Heydər Əliyev
yeni azerbaycan logo

Ana səhifə / Xəbər lenti / Vüqar Rəhimzadə: “Media haqqında” yeni qanun indiyə qədər sui-istifadə edilən boşluqları aradan qaldıracaq

Vüqar Rəhimzadə: “Media haqqında” yeni qanun indiyə qədər sui-istifadə edilən boşluqları aradan qaldıracaq

17.12.2021 [19:20]

 “Tarixi Zəfərimiz Azərbaycanın qarşısında yeni imkanlar açıb. Dövrün yeni reallıqları daim təkmiləşməni, yeniləşməni bir zərurətə çevirir. Digər tərəfdən nəzərə alsaq ki, Azərbaycan dərin islahatlar ölkəsi  kimi nüfuz qazanıb bu halda  yeni reallıqlar bu prosesi qaçılmaz edəcək. Ümumilikdə götürdükdə bu islahatlar prosesi bütün sahələri əhatə edir.  Mətbuatın cəmiyyətin güzgüsü, hər bir ölkənin inkişaf səviyyəsinin göstəricisi olduğunu nəzərə alsaq  bu təkmilləşmənin, yeniləşmənin öncə  media sahəsində aparlması vacibdir. Qalib Azərbaycanın yeni reallıqlara cavab verəcək  təkmil mətuatının olmasına böyük ehtiyac var. Bu baxımdan dövlət başçısı İlham Əliyevin 44 günlük  Vətən müharibəsindən sonra  imzaladığı “Azərbaycan Respublikasında media sahəsində islahatların dərinləşdirilməsi haqqında” Fərman, Medianın İnkişafı Agentliyinin yaradılması və “Media haqqında” qanun layihəsinin hazırlanması barədə tapşırığın verilməsi milli informasiya məkanında davamlı inkişafa nail olunmasının dövlət üçün prioritet təşkil etməsinin göstəricisidir.  Cəmiyyətin idarə olunmasında əsas rol oynayan qanunlarımız bütün sahələri əhatə edir.  1999-cu ildə qəbul olunan “KİV haqqında” qanun məhz o dövrün reallıqlarına uyğun idi. Artıq o zamandan 22 il  vaxt keçir. Bu dövr ərzində Azərbaycanın keçdiyi inkişaf yolu hər kəsə məlumdur. Bu isə öz növbəsində qanunlarda da əlavə və dəyişikliklərin edilməsini şərtləndirib.   “KİV haqqında” qanuna bugünədək  79 dəfə əlavə və dəyişikliklər edilib. Artıq günümüzün reallığı hansısa əlavə və dəyişikliyin edilməsini deyil, yeni qanunun qəbulunu tələb edir. “Media haqqında” qanun layihəsi Azərbaycan mediasının inkişafı üçün yeni imkanlar və yeni mərhələ deməkdir. Amma təəsüflər olsun ki, qanun layihəsi ilə bağı haqsız, qərəzli fikirlər səsləndirib, onun əhəmiyyətini azaltmağa cəhd edənlər də  də var.”

  Bu fikirləri “İki sahil” qəzetinin Baş redaktoru, Əməkdar jurnalist, siyasi elmlər doktoru Vüqar Rəhimzadə KİV-ə açıqlamasında  bildirib.

   V.Rəhimzadə qeyd edib ki, yeni hədəflərə doğru inamla irəliləyən qalib Azərbaycanın hər bir uğuruna real baxan, məqsədi və məramı dövlətə, dövlətçiliyə xidmət etmək olan, mətbuatın prinsiplərinə hörmətlə yanaşıb onları fəaliyyətlərinin  əsas amalı kimi qəbul edən, ən əsası yazdığı sözün mahiyyətini və dəyərini  dərk edən   media nümayəndəsi “Media haqqında” qanunun yaradacağı imkanları düzgün təhlil edəcək, ondan gələcək  fəaliyyətində  bəhrələnməyə çalışacaq:  “Ağa qara deməyə adətkar olanlar,  hər bir uğura, hakimiyyətin atdığı addımlara  qara eynəkdən baxanlar daim  yaxşını da pis görəcək,  qarışıqlıq  yaratmaq üçün  ən çirkin yollara əl atacaq. Bu gün bəzi “ekspertlər” tərəfindən  “Media haqqında” qanun lyihəsi ilə bağlı səsləndirilən fikirlər də bunun aydın ifadəsidir.”

