Heydər Əliyev
yeni azerbaycan logo

Ana səhifə / Xəbər lenti / Qərbi azərbaycanlıların siyahıya alınması hansı qaydada aparılır?

Qərbi azərbaycanlıların siyahıya alınması hansı qaydada aparılır?

12.01.2023 [10:19]

Qərbi azərbaycanlıların öz tarixi torpaqlarına, dədə-baba yurdlarına qovuşması, başqa sözlə, onların el-obalarına qayıtmaları üçün prosesə başlanılıb.

Vətəndaşları düşündürən məqamlar əsasən hansı illərdə deportasiya edilən soydaşlarımızın qeydiyyata alınması ilə bağlıdır. Proses necə tənzimlənir? Bu günə qədər neçə nəfər siyahıya alınıb? Qeydiyyat üçün əsas meyarlar hansıdır?

Qərbi azərbaycanlıların siyahıya alınması prosesi barədə ətraflı məlumat almaq üçün Qərbi Azərbaycan İcmasının (QAİ) mətbuat katibi Ülviyyə Zülfiqar ilə həmsöhbət olduq.

Söhbət əsnasında QAİ mətbuat katibi “Yeni Azərbaycan” qəzetinə açıqlamasında Qərbi azərbaycanlıların siyahıya alınma prosesinin bir neçə aydır davam etdiyini bildirdi. Siyahıya alınmada ilk növbədə 1988-91-ci illərdə deportasiya edilən soydaşlarımıza fokuslanılıb: “Çünki həmin dövrdə deportasiya olunan azərbaycanlıların əksəriyyəti həyatdadır və onların əllərində həmin yerdə təhsil aldıqlarına dair, mülkiyyətlərinə dair sənədləri var”.

Əvvəlki illərdə deportasiya edilən soydaşlarımızın qeydiyyata alınması barədə də söz açan Ü.Zülfiqar prosesin paralel şəkildə aparıldığını diqqətə çatdırdı: “Lakin bu o demək deyil ki, daha əvvəlki deportasiyalar - 1905, 1918-1920, 1948-1953-cü illərlə bağlı qeydiyyata alınma aparılmır. Siyahıya alınma yanaşı şəkildə aparılır. Lakin fokuslanma əsasən 1988-1991-ci ilədir. 1988-1991-ci ildə də Qərbi azərbaycanlılar 300 yaxın yaşayış məntəqəsindən çıxarılıb. Artıq 150-dən çox yaşayış məntəqəsindən olan soydaşlarımızın qeydiyyata alınması aparılıb və bu proses davam edir”.

“İndiyə qədər 250-300 min arası rəqəmlər səslənir, lakin gözlənilir ki, bu rəqəm dəyişəcək. Çünki SSR dağılma dönəminə, xaos dövrünə düşdüyü üçün ola bilər ki, rəqəmlərdə dəqiqlik yoxdur və yenidən qeydiyyata alınma zamanı rəqəmlər də müəyyənləşdiriləcək”.

Nicat DİLQƏMLİ

Paylaş:
Baxılıb: 93 dəfə

Xəbər lenti

Hamısına bax

Siyasət

Xəbər lenti

Xəbər lenti

Xəbər lenti

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28