Yeni Azərbaycan Partiyası Qaradağ rayon təşkilatının XII hesabat konfransı keçirilib

Bakı:

26 °C

54 %

2 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyası Qaradağ rayon təşkilatının XII hesabat konfransı keçirilib

Yeni Azərbaycan Partiyası Qaradağ rayon təşkilatının XII hesabat konfransı keçirilib

25.06.2021 [09:37]

İyunun 24-də Yeni Azərbaycan Partiyası (YAP) Qaradağ rayon təşkilatının videoformatda XII hesabat konfransı keçirilib.
Əvvəlcə Yeni Azərbaycan Partiyasının qurucusu, Ümummilli Lider Heydər Əliyevin və Azərbaycanın ərazi bütövlüyü uğrunda canlarını qurban vermiş şəhidlərin xatirəsi bir dəqiqəlik sükutla yad edilib.
Konfransın gündəliyi təsdiq edildikdən sonra YAP Qaradağ rayon təşkilatının sədri, Milli Məclisin deputatı Aydın Hüseynov hesabat məruzəsi ilə çıxış edib. A.Hüseynov bildirib ki, YAP Qaradağ rayon təşkilatı öz fəaliyyətini partiya rəhbərliyinin tövsiyə və tapşırıqlarına uyğun qurub. Rayon təşkilatı özünün XI konfransında qəbul etdiyi qərarların həyata keçirilməsi istiqamətində ardıcıl işlər görüb, təşkilati, ideoloji və siyasi yönümdə fəaliyyətini genişləndirib, rayonun ictimai-siyasi həyatında fəal iştirak edib. Hesabat dövründə rayon təşkilatı sıralarını möhkəmləndirib, bir sıra yeni ərazi ilk partiya təşkilatları yaradılıb, ideoloji işin gücləndirilməsi istiqamətində zəruri addımlar atılıb.
Məruzədə qeyd olunub ki, təşkilatın sıralarına 1117 nəfər yeni üzv qəbul olunub və hazırda 114 ərazi ilk partiya təşkilatında 12 min 256 partiya üzvü birləşib.
Daha sonra YAP Qaradağ rayon təşkilatının Nəzarət-Təftiş Qrupunun sədri Elçin Abbasovun hesabatı dinlənilib.
Müzakirələr zamanı çıxış edən Qaradağ Rayon İcra Hakimiyyətinin başçısı, YAP Qaradağ rayon təşkilatının sədr müavini Süleyman Mikayılov, YAP Qaradağ rayon təşkilatının fəal üzvü Seyidməmməd Məmmədzadə, SOCAR Qobustan regional təlim mərkəzinin direktoru, ərazi ilk partiya təşkilatının sədri Nəzakət Məmmədova, 288 nömrəli tam orta məktəbin direktoru, ərazi ilk partiya təşkilatının sədri Taleh Quliyev, SOCAR “Metanol” zavodunun direktorunun müşaviri, ərazi ilk partiya təşkilatının sədri Elnur Bağırov və Ə.Əmirov adına NQÇİ-nin baş metroloqu, ərazi ilk partiya təşkilatının sədri İlqar Yusifov çıxış edərək YAP Qaradağ rayon təşkilatının hesabat dövründəki fəaliyyətinə münasibət bildiriblər.
Konfransda çıxış edən YAP Mərkəzi Aparatının Təşkilat şöbəsinin müdiri Əhliman Tağıyev bildirib ki, öz fəaliyyətində ölkənin problemlərinin həllini, sosial-iqtisadi inkişafını, müstəqilliyimizin daimiliyini, dövlətçiliyimizin möhkəmləndirilməsini əsas götürən Yeni Azərbaycan Partiyası respublikamızın siyasi sistemində aparıcı qüvvəyə çevrilərək 29 il ərzində öz proqram məqsədlərinə uyğun fəaliyyət göstərib. YAP Qaradağ rayon təşkilatının fəaliyyətini müsbət dəyərləndirən Əhliman Tağıyev partiyanın yerli təşkilatlarının qarşısında dayanan vəzifələr haqqında da fikirlərini bildirib.
Qeyd edək ki, konfransda YAP Qaradağ rayon təşkilatının hesabat dövründəki fəaliyyəti qənaətbəxş qiymətləndirilib.

Paylaş:

Baxılıb: 717 dəfə