Heydər Əliyev
yeni azerbaycan logo

Ana səhifə / Xəbər lenti / “Qarabağ ilmələrdə” təqdim edildi

“Qarabağ ilmələrdə” təqdim edildi

29.12.2021 [10:51]

 

“Çələbi” xalçası kəsildi

Günel Abbas

Dekabrın 28-də minlərlə insanın toxuduğu Qarabağ “Çələbi” xalçasının kəsimi və “Qarabağ İlmələrdə” filminin təqdimat mərasimi keçirildi. Bu layihə Azərbaycanın 44 günlük Vətən müharibəsindəki qələbəsini simvolizə edir və xalqımızın həmrəyliyini nümayiş etdirmək məqsədilə hazırlanıb. Azərbaycan Jurnalistlər Şəbəkəsi İctimai Birliyinin təşəbbüsü, Azərbaycan Respublikası Mədəniyyət Nazirliyi, “Azərxalça” ASC və “Təmiz Şəhər” ASC-nin dəstəyi ilə keçirilən sosial layihədə bir xalçanı 44 gün ərzində minlərlə insan toxuyub. Filmin ssenari müəllifi Orxan Cabbarlı, quruluşçu rejissor Emil Babayev, rejissor Bəhruz Qədirov, quruluşçu operator Böyükağa Nağıyevdir. 

Filmin təqdimatından sonra 44 gün ərzində toxunan Qarabağ “Çələbi” xalçasının kəsimini ilk olaraq şəhid general-mayor Polad Həşimovun anası Səmayə Həşimova, şəhid polkovnik-leytenant Raquf Orucovun həyat yoldaşı Sevinc Orucova və şəhid Denis Proninin həyat yoldaşı Aynur Əliyeva etdilər.

Layihə rəhbəri Orxan Cabbarlı xalçanın kəsimi mərasimi ilə bağlı öz təəssüratlarını bölüşdü. Onun sözlərinə görə, sonuncu ilmələri Zəfər günü ərəfəsində işğaldan azad olunan Şuşa şəhərində vurulan xalçanın toxunma prosesi əvvəldən axıra qədər filmdə əks olunub. Orxan Cabbarlı bildirdi ki, xüsusi avtomobildə daşınan xalçaya şəhid ailələri, müharibə iştirakçıları və müxtəlif bölgələrdə yaşayan vətəndaşlar ilmə ataraq Müzəffər Ali Baş Komandan İlham Əliyevin rəhbərlik etdiyi şanlı Ordumuz tərəfindən 44 günün sonunda düşmən üzərində qazanılan qələbənin yaşatdığı hissləri dilə gətiriblər.

Layihənin iştirakçısı və dəstəkçisi, Azərbaycan Jurnalistlər Şəbəkəsi İB-nin sədri Ayaz Mirzəyev qeyd etdi ki, Azərbaycan Jurnalistlər Şəbəkəsi İctimai Birliyinin təşəbbüsü, Mədəniyyət Nazirliyi, “Azərxalça” ASC və “Təmiz Şəhər” ASC-nin dəstəyi ilə keçirilən sosial layihədə bir xalçanı 44 gün ərzində minlərlə insan toxuyub: “Layihəyə Orxan Cabbarlının ideyası ilə başladıq. Olduğumuz bölgələrdə bizim layihəmizi böyük rəğbətlə qarşıladılar. Buna görə də ürək rahatlığı ilə deyə bilərik ki, layihə öz missiyasını həyata keçirdi. Əsas məqsədimiz o idi ki, bu xalça işğaldan azad olunmuş ərazilərə aparılsın, buna nail olduq, xalça Şuşada toxundu. Gələcəkdə də Şuşada muzeydə eksponat kimi nümayiş olunacaq”.

 

 

 

 

Paylaş
Baxılıb: 143 dəfə

Xəbər lenti

Hamısına bax

Sosial

Müsahibə

İqtisadiyyat

MEDİA

İqtisadiyyat

Gündəm

Xəbər lenti

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31