Heydər Əliyev
yeni azerbaycan logo

Ana səhifə / Xəbər lenti / Vüqar Rəhimzadə: Şuşanın Cıdır düzü bir daha qalib Liderin hər zaman xalqına arxalandığına şahidlik etdi

Vüqar Rəhimzadə: Şuşanın Cıdır düzü bir daha qalib Liderin hər zaman xalqına arxalandığına şahidlik etdi

28.12.2021 [17:50]

“Dövlət başçısı, Müzəffər Ali Baş Komandan İlham Əliyevin tarixi Zəfərimizdən ötən bir ildən artıq dövrdə işğaldan azad edilmiş ərazilərimizə  səfərlərinin hər biri tarixi hadisə kimi dəyərləndirilir. Bu səfərlərin hər biri müəyyən sosial obyektlərin açılışı və təməlqoyma mərasimlərinin keçirilməsi ilə yanaşı, dövlət başçısının bütün dünyaya  ünvanladığı mesajlarla  yadda qalır. 30 ilə yaxın dövrdə  işğal altında qalan, hər daşı, qayası tarix olan bu torpaqlarımızda ermənilərin törətdikləri vəhşilikləri, dağıntıları aradan qaldırmaq, onları əvvəlki simasına daha müasir şəkildə  qaytarmaq üçün atılan addımlar hər birimizi qürurlandırır, belə güclü, qüdrətli ölkənin  vətəndaşı olmağımızla  fəxr edirik. Dövlət o zaman güclü, qüdrətli olur ki, onun xalqını sevən, xalqına güvənən, onun inamından güc alan Prezidenti var.   Dövlət başçısı, Müzəffər Ali Baş Komandan İlham Əliyevin hər an xalqının yanında olması, xalqdan güc alması, ona arxalanması atdığı hər addımında özünü nümayiş etdirir. Son 18 ildə keçilən yola nəzər salsaq bunun bir daha şahidi olarıq.  Təkcə bir məqamı qeyd etmək kifayətdir ki, dövlət başçısı Regional  inkişaf proqramlarının icrasını ilə yaxından tanış olmaq üçün bölgələrə səfər edərkən əsas istəklərindən biri  problemləri, insanları narahat edən məsələləri onların dilindən eşitmək, insanların arasında olub  onlarla səmimi   müzakrələr aparmaq olub. Bu baxımdan işğaldan azad edilmiş ərazilərimizin bərpası və yenidən qurulmasına start veriləndə, şəhərlərimizin Baş Planları hazırlananda  dövlət başçısı bu fikri xüsusi qeyd edir ki, nəzərdə tutulan işlər  ictimaiyyətin müzakirəsinə verilsin və sonda  həmin ərazilərin Baş Planları  təsdiqlənsin.  Xalqına güvənən Liderin qalibiyyəti şəksizdir. 44 günlük İkinci Qarabağ müharibəsi bunu bir daha təsdiqlədi.”

   Bu fikirləri YAP Xətai rayon təşkilatının sədri, siyasi elmlər doktoru Vüqar Rəhimzadə KİV-ə açıqlamasında bildirib.

   V.Rəhimzadə qeyd edib ki,  Prezident İlham Əliyevin ad günündə işğaldan azad edilmiş ərazilərimizə - Xocavənd rayonunun Hadrut qəsəbəsinə və Qarabağın tacı Şuşamıza səfərlərinin böyük mənası var: “Burada bir məqamı xüsusi qeyd edək ki, dövlət başçısı Hadrutda hərbi hissəsinin açılışında  iştirak edib. Bu mühüm addım bir daha təsdiqləyir ki, müharibədən sonra da ordu quruculuğu  istiqamətində atılan addımlar davamlıdır. Orduya ayrılan xərclər azalmayıb, əksinə, artırılıb. Ordumuzun təchizatı ən müasir silahlar, texnikalarla təmin edilir. Həm hərbi texnika ilə təminat, həm hərbi xərclərin artırılması, eyni zamanda, hərbçilərin maaşlarının artırılması onu göstərir ki, müharibə başa çatsa da, ordu quruculuğu prosesi dayanmayıb. Azərbaycan Ordusu bundan sonra da öz peşəkarlığını və yüksək mənəvi ruhunu qoruyacaq”.

