Azərbaycan Cənub Qaz Dəhlizini başlayan tərəf olmaqdan qürur hissi duyur

Bakı:

26 °C

54 %

2 m/s

Əlaqə

AZ RU EN

Ana səhifə / YAP xəbərləri / Azərbaycan Cənub Qaz Dəhlizini başlayan tərəf olmaqdan qürur hissi duyur

Azərbaycan Cənub Qaz Dəhlizini başlayan tərəf olmaqdan qürur hissi duyur

08.10.2022 [11:33]

Məlumdur ki, artıq Azərbaycan qazı Avropaya çatıb. Bu, “Cənub qaz dəhlizi”nin sonuncu hissəsi olan TAP-ın işə düşməsi sayəsində mümkünləşdi. TAP-ın istismara daxil olması ilə “Cənub qaz dəhlizi” tam fəaliyyətə başladı. Tarixdə ilk dəfə olaraq Azərbaycan qazı Avropaya birbaşa nəql edildi.

Bu hadisə təkcə neft-qaz sənayemizində deyil, ümumən xalqımızın tarixində xüsusi yeri və əhəmiyyəti var. Çünki “Cənub qaz dəhlizi” layihəsinin təşəbbüskarı və aparıcı qüvvəsi məhz Azərbaycandır.

Cənub Qaz Dəhlizi Azərbaycanın çox uğurlu enerji strategiyasının əsas elementlərindən biridir. Azərbaycan müstəqillik illərində təməlini Ümummilli lider Heydər Əliyevin qoyduğu və ölkənin uzunmüddətli inkişafına hesablanan yeni neft strategiyasını uğurla reallaşdırır.

Bugün müstəqil Azərbaycanın güclü dayaqlara malik ölkəyə çevrilməsində uğurlu enerji siyasəti, neft-qaz sənayesinin mükəmməl inkişafı mühüm rol oynayıb. Cənub Qaz Dəhlizi Azərbaycanın yeni enerji siyasətinin çox mühüm bir həlqəsini təşkil edir.

Bildiyimiz kimi, “Cənub qaz dəhlizi”nin təməli 20 sentyabr 2014-cü il tarixdə, yəni, “Əsrin müqaviləsi”nin 20 illiyi qeyd olunan gün Səngəçal terminalında qoyulub. Layihə geniş beynəlxalq əməkdaşlıq şəraitində gerçəkləşib. Dörd seqmentdən ibarət olan bu nəhəng layihənin uğurla həyata keçirilməsi bütün iştirakçı dövlətlərin və şirkətlərin, eyni zamanda, genişmiqyaslı işlərdə əməyi olan hər kəsin nailiyyətidir.

Sevindirici haldır ki, Avropa İttifaqı üçün prioritet enerji layihələrindən biri olan Cənub Qaz Dəhlizi Xəzər regionundakı müəyyən qaz ehtiyatını Avropa bazarına daşımaqla dünyanın enerji xəritəsini dəyişib. Bugün Cənub Qaz Dəhlizi Avropanın enerji təhlükəsizliyinə sanballı töhfədir.
Hazırda dünyada yaşanan məlum gərginliklər fonunda ölkələrin milli təhlükəsizliyinə yaranan təhdidlər enerji təhlükəsizliyinin aktuallığını daha da artırıb. Bu baxımdan Cənub Qaz Dəhlizi müstəsna əhəmiyyət daşıyır.

Xatırladaq ki, Azərbaycan Cənub Qaz Dəhlizi Məşvərət Şurasının yaradılması təşəbbüsünü 2015-ci ildə irəli sürüb. Ötən dövrdə böyük regional və qlobal əhəmiyyət daşıyan layihə ətrafında kifayət qədər geniş komanda formalaşıb. Gürcüstan, Türkiyə, Yunanıstan, Bolqarıstan, Albaniya, İtaliya Cənub Qaz Dəhlizinə artıq üzv dövlətlərdir. Bundan başqa, Bosniya və Herseqovina, Xorvatiya və Monteneqro ilə anlaşma memorandumları imzalanıb. Yəni “Cənub qaz dəhlizi” nin “qol” ları zaman keçdikcə şaxələnir, cünki bugün Avropa ölkələrində Azərbaycan qazına tələbat vardır. Bu isə Azərbaycana qaz ixracı imkanlarını getdikcə daha da genişləndirmək imkanı verir.

Prezident İlham Əliyev cari ilin sentyabr ayının 30-da Bolqarıstana rəsmi səfəri çərçivəsində çıxışı zamanı bir daha diqqətə çatdırdı ki, Azərbaycan uzun illərdir etibarlı tərəfdaş kimi xam neftini dünya və Avropa bazarlarına ixrac edir. Avropanın enerji xəritəsini dəyişmiş Cənub Qaz Dəhlizi qitə üzrə ən böyük infrastruktur layihələrindən biridir. Azərbaycan Cənub Qaz Dəhlizini başlayan tərəf olmaqdan qürur hissi duyur. Cənub Qaz Dəhlizi qazı istehlakçılara yeni marşrutla, o cümlədən yeni mənbədən nəql edir. Bu vaxta qədər yeganə mənbə Xəzərin Azərbaycan sektorunda yerləşən “Şahdəniz” qaz yatağı olmuşdur. Lakin əminik ki, Azərbaycanın bir neçə digər qaz yatağında hasilat bu yaxınlarda başlayacaq və təchizat həcmlərinin artırılmasına töhfə verəcəkdir.

Eyni zamanda sevindirici haldır ki, artıq Azərbaycan qazı Bolqarıstandadır. Bugün gerçəkləşən Yunanıstan-Bolqarıstan Qaz İnterkonnektoru layihəsi doğrudan da tarixi əhəmiyyətə malikdir. Çünki, bu interkonnektor həm Azərbaycan qazının Avropaya daha geniş miqyasda nəql olunmasına imkan verəcək, eyni zamanda, Avropa qitəsində enerji təhlükəsizliyinə də bunun çox böyük faydası olacaqdır.

Çıxışı zamanı cənab Prezident onu da vurğuladı ki, artıq Avropa İttifaqı ilə Azərbaycan arasında bu yaxınlarda enerji sahəsində strateji tərəfdaşlıq haqqında Memorandum imzalanmışdır. Bu Memoranduma əsasən də, növbəti bir neçə ildə biz Avropaya qaz ixracatımızı ən azı 2 dəfə artırmağa imkanımız olacaqdırr. Hazırda isə Azərbaycanın təsdiq edilmiş qaz ehtiyatları 2,6 trilyon kubmetrdir. Yeni və çoxşaxəli qaz nəqliyyat infrastrukturu isə bizə imkan verir ki, bir çox ölkələri təbii qazla təmin edək. Bu da öz növbəsində gələcək planlar üçün də gözəl zəmindir. Azərbaycanın “Cənub qaz dəhlizi” layihəsi isə Avropa üçün yeni enerji damarıdır.

Natiq Quluzadə

YAP Zəngilan rayon

təşkilatının sədri

Paylaş:

Baxılıb: 607 dəfə