Türkiyəli mütəxəssis: Azərbaycanda seçkiləri müşahidəçi qismində izləyərkən prosesin demokratik mühitdə keçirildiyini görmüşəm

Bakı:

22 °C

51 %

3 m/s

AZ RU EN

Ana səhifə / Xəbər lenti / Türkiyəli mütəxəssis: Azərbaycanda seçkiləri müşahidəçi qismində izləyərkən prosesin demokratik mühitdə keçirildiyini görmüşəm

Türkiyəli mütəxəssis: Azərbaycanda seçkiləri müşahidəçi qismində izləyərkən prosesin demokratik mühitdə keçirildiyini görmüşəm

10.08.2024 [11:54]

“Bakıda beynəlxalq tərbirlərdə, Humanitar forumlarda iştirak etmişəm. Azərbaycana hər dəfə gələndə qardaş ölkəni daha fərqli, daha çox inkişaf etmiş formada görürəm. Seçki proseslərini də bir neçə dəfə izləmişəm. Bundan əvvəlki seçkilərdə biz beynəlxalq müşahidəçilər qrupu ilə xeyli məntəqədə olmuşuq və prosesin demokratik mühitdə keçdiyini görmüşük. Bu təcrübəyə əsaslanaraq deyə bilərəm ki, sentyabrın 1-də Milli Məclisə seçkilər də demokratik ab-havada keçəcək”.

Bu fikirləri secki-2024.az saytına açıqlamasında Asiya Siyasi Partiyalarının Beynəlxalq Konfransının (ICAP) prezidentinin müşaviri, Qlobal İdarəçilik və İnkişaf Təşkilatının baş direktoru Gözdə Dizdar bildirib. O qeyd edib ki, Azərbaycanın parlament seçkilərinə ciddi formada hazırlaşdığını yaxından izləyir: “Əlbəttə, parlament Türkiyədə də, qardaş Azərbaycanda da dövlətin idarə olunmasında mühüm yer tutan orqandır. Ona görə də belə bir mühüm quruma seçkilər də öz ciddiliyi ilə fərqlənməlidir. Hesab edirəm ki, Azərbaycanda keçiriləcək parlament seçkiləri kütləvilik baxımından maraqlı olacaq və əhalinin mühüm əhəmiyyətli hissəsini özünə cəlb edəcək. Görürəm ki, Azərbaycan dövləti seçkilərin demokratik şərtlərə və ədalətli prinsiplərə uyğun keçirilməsi üçün əlindən gələni edir. Tək paytaxt Bakıda deyil, hətta ən ucqar regionlarda da seçkilər üçün yaxşı şərait yaradılıb” – deyə, Dizdar bildirib.

Təşkilat sədri qeyd edib ki, bu seçkilərin həm də azad edilmiş torpaqlarda keçirilməsi onun əhmiyyətini daha da artırır: “Səhv etmirəmsə, indiki seçkilər müstəqilliyin bərpasından sonra bütün Azərbaycan ərazilərini əhatə edən ilk parlament seçkiləridir. O baxımdan tarixi hadisədir”.

G.Dizdar xatırladıb ki, bu il Azərbaycan beynəlxalq səviyyəli, kifayət qədər ciddi tədbirə - COP29-a ev sahibliyi edəcək. Bu gün bəşəriyyəti ciddi narahat edən iqlim və ekoloji problemlərin həlli yolları məhz Bakıda müzakirə olunacaq. 80 minə yaxın insan Bakıya gələcək: “Ard-arda iki böyük siyasi prosesi təşkil etmək, uğurla başa çatdırmaq hər dövlətə müyəssər olmur. Bu, Azərbaycan dövlətinin yüksək təşkilatçılıq ənənələrinin olmasını sübut edir. Azərbaycanın qarşıdan gələn hər iki mötəbər siyasi prosesi uğurla başa çatdıracağına əminik”.

Paylaş:

Baxılıb: 684 dəfə