   “Hadrut qəsəbəsinin işğaldan azad edilməsi ilə  Azərbaycanın döyünən ürəyi  Şuşaya yol açıldı” söyləyən YAP Xətai rayon təşkilatının sədri vurğulayıb ki, dövlət başçısı, Müzəffər Ali Baş Komandan İlham Əliyevin qeyd etdiyi kimi,  Şuşa əməliyyatı artıq bir dastana çevrilib. Dünyanın aparıcı ölkələrinin ali hərbi məktəblərində Şuşa əməliyyatı haqqında  müzakirələr gedir, təhlillər aparılır:  “Şuşada olmuş insanlar inana bilmirlər ki, Azərbaycanın qəhrəman övladları yüngül silahlarla qayalara dırmaşaraq  mədəniyyət paytaxtımızı, Qarabağın tacı olan Şuşanı işğalçılardan azad etdilər. Şuşa 28 il işğal alında qalsa da əyilmədi, milli qürurumuzu, kimliyimizi qorudu. Gec-tez öz tarixi  sahibinə qovuşacağına əmin idi. Bu əminliyə əsas verən təbii ki, Azərbaycanın müstəqilliyini daimi və dönməz edən, Vətənini, xalqını canından artıq sevən ulu öndər Heydər Əliyevin siyasi kursunu son 18 ildə bütün sahələrdə  uğurla davam etdirən Prezident İlham Əliyevin  hər bir vədini əməli fəaliyyəti ilə təsdiqləyərək Ümummilli Liderin 2003-cü ildə  xalqa müraciətində əksini tapan inamın doğruldulmasıdır. Bu illər ərzində əsas amal, məqsəd ərazi bütövlüyümüzün bərpası, soydaşlarımızın doğma yurd-yuvalarına qayıtması olub.  Dövlət başçısının Şuşanın Cıdır düzündəki çıxışında   bu məqamlara xüsusi diqqət yönəldilib. Möhtərəm Prezidentimiz bildirib: “Mən bu dəstəyi 2003-cü ildən - Prezident vəzifəsinə ilk dəfə seçiləndən bu günə qədər hiss edirəm. Bu dəstək mənə güc verir. Bu dəstək iradəmi möhkəmləndirir. Bu dəstək nəticəsində biz hamımız – bütün Azərbaycan xalqı böyük tarixi uğurlara imza atmışıq.”

    Vüqar Rəhimzadə qeyd edib ki, Prezident İlham Əliyevin Şuşaya budəfəki səfərinin bir özəlliyi də ondan ibarət  idi ki, dövlət başçısının ad günü idi: “Prezident İlham Əliyev öz ad günlərini hər zaman  Azərbaycan xalqı ilə birlikdə qeyd edir. Dövlət başçısı ad günlərində  adətən sosial obyektlərin açılışında iştirak edir, məcburi köçkünlərlə və şəhid ailələri ilə görüşür. Bu cür əlamətdar günlərində Prezident  şəhid ailələri üçün inşa edilmiş yeni evlərin açılışlarında, habelə yeni salınmış köçkün qəsəbələrində insanlarla görüşür. 50 illiyini məcburi köçkünlərlə bərabər Ağcabədidə qeyd edən Prezident İlham Əliyev  60 illiyini də Qarabağda - Şuşada keçirdi. Artıq bu mühüm hadisə Prezident İlham Əliyevin Şuşanın işğaldan azad edilməsi müjdəsini xalqa çatdırarkən ata vəsiyyətini yerinə yetirməsinin xoşbəxtliyini yaşadığını  ifadə etməsinin  növbəti nümayişi oldu. Son bir ildə Qarbağın tacı Şuşamıza 7 dəfə səfər edən Prezident İlham Əliyevin bu fikri də hər kəsi qürurlandırdı:  Şuşa hər birimizi özünə çəkir.”   

         “Bu bir ildə Şuşanın Cıdır düzündə Novruz tonqalı yandırıldı, iki dost, qardaş  ölkənin-Azərbaycan və Türkiyənin müttəfiqlik sənədinin imzalanmasına  şahidlik edildi, “Xarıbülbül” musiqi festivalı, Vaqif Poezidya Günləri ənənəsi bərpa edildi” söyləyən Vüqar Rəhimzadə bildirib ki, belə  möhtəşəm tədbirlər Qarabağda, Zəngəzurda çox olacaq. Cıdır düzündən hər zaman birlik, həmrəylik mesajı ünvanlanacaq. Qarabağda Azərbaycan muğamı əbədi səslənəcək. Şuşa yalnız Azərbaycanın deyil, türk dünyasının mədəniyyət  mərkəzi olacaq. Xalqımız bundan sonra bu torpaqlarda  əbədi yaşayacaq.

Paylaş
Baxılıb: 159 dəfə

Xəbər lenti

Hamısına bax

Gündəm

Xəbər lenti

YAP xəbərləri

Xəbər lenti

Sabah qar yağacaq

26 Yanvar 13:40

Sosial

İqtisadiyyat

Neft ucuzlaşıb

26 Yanvar 10:24

Müsahibə

MEDİA

Gündəm

Sosial

Müsahibə

İqtisadiyyat

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31