2020-ci il 27 sentyabr tarixində növbəti hərbi təxribat

Bakı:

12 °C

82 %

2 m/s

Əlaqə

AZ RU EN

Ana səhifə / YAP xəbərləri / 2020-ci il 27 sentyabr tarixində növbəti hərbi təxribat

2020-ci il 27 sentyabr tarixində növbəti hərbi təxribat

27.09.2022 [11:05]

YAP Ağdam rayon təşkilatının sədri

Mansur Quliyev

Bu gün, 27 sentyabr müstəqil Azərbaycanımızın çağdaş tarixinə Anım Günü kimi həkk olmuşdur. İlk öncə Şəhidlərimizə Allahdan rəhmət diləyirik, ruhları qarşısında baş əyirik və Qazilərimizə də cansağlığı arzulayırıq.

Məlum olduğu kimi 2020-ci ili 27 sentyabr tarixində Ermənistanın hərbi birləşmələri yeni ərazi iddiaları ilə cəbhə boyu ərazilərdə geniş miqyaslı hücum planlarına cəhd göstərdilər, belə bir məqamda Azərbaycan tərəfi Müzəffər Ali Baş Komandanımız cənab İlham Əliyevin müvafiq əmri əsasında əks hücum əməliyyatlarına başladı və qısa müddət ərzində düşmənə layiqli cavab verildi. Ermənistanın hərbi-siyasi rəhbərliyinin bitib tükənməyən təxribatları artıq Azərbaycanın səbrini tükətmişdir və düşmən öz layiqli cavabını almağa məhkum idi.

Qəhrəman Azərbaycan xalqı və yenilməz ordumuz Müzəffər Ali Baş Komandanın rəhbərliyi ilə tarix yazdı və zəfər qazandı. Ulu öndər Heydər Əliyevin vaxtilə dediyi sözləri bu gün xalqımız bir daha qürurla yada salır: “Mənim axıra çatdıra bilmədiyim taleyüklü məsələləri, planları, işləri sizin köməyiniz və dəstəyinizlə İlham Əliyev başa çatdıra biləcək. Mən ona özüm qədər inanıram və gələcəyinə böyük ümid bəsləyirəm”. və nəticə etibarı ilə Azərbaycan xalqı bu tarixi fikrin reallaşmasının bir daha şahidi oldu.

44 günlük Vətən Müharibəsində şanlı Zəfər qazanan Azərbaycan Silahlı Qüvvələri Ali Baş Komandan cənab İlham Əliyevin rəhbərliyi altında hərb tariximizdə yeni tarix yazdı , işğal olunmuş torpaqlarımızı düşmən tapdağından azad etdi və ən əsası tarixi ədaləti bərpa etdi. Qazanılan bütün bu uğurlar isə ölkə Prezidenti, Silahlı Qüvvələrimizin Ali Baş Komandanı cənab İlham Əliyevin düşünülmüş və uzaqgörən sərkərdəlik təcrübəsinin məntiqi nəticəsi idi.

Vətən müharibəsi xalqımızın birliyini, ordumuzun qüdrətini və ən əsası Müzəffər Ali Baş Komandanımız cənab İlham Əliyevin qətiyyətini , əsl liderlik bacarıqlarını bir daha dünyaya nümayiş etdirdi, eyni zamanda tarixi ədaləti bərpa etdi.

Şanlı Vətən Müharibəsi milli birliyimizin və sarsılmaz müstəqilliyimizin təcəssümü idi.

44 günlük Vətən Müharibəsindəki şanlı Zəfərimizdən sonra regionda yeni geosiyasi vəziyyət yaranıb, bu proseslər Azərbaycanın xeyrinə davam edir. Çunki, bu gün Azərbaycan sözün əsl mənasında həm Beynəlxalq aləmdə, həm də regionda böyün nüfuza sahib olan bir dövlətdir

Müzəffər Ali Baş Komandanımız cənab İlham Əliyevin rəhbəliyi ilə cəmi 44 gün ərzində erməni işğalçılarına layiqli cavab verən Azərbaycan ordusunun qüdrəti və yenilməzliyi bir daha dünyaya nümunə oldu.

Paylaş:

Baxılıb: 511 dəfə