Ramil Orucov: Azərbaycanın enerji diplomatiyası regional təhlükəsizliyə xidmət edir

Bakı:

10 °C

93 %

4 m/s

Əlaqə

AZ RU EN

Ana səhifə / YAP xəbərləri / Ramil Orucov: Azərbaycanın enerji diplomatiyası regional təhlükəsizliyə xidmət edir

Ramil Orucov: Azərbaycanın enerji diplomatiyası regional təhlükəsizliyə xidmət edir

08.09.2022 [13:28]

Azərbaycanın müstəqil, çoxşaxəli və milli maraqlara söykənən xarici siyasət kursu onun Cənubi Qafqaz regionunun ən çox inkişaf etmiş ölkəsinə çevirib. Müasir dövrümüzdə reallıq ondan ibarətdir ki, Azərbaycan yalnız regionda gedən proseslərə deyil, eyni zamanda, beynəlxalq aləmdə cərəyan edən proseslərə təsir göstərmək imkanına malikdir. Bu gün həyata keçirdiyi enerji layihələri, regional inteqrasiyaya xidmət edən əməkdaşlıq formatları Cənubi Qafqazda sabitliyin təmin edilməsində mühüm rol oynayan Azərbaycan regionun milli maraqlara söykənən xarici siyasəti ilə regional təhlükəsizliyin təmin olunması istiqamətində ardıcıl və sistemli addımlar atan yeganə ölkəsidir.

Bunu açıqlamasında YAP Gəncə şəhər təşkilatının sədri Ramil Orucov bildirib. O, qeyd edib ki, bölgənin uzunmüddətli inkişaf strategiyasının müəyyənləşdirilməsində aparıcı rol oynayan Azərbaycanın qlobal layihələri dünya iqtisadiyyatında Vətənimizi özünəməxsus iqtisadi modelə malik ölkə kimi səciyyələndirir. Enerji təhlükəsizliyi üçün böyük təminat verən neft və qaz kəmərləri təkcə regionda deyil, eləcə də bütün dünyada dövlətlərimizin nüfuzunu əhəmiyyətli dərəcədə artırıb. Qürurverici haldır ki, Azərbaycanın enerji diplomatiyası regional təhlükəsizliyə, beynəlxalq əməkdaşlığa və milli maraqlara xidmət edir, ölkəmiz qitənin enerji təhlükəsizliyinin təmin olunmasında əhəmiyyətli rol oynayır.

Prezident cənab İlham Əliyevin avqustun 31-də İtaliya Prezidenti Sercio Mattarellanın dəvəti ilə bu ölkəyə işgüzar səfəri, “The European House - Ambrosetti" beyin mərkəzi tərəfindən "Dünya, Avropa və İtaliyaya baxış" və "Rəqabətli strategiyalar üçün bu günün və sabahın ssenarisi" mövzusunda keçirilən 48-ci Beynəlxalq Çernobbio Forumunda iştirakı, "Enerji təhlükəsizliyinin təmin edilməsində Azərbaycanın rolu" mövzusunda çıxışı bir daha təsdiq etdi ki, müstəqil Azərbaycan Cənubi Qafqazın əsas söz sahibidir.

Ramil Orucov onu da vurğulayıb ki, dünyanın mühüm məsələlərinin müzakirə edildiyi və nüfuzlu dövlət başçılarının, ictimai-siyasi xadimlərin, politoloqların iştirak etdiyi forumdakı çıxışı ilə Azərbaycan Prezidenti cənab İlham Əliyev yeni geopolitik durumun real mənzərəsini yaratdı, beynəlxalq ictimaiyyətə yeni siyasi-iqtisadi münasibətlərin zəruriliyini, Azərbaycanın Avropanın enerji təhlükəsizliyində rolunu diqqətə çatdırdı. Dövlətimizin başçısı forumda enerji strategiyası ilə bağlı bütün məqamları nüfuzlu dövlət başçılarının, ictimai-siyasi xadimlərin, politoloqların nəzərinə yönəltdi, hazırda Avropanın ciddi ehtiyac duyduğu ölkəmizin təbii qaz potensialını konkret göstəricilərlə xarakterizə edərək, respublikamızın 2,6 trilyon kubmetrə bərabər ehtiyata malik olduğunu, son 10 il ərzində qonşu ölkələr bazarında etibarlı təchizatçı kimi tanındığını xüsusi ilə vurğuladı.

Ölkə Prezidentimizin İtaliyanın "İl Sole 24 Ore" qəzetinə müsahibəsində də Azərbaycanın iqtisadi imkanlarını, Avrasiyada əsas enerji təminatçısı rolunu daha da genişləndirdiyini beynəlxalq ictimaiyyətin diqqətinə çatdırıb. Cənab İlham Əliyev həmçinin qeyd edib ki, dünyada mövcud vəziyyətlə əlaqədar Azərbaycan əlavə qaz həcmlərinin ixracı ilə bağlı çoxsaylı müraciətlər alır və onlara baxmağa hazırdır.

Bütün bunlar sübut edir ki, enerji ehtiyatları ilə kifayət qədər zəngin olan Azərbaycanın iştirakı olmadan Avropa istiqamətində uzanan enerji layihələrinin reallaşdırılması mümkünsüzdür. Öz siyasətini milli maraqlar və beynəlxalq hüququn prinsipləri əsasında quran Azərbaycanın qitədə enerji təhlükəsizliyinin təminatında mühüm rol oynayır- deyə YAP Gəncə şəhər təşkilatınən sədri Ramil Orucov qeyd edib.

Paylaş:

Baxılıb: 512 dəfə