Heydər Əliyev
yeni azerbaycan logo

Ana səhifə / YAP xəbərləri / YAP Laçın rayon təşkilatı Yeni Azərbaycan Partiyasının 29 illiyi ilə bağlı tədbir keçirib

YAP Laçın rayon təşkilatı Yeni Azərbaycan Partiyasının 29 illiyi ilə bağlı tədbir keçirib

16.11.2021 [17:07]

Noyabrın 16-da Yeni Azərbaycan Partiyasının (YAP) Laçın rayon təşkilatı partiyanın təsis edilməsinin 29-cu ildönümünə həsr olunmuş “Yeni Azərbaycan Partiyası tarixi zərurətdən yaranmışdır” mövzusunda videokonfrans formatında tədbir keçirib. Əvvəlcə Yeni Azərbaycan Partiyasının qurucusu, Ümummilli Lider Heydər Əliyevin əziz xatirəsi yad edilib.

Sonra tədbirdə çıxış edən YAP Laçın rayon təşkilatının sədri səlahiyyətlərini icra edən İlqar İlyasov Yeni Azərbaycan Partiyasının ötən 29 ildə keçdiyi şərəfli yol barədə geniş məlumat verib. Bildirib ki, Yeni Azərbaycan Partiyası yarandığı gündən çox böyük uğurlara imza atmış, xalqımızın və dövlətimizin qarşısında misilsiz xidmətlər göstərmiş və bu gün də göstərməkdədir.

İ.İlyasov qeyd edib ki, Ümummilli Lider Heydər Əliyevin rəhbərliyi ilə Yeni Azərbaycan Partiyasının yaradılması obyektiv tarixi zərurət idi. 1992-ci il noyabr ayının 21-də Cəlil Məmmədquluzadə adına Naxçıvan Dövlət Musiqili Dram Teatrının binasında ölkənin bütün bölgələrindən, cəmiyyətin ən müxtəlif təbəqələrini təmsil edən 550 nəfərdən artıq nümayəndənin iştirakı ilə təsis konfransının keçirildiyini xatırladan İ.İlyasov bildirib ki, Yeni Azərbaycan Partiyası bu gün öz sıralarında 760 mindən çox insanı birləşdirir.

İlqar İlyasov onu da əlavə edib ki, bu gün ölkəmizin əsas aparıcı siyasi qüvvəsi olan Yeni Azərbaycan Partiyasının qüdrətini təmin edən partiyanın təməl prinsipləridir: “Azərbaycan Respublikasının Prezidenti, Yeni Azərbaycan Partiyasının Sədri İlham Əliyevin qeyd etdiyi kimi, “Heydər Əliyev və Yeni Azərbaycan Partiyası bizim siyasi xəttimizdir. Heydər Əliyev Yeni Azərbaycan Partiyasının, müstəqil Azərbaycan dövlətinin qurucusudur. Çünki 1993-cü ildən başlayaraq ölkədə bütün xoşagəlməz hallara son qoyuldu, sabitlik yarandı, vətəndaş müharibəsinə son qoyuldu, inkişaf, sabitlik, quruculuq, dövlətçilik dövrü başlandı. Yeni Azərbaycan Partiyasının əsas ideoloji dayaqları müstəqillikdir, azərbaycançılıqdır, müasirlikdir, inkişafdır, sosial rifahdır, iqtisadi və siyasi islahatlardır”.

Daha sonra tədbirdə çıxış edən partiya fəalları Yeni Azərbaycan Partiyasının Azərbaycanın siyasi həyatında oynadığı mühüm roldan bəhs ediblər.

 

Paylaş
Baxılıb: 175 dəfə

Xəbər lenti

Hamısına bax
ARXİV
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30