   Vüqar Rəhimzadə bildirib ki, 22 il bundan öncə qəbul olunan qanunun müasir tələblərə cavab verməsi təbii ki, mümkün deyil: “Əgər yenlikdən, təkmilləşmədən, mətbuatın qarşısında dayanan vəzifələrin uğurlu icrasından bəhs ediriksə, həmçinin cəmiyyətin informasiya tələbatının dolğun şəkildə ödənilməsini istəyiriksə,  təkmiləşmə, yeni çağırışların nəzərə alınması qaçılmazdır. “Media haqqında” qanunun ən mühüm üstünlüklərindən biri  peşəkar jurnalistlərin yetişməsinə   şəratin yaradılmasıdır.  Görünür bu günə kimi,  bulanıq suda balıq tutanlar, reketlər,  şantajçılar,  mövcud boşluqlardan  sui-istifadə edib öz çirkin niyyətlərini həyata keçirənlər, Qərbdən qrantlar alaraq bu sahədə  nomal mühit yaratmaq cəhdlərinə zərbə  vuranlar üçün yeni qanun sərf etmir.

Belələri nə zamanadək   meydan sulamaqda davam edəcəklər?  Hazırda Milli Məclisdə müzakirə olunan və yaxın zamanlarda  qəbulu gözlənilən  layihə birmənalı şəkildə peşəkar medianın maraqlarına uyğundur.” 

Vüqar Rəhimzadə onu da əlavə edib ki, bu gün Azərbaycanın uğurlarını həzm edə bilməyən dairələrin əlində bir vasitəyə çevrilən və adı hər zaman xaricdən alınan qrantlarla yanaşı çəkilən Mehman Əliyev kimilərin görülən işlərə kölgə salmaq üçün dəridən-qabaqdan çıxmaları ikrah doğurur. Yeni qanun onun kimilərin indiyə qədər sui-istifadə etdikləri boşluqları aradan qaldıracaq. Onların yeni qanuna qarşı qərəzli münasibətinin arxasında da bu səbəb dayanır: “Cəmiyyət belə ekspertlərin hansı maraqlar naminə meydana atıldıqlarını çox yaxşı bilir. Cəmiyyətin güzgüsü olan mətbuatımızın keçdiyi inkişaf yoluna nəzər salsaq daim dövrün tələblərinə uyğun təkmilləşdiyini görərik. 1998-ci ildə senzuranın ləğvindən bugünədək mətbuat inkişafın önündə olub.  “Media haqqında” Qanun layihəsinin bir qrup tərəfindən hədəfə alınması ictimaiyyətdə təəccüb doğurmur. Çünki belələrinin cəhdləri reallıqların fonunda sabun köpüyündən başqa bir şey deyil. Hər yeni qanun adında da ehtiva etdiyi kimi, yenilik, yeni mərhələnin başlanması deməkdir. Düşünürük ki,  yeni qanun media sahəsində boşluqları aradan qaldıracaq, bu sahəyə qanunsuz gəlir mənbəyi kimi baxıb jurnalist adına ləkə olanların sıradan çıxmasını, təsadüfi insanlardan təmizlənməsini  təmin edəcək.”

Paylaş
Baxılıb: 144 dəfə

Xəbər lenti

Hamısına bax

Siyasət

İqtisadiyyat

İqtisadiyyat

Siyasət

Xəbər lenti

Xəbər lenti

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31