Heç kəs Azərbaycan reallığını dəyişə bilməz

Bakı:

24 °C

60 %

4 m/s

Əlaqə

AZ RU EN

Ana səhifə / Xəbər lenti / Heç kəs Azərbaycan reallığını dəyişə bilməz

Heç kəs Azərbaycan reallığını dəyişə bilməz

19.04.2022 [09:04]

Eldar İBRAHİMOV,

Milli Məclisin İntizam komissiyasının sədri

Həyat, yaşananlar, baş verənlər hər kəs üçün bir ibrətdir. Ağılı, düşüncəsi, zehniyyəti, təfəkkürü olanlar baş verənlərdən, yaşananlardan ibrət almalı, dərs və nəticə çıxarmalıdır. Amma çox təəssüf və əfsuslar olsun ki, mənfur qonuşlarımız heç zaman dünyada və bölgəmizdə baş verənlərdən, yaşananlardan ibrət götürməyib, dərs almayıb, nəticə çıxarmayıblar. Hər zaman, hər an fitnə-fəsad arxasınca qaçıblar, insanlıq əleyhinə olan addımlardan, qanlı cinayətlərdən əl çəkməyiblər.

Ötən əsrin 80-ci illərinin sonları, 90-ci illərinin əvvəllərindən ortaya atılan ərazi iddiaları, qanlı Qarabağ hadisələri də növbəti erməni finə-fəsadı, xəyanətkarlığı idi. Himayədarları və havadarları tərəfindən aldıqları əmrlə yenidən Azərbaycana qarşı ərazi iddiaları irəli sürən və bu iddialarla da kifayətlənməyərək, bu istiqamətdə insanlıq əleyhinə olan cinayətlərə, müharibə cinayətlərinə əl atan mənfur qonşularımız öz “məğlubedilməzliklərinə” inanmışdılar. O dərəcədə inanmışdılar və elə bilirdilər ki, heç kimi onların torpaq, ərazi işğalının, müharibə və insanlıq cinayətlərinin qarşısını ala, onları durdura, dayandıra bilməz və bilməyəcək. Həm də arxalarında dayananlara, qanlı himayədarlarına və havadarlarına arxayınlaşmışdılar. Ancaq onlar bir reallığı və gerçəkliyi unutmuş, hesablaya bilməmişdilər.

Bu reallıq və gerçəklik isə qısa zaman ərzində dünyanın aparıcı, lider ölkələri sırasında addımlayan güclü, qüdrətli Azərbaycan, qəlbi Vətən eşqi ilə döyünən rəşadətli Ordusu və qətiyyətli, cəsarətli, dəmir məntinqli ?ider cənab İlham Əliyev idi. Bəli, hakimiyyətə gəldiyi gündən Azərbaycanı uğurlardan uğurlara, zəfərlərdən zəfərlərə aparan cənab İlham Əliyev Azərbaycan Ordusunu tez bir zamanda dünyanın 50 ən güclü ordusu sırasına daxil edə bildi.

Azərbaycanın hərbi büdcəsi düşmən ölkənin bütövlükdə dövlət büdcəsini ötdü. Nəticədə də güclənən, qüdrətlənən Azərbaycan Ordusu dünyanın 50 ən güclü ordusu sırasında ön yerlərdə dayandı.

Və 2016-cı ilin dördgünlük Aprel əməliyyatı ilə nələrə qadir olduğunu və ola biləcəyini ermənilər də daxil olmaqla, hər kəsə nümayiş etdirdi. Ermənistana elə bir zərbə vuruldu ki, qısa zaman ərzində bu ölkədə hərbi-siyasi böhran yarandı, qanlı Sarkisyan-Köçəryan xuntası hakimiyyətdən uzaqlaşdırıldı. Çox təəssüflər olsun ki, inqilab yolu ilə hakimiyyətə gələn Paşinyan da əvvəlkilərdən fərqlənmədi, öz sərsəm və avantüri?t davranışları, addımları ilə Qarabağ münaqişəsinin sülh və danışıqlar yolu ilə həllinə əngəllər yaratdı. Ancaq Azərbaycan xalqı, Azərbaycan dövləti və onun Lideri cənab İlham Əliyev bu vəziyyətə axıracan dözə bilməzdi və dözmədi. 2020-ci ilin sentyabr ayının 27-də Ali Baş Komandanın “Vur!” əmri ilə şanlı, Rəşadətli Azərbaycan Ordusu bütün cəbhə boyu əks-həmlə, əks-hücum əməliyyatına, İkinci Qarabağ ?avaşına, Vətən ?üharibəsinə başladı. Və Azərbaycan Ordusu dünya hərb elminə yenilik gətirdi, cəmi 44 günə 30 illik qanlı münaqişəni Qələbə və Zəfərlə başa çatdırdı.

Düşməni, işğalçı və təcavüzkar Ermənistanı öz məğlubiyyətini etiraf etməyə, 10 noyabr bəyanatını imzalamağa vadar, məcbur etdi. Bütün dünya bir daha Azərbaycanın, ?əşadətli Azərbaycan Ordusunun, dəmir məntiqli İlham Əliyev iradəsinin nələrə qadir olduğunu gördü. Hər kəs bir daha açıq şəkildə dərk etdi ki, Azərbaycan ərazi, torpaq, milli maraqlar məsələsində bir santimetr belə güzəştə getməyib, getmədi və getməyəcək. Odur ki, nəinki Ermənistan, bütün dünya Azərbaycanın tarixi Qələbə və Zəfərini tanıdı, qəbul etdi. Amma görünür yenə də ağılları başlarına gəlməyib, yenə də sərsəm və cəfəng iddialarla çıxış etməyə başlayıblar. Qarabağın Rusiyaya birləşdirilməsi kimi ağılsız, gülünc iddiaları yenidən ortaya atıblar. Budur erməni xisləti, budur erməni namərdliyi və naxələfliyi! Onlar dəyişməyiblər və dəyişmək, ağıllanmaq, normal düşünmək də istəmirlər. Ancaq yenə unutduqları bir reallıq var-o da İkinci Vətən ?üharibəsi zamanı və ondan sonra yaradılan reallıq-Azərbaycan reallığı. Bu reallıq qarşısında bütün cəhdlər, bütün fitnə-fəsadlar iflasa, məğlubiyyətə məhkumdur.

Artıq heç kim, heç nə Azərbaycana diktə edə bilməz, heç kəs bu reallığı-Azərbaycan reallığını dəyişdirə bilməz. Qarabağ Azərbaycandır, Qarabağ Azərbaycanındır, Qarabağ Azərbaycanın olub və hər zaman da Azərbaycanın olacaq! Bunu ermənilər də, havadarları da bir daha qulaqlarına sırğa etsinlər, yoxsa, qarşılarında yenə və daha amansız “Dəmir yumruğ”u görəcəklər!

Paylaş:

Baxılıb: 730 dəfə