Heydər Əliyev
yeni azerbaycan logo

Ana səhifə / Xəbər lenti / 1000-ci tanker Avropaya doğru...

1000-ci tanker Avropaya doğru...

01.12.2021 [10:42]

Mübariz

Azərbaycan qısa müstəqillik tarixində tərəfdaşları ilə sıx əməkdaşlıq şəraitində şaxələndirilmiş nəql marşrutlarının yaradılmasına nail olub. Artıq neçə illərdir ki, Azərbaycanın zəngin enerji resursları bu marşrutlarla Avropa ölkələrinə çatdırılır. Elə bu günlərdə bp-nin əməliyyatçısı olduğu Qərb İxrac Boru Kəməri (Bakı-Supsa) vasitəsilə Azəri-Çıraq-Günəşli (AÇG) yatağından çıxarılan neftlə yüklənmiş 1000-ci tanker Qara dəniz sahilindəki Supsa terminalından yola salınıb. İtaliyaya yola salınan “Stamos” adlı tankerə Səngəçal terminalından başlayaraq, Azərbaycan və Gürcüstan ərazisindən keçməklə Supsaya təhlükəsiz şəkildə nəql olunan  650000 barel xam neft yüklənib.

Bakı-Supsa kəməri 1999-cu ildə istismara verilib. İndiyədək bu kəmərlə 700 milyon bareldən çox neft nəql edilib. Boru kəmərinin hazırkı ixrac həcmi gündəlik 100000 barel neft təşkil edir. bp-nin Gürcüstan üzrə vitse-prezidenti Aytən Hacıyeva layihə barədə məlumat verərək bildirib: “Bakı-Supsa bp və tərəfdaşlarının həyata keçirdikləri ilk neft layihəsinin mühüm bir hissəsidir. Onun uğurlu istismarı Gürcüstanda və regionda təhlükəsiz şəkildə həyata keçirilən əməliyyatlarımızın gözəl bir nümunəsidir. Supsa terminalından 1000-ci tankerin yola salınması həm də bp-nin Gürcüstandakl fəaliyyətinin 25-ci ildönümünə təsadüf edən əlamətdar bir hadisədir”.

bp-nin Azərbaycan-Gürcüstan-Türkiyə ixrac boru kəmərləri üzrə meneceri Eldar Qazıyev isə kəmərin uğurlu istismar tarixindən bəhs edib. “İstismarda olduğu 20 ildən artıq müddətdə Bakı-Supsa boru kəmərinin göstərdiyi əla iş icrası ilə həqiqətən fəxr edirik”.

Qeyd edək ki, Bakı-Supsa boru kəmərinin ümumi uzunluğu 829 km-dir. Kəmərin Azərbaycan hissəsi 456 km, Gürcüstan hissəsi isə 373 kilometrdir. AÇG üzrə iştirak payı bu cürdür: “bp” (30,37%), SOCAR (25,0 %), “MOL” (9,57 %), İNPEX (9,31 %), “Equinor” (7,27 %), “ExxonMobil” (6,79 %), “TPAO” (5,73 %), “İTOCHU” (3,65 %), “ONGC Videsh Limited (OVL)” (2,31 %).

 

Paylaş
Baxılıb: 160 dəfə

Xəbər lenti

Hamısına bax

Siyasət

İqtisadiyyat

İqtisadiyyat

Siyasət

Xəbər lenti

Xəbər lenti

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31