Heydər Əliyev
yeni azerbaycan logo

Ana səhifə / YAP xəbərləri / Naftalanda “Yeni Azərbaycan Partiyası dünənin, bu günün və gələcəyin partiyasıdır” mövzusunda tədbir keçirilib

Naftalanda “Yeni Azərbaycan Partiyası dünənin, bu günün və gələcəyin partiyasıdır” mövzusunda tədbir keçirilib

18.11.2021 [15:20]

partiyasıdır” mövzusunda tədbir keçirilib

YAP Naftalan şəhər təşkilatının və Naftalan Şəhər İcra Hakimiyətinin birgə təşəbbüsü ilə “Yeni Azərbaycan Partiyası dünənin, bu günün və gələcəyin partiyasıdır” mövzusunda tədbir keçirilib. Tədbir Yeni Azərbaycan Partiyasının yaradılmasının 29-cu ildönümünə həsr olunub.

Tədbirdə ŞİH-nin başçısı Vüqar Novruzov, YAP Naftalan şəhər təşkilatı sədrinin səlahiyyətlərini icra edən Hatəm Qocayev, idarə müəssisə və təşkilat rəhbərləri, partiya fəalları iştirak ediblər.

Tədbir iştirakçıları Heydər Əliyev Mərkəzində Ümummilli Liderin şərəfli ömür yolu, ölkəmizin tərəqqisi uğrunda göstərdiyi xidmətləri özündə əks etdirən foto-eksponatlara baxış keçiriblər. Sonra Ulu Öndər Heydər Əliyevin və vətənimizin azadlığı uğrunda canından keçmiş şəhidlərimizin əziz xatirəsi  bir dəqiqəlik sükutla yad edilib.

Naftalan Şəhər İcra Hakimiyyətinin başçısı Vüqar Novruzov çıxış edərək bildirib ki, bu gün öz ətrafında 760 mindən çox insanı birləşdirməklə YAP nəinki ölkənin, hətta Cənubi Qafqazın ən böyük siyasi qüvvəsinə çevrilib. Bu nailiyyətlər Ulu Öndər Heydər Əliyev tərəfindən qoyulmuş sarsılmaz təməlin və bu gün partiyanın Sədri, Prezident İlham Əliyevin apardığı məqsədyönlü və müdrik siyasətin nəticəsində mümkün olub. Qeyd edib ki, Vətən müharibəsində Ali Baş Komandanın uğurlu hərbi strategiyası, müzəffər Azərbaycan Ordusunun şanlı qələbəsi sayəsində Qarabağın işğaldan azad olunması Prezident İlham Əliyev tərəfindən aparılan siyasətin heç bir alternativi olmadığını tam sübut edib.

Tədbirdə çıxış edən digər  natiqlər qeyd ediblər ki, zamanın tələbi, xalqın istəyi ilə yaranan və qısa müddətdə ümumxalq partiyasına çevrilən Yeni Azərbaycan Partiyasının bütün uğurlarının əsasında  xalqın inamı və bu inamdan irəli gələn dəstəyi dayanır.

Tədbirin sonunda YAP sıralarına daxil olan bir qrup gəncə partiyanın üzvlük vəsiqələri təqdim edilib.

 

Paylaş
Baxılıb: 109 dəfə

Xəbər lenti

Hamısına bax

Prezident bu gün

04 Dekabr 00:11

Prezident bu gün

03 Dekabr 09:59

ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31