Heydər Əliyev
yeni azerbaycan logo

Ana səhifə / Xəbər lenti / Bakıda Müqəddəs Məryəm Ana kilsəsinin açılışından 16 il ötür

Bakıda Müqəddəs Məryəm Ana kilsəsinin açılışından 16 il ötür

07.03.2024 [11:15]

Yeganə BAYRAMOVA

Azərbaycanda heç bir zaman dinlərarası problem yaşanmayıb. Əhalisinin böyük əksəriyyətini müsəlmanlar təşkil edən ölkəmiz tarix boyu digər din və mədəniyyətlərə dözümlü münasibətilə seçilib. Bu yanaşma xalqımızın təbiətindən, insanpərvərliyindən və xoş məramından irəli gəlir. Bu humanist ənənə bu gün də qorunub saxlanılır. Respublikamızda sinaqoq və kilsələr məscidlərlə yanaşı fəaliyyət göstərir, insanlar dini ayinlərini sərbəst yerinə yetirə bilirlər.

Qeyd edək ki, hazırda Azərbaycanda 16 kilsə və 7 sinaqoq var. Kilsələrdən 5-i pravoslav (Bakıda 3, Gəