Heydər Əliyev
yeni azerbaycan logo

Ana səhifə / Xəbər lenti / “Şagirdlərin çantaları qələbədən bəhs edən kitablarla dolacaq”

“Şagirdlərin çantaları qələbədən bəhs edən kitablarla dolacaq”

19.07.2022 [10:36]

MÜŞFİQƏ

Barıt rəngində idi siniflərin lövhəsi,

Bir soyuq divarında xəritəmiz yanırdı.

Şagirddən, işğal olmuş torpağı soruşanda,

Hər doğru cavabına müəllim utanırdı.

Lövhələr təbaşirlə ağardıldı bir səhər,

Xəritə çiçək açdı, soyuq divar isindi.

Çantalara yığıldı qələbə kitabları,

Səhər dərsə oyanan uşaqlar da sevindi.

Cavid Qasımov bu misralarla ürəyimizə yol tapdı. Şuşada keçirilən Vaqif Poeziya Günlərində səsləndirdiyi şeiri ilə ölkə gündəminə çevrildi. “İgidlərin sözü” kompozisiyası zamanı Vətən müharibəsi iştirakçısı olmuş şairlərin sırasında həmsöhbətim də vardı. Cavidi tanımayanlar üçün deyək ki, o, 44 günlük Vətən müharibəsinin iştirakçısı olub. Azərbaycan Dövlət Mədəniyyət və İncəsənət Universitetinin nəzdində Humanitar Kollecinin Bədii yaradıcılıq fakültəsini bitirib. Teatrlaşdırılmış tədbirlər rejissoru və aktyorudur. Hazırda Lənkəran şəhərində yaşayır.

Gənc şairin sözlərinə görə, şeirin səs-sorağa səbəb olması və bəyənilməsinə səbəb hamımızın ortaq ağrısını dilə gətirməyi idi: “”Məktəbli çantası” şeirinin müəllifi özüməm. İşğaldan azad olunmuş Şuşa şəhərində şeirimin oxunması özü bir qürurvericidir. Onun mənə verdiyi fəxr hissini heç nə əvəz edə bilməz. Mən də bir zamanlar məktəbli idim. Şeirdəki şagird kimi məktəbli çantasını çiynimdə daşıyırdım. “Əvvəl ağır gələrdi məktəbli çantaları, dünyanın ağır yükü uşaqlara düşürdü. Kitablara yazılan alınmayan qisaslar, məktəbli uşaqların belini də bükürdü” -  deyə içimdəki yanğını dilə gətirmək istəmişəm. Nə xoş ki, qəhrəman oğullarımızın sayəsində bu şeir xoşbəxt sonluqla “Götürüldü qisasla çiyinlərdən yükləri” misrası ilə bitdi. Çox sevinirəm ki, məndən sonra dünyaya gələn uşaqlar qələbəmizdən bəhs edən dərslikləri oxuyacaqlar. Onlar gələcəyə daha inamlı addımlarla irəliləyəcəklər. Zəfər çalmış xalqının şücaəti, qəhrəmanlığı ilə böyüyəcəklər. Düşünürəm ki, şeirin bu dərəcə sevilməsinə səbəb də budur. Ortaq ağrımız və ortaq sevincimiz...”

Balaca və sevincdən qanadlanan şagird Cavidin özü-uşaqlığı idi. Qəmgin notlarla başlayan şeiri şaha qalxırdı. Artıq gənc şairin qələmi daha itilənmiş, daha xoşbəxt misralara can atırdı:

Bu günə saxlanılmış sevinc göz yaşılarıyla

Varaqdan qan izləri sətir - sətir yuyuldu,

Götürüldü qisasla çiyinlərdən yükləri,

Onu nə göylər aldı, nə də yerə qoyuldu.

Dünən bir uşaq gördüm məktəbə tələsirdi,

Soruşdum ki, əzizim, kitabların ağırdı?

Gülə-gülə söylədi: Əvvəl ağır olanda,

Məktəbəcən böyüklər özləri aparırdı!

“Keçən il Zəfər Günündə səsləndirdiyimiz “Pəncərə” adlı şeirim də böyük maraqla qarşılanmışdı. Düşünürəm ki, müharibə haqqında yazdığım ən gözəl şeir odur. Yaradıcılığımı qəzəl janrına sərf etmişəm. Bir kitab dolusu şeirlərim var, amma kitabım yoxdur. Kitab çap etdirməməyimə səbəb hələ ki öz oxucumun olmamasıdır. Artıq həm keçmişimiz xoşbəxtdir, həm də sabahımız” - deyə C.Qasımov söyləyib.

Paylaş:
Baxılıb: 171 dəfə
Multi-media

Xəbər lenti

Hamısına bax

Xəbər lenti

Neft ucuzlaşıb

16 Avqust 12:18

Ədəbiyyat

Ədəbiyyat

Xarici siyasət

Sosial

Xəbər lenti

Yaşamağa dəyər!

16 Avqust 10:48

İqtisadiyyat

İqtisadiyyat

Prezident bu gün

Prezident bu gün

16 Avqust 10:14

Analitik

Həqiqət və reallıq

16 Avqust 10:08

Gündəm

Xəbər lenti

Xəbər lenti

Prezident bu gün

Prezident bu gün

15 Avqust 10:28

Xəbər lenti

Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31