Heydər Əliyev yeni azerbaycan logo

Ana səhifə / Xəbər lenti / Dövlət büdcəsinə 1 milyard manat

Dövlət büdcəsinə 1 milyard manat

18.05.2022 [10:04]

Mübariz

Mərkəzi Bank 31 dekabr 2021-ci il tarixinə olan maliyyə hesabatlarını təqdim edib. Sənəddə vurğulanır ki, 2021-ci ildə ölkədə makroiqtisadi və maliyyə sabitliyinin qorunması qurumun fəaliyyətinin başlıca prioritetlərini təşkil edib. Mərkəzi Bank öz mandatına uyğun funksiyalarını həyata keçirib, hökumətlə sıx koordinasiya şəraitində görülən tədbirlər nəticəsində ölkədə makroiqtisadi sabitlik təmin edilib. İnflyasiyanın xarici fonunun əhəmiyyətli pisləşməsi şəraitində Mərkəzi Bank adekvat pul siyasəti yeritməklə və qiymət gözləntilərini idarə etməklə inflyasiyanın xərc amillərinin təsirinin yumşaldılmasına çalışıb. Yenilənmiş makroiqtisadi proqnozlar və risk balansı nəzərə alınmaqla faiz dəhlizi parametrlərinə zəruri korreksiyalar edilib. İl ərzində yüksək neft qiymətləri, qeyri-neft ixracının əhəmiyyətli artımı şəraitində ölkənin profisitli tədiyyə balansının formalaşması milli valyutanın məzənnəsinin sabitliyinin qorunmasına və ilin yekunlarına görə strateji valyuta ehtiyatlarının artmasına imkan verib. Valyuta bazarının tarazlığı şəraitində məzənnə sabitliyi xarici mühitdən gələn inflyasiyanın əhəmiyyətli balanslaşmasına şərait yaradıb.

Sənəddən bəlli olur ki, 2021-ci ildə Mərkəzi Bank aktivlərini artırmağa nail olub. Ötən il dekabrın 31-dək AMB-nin aktivləri 26 milyard 410 milyon 568 min manat təşkil edib. Bu, əvvəlki illə müqayisədə 4 faizədək artım deməkdir.

Mərkəzi Bankın 2021-ci ildə öz mənfəətindən dövlət büdcəsinə köçürdüyü vəsaitin həcmi də məlum olub. Yayılan sənəddə qeyd edilib ki, qurumun dövlət büdcəsinə köçürdüyü vəsait 2020-ci ildə olduğu kimi ötən ildə də 1 milyard manat təşkil edib.

Paylaş:
Baxılıb: 112 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Mədəniyyət

Xəbər lenti

Xarici siyasət

MEDİA

Üzü Qarabağa...

24 İyun 10:13

İqtisadiyyat

Prezident bu gün

Prezident bu gün

24 İyun 10:00

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30