra tədbir iştirakçılarından YAP Nərimanov rayon təşkilatı Qadınlar Şurasının sədri Məhəbbət İbrahimova, Avrasiya Universitetinin prorektoru Şəfaət Avılbəyli, Bakı Humanitar Kollecinin direktor müavini Rasim Rzaxanov, ərazi ilk partiya təşkilatlarının sədrləri - Maarif Əhmədov, Ağaəli Hüseynov, Azər Əbilov, Əli Məmmədov, Anar Hacıyev, YAP Nərimanov rayon təşkilatı Gənclər Birliyinin sədri Nərminə Yunusova və sədr müavinləri Vüsal Əliyev, Tamerlan Əkbərov çıxış edərək, Yeni Azərbaycan Partiyasının keçdiyi şərəfli inkişaf yolundan bəhs ediblər.
Natiqlər, həmçinin Yeni Azərbaycan Partiyasının Sədri, Ali Baş Komandan, Prezident İlham Əliyevin rəhbərliyi ilə qüdrətli ordumuzun qəhrəmanlığı sayəsində qazanılmış böyük qələbəyə gedən yoldan danışıblar. Qeyd olunub ki, xalqın alternativsiz Lideri cənab İlham Əliyevin rəhbərliyi ilə Azərbaycan dövləti bundan sonra da yüksək nailiyyətlərə imza atacaq.

Paylaş:

Baxılıb: 746 dəfə