Heydər Əliyev
yeni azerbaycan logo

Ana səhifə / Xəbər lenti / 33 yaşlı “Yeni Müsavat”

33 yaşlı “Yeni Müsavat”

10.11.2022 [14:11]

Nicat Dilqəmli

Bu gün “Yeni Müsavat” qəzeti 33 yaşını qeyd edir. 1989-cu ilin bu günündə eyni adlı partiyanın mətbu orqanı kimi yaradılan “Yeni Müsavat” qəzeti ilk nömrəsini Azadlıq meydanında yayıma çıxarıb. Qəzet AMDP ‘’Yeni Müsavat’’ın qurucu katiblərindən olan Rauf Arifoğlu tərəfindən yayım orqanı kimi qeyri-formal şəkildə yaradılıb.

Qəzetin baş redaktoru Rauf Arifoğlu “Yeni Müsavat”ın yaranması ilə bağlı məqaləsində bildirib ki, həmin zamanlarda kommunist partiyasının iradəsinin kənarında qəzet buraxmaq bir cinayət əməli hesab olunurdu: “Buna görə də ‘’Yeni Müsavat’’ın fəaliyyəti gizli qurulmuşdu və ilk nömrədən etibarən, sovet hakimiyyətinin Bakıdakı orqanları tərəfindən təqib altına alındı. Məsələni ciddiləşdirən ən önəmli məqamsa qurduğumuz qəzetin adında idi. “Müsavat” adı illərlə sovet təbliğat maşını tərəfindən vurulmuş, ictimaiyyətə düşmən və xain obrazlarda təqdim olunmuşdu. Azərbaycanda Müsavat adı hakim kommunist partiyasına qarşı meydan açmaq, onu devirmək, yeniləmək çağırışına bərabər idi. Təqib olunan redaksiyamız məhz Bakıdakı dözülməz mühit səbəbindən quruluşunun ilk ayında və 1-ci sayı dərc olunan kimi Gəncə şəhərinə köçdü. Qəzetin redaksiyası 1991-ci ilin ortalarına qədər Gəncə şəhərində, Bala Bağman bölgəsində fəaliyyət göstərdi”.

“Yeni Müsavat”ın baş redaktoru Rauf Arifoğlu qəzetin yaranma günündə təəssüratlarını “Yeni Azərbaycan”la bölüşüb:

“33 ilimizin ən yaxşı dövrünü yaşayırıq. Çünki 33 ilin böyük bir hissəsini acıların reportyoru və qəzeti kimi çıxış etmişik, indi isə - 2020-ci ilin ortalarından başlayaraq ta bu ilə qədər – biz Müzəffər Ordumuzun, Türk dünyasının son Fatehi olan Ali Baş Komandan İlham Əliyevin sayəsində məğlubiyyətin reportyorluğundan qurtulmuşuq. Eyni zamanda identifikasiya kodumuz dəyişib, bir toplumdan, xalqdan qalib bir xalqa keçmişik. İstənilən media da o millətin ruh halıdır. Millətin halının necə olması da bizim vəziyyətimizi diktə edir”.

Baş redaktor qəzetin gələcək planları barədə də söz açıb: “Bu gün yaxşıyıq, gələcəyə daha yaxşı planlar qura bilirik. Planların birincisi ondan ibarətdir ki, mövcudluğumuzu davam etdirməyə çalışacağıq. Daha sonra isə indiki qurduğumuz strukturların daha da genişləndirilməsinə nail olmağa çalışacağıq. Müasir kommunikasiyalar böyümək, əhatəmizi genişləndirmək, türkdilli, rusdilli və azərbaycandilli informasiya məkanlarına daha iddialı şəkildə inteqrasiya olunmaq üçün bizə hər cür imkanlar verir. Çünki bizim əhatəmizin genişlənməsi Azərbaycanımızın əhatəsinin genişlənməsidir. “Yeni Müsavat” qəzeti olaraq iddiamız bundan ibarətdir ki, Azərbaycanımız üçün xəbər xidməti göstəririk, onu tərənnüm edirik. Hansı hal vəziyyətinin olmasından asılı olmayaraq”.

Qeyd edək ki, "Yeni Müsavat"ın yaradıcı heyəti qəzetin 33 yaşı münasibətilə "Bir qərinənin qəzeti" adlı film hazırlayıb.

Biz də “Yeni Azərbaycan” qəzeti olaraq “Yeni Müsavat”çı həmkarlarımızı təbrik edir, onlara yeni-yeni yaradıcılıq uğurları arzu edirik!

Paylaş:
Baxılıb: 134 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Xəbər lenti

Xəbər lenti

Sosial

Xarici siyasət

Xəbər lenti

Arxiv
B Be Ça Ç Ca C Ş
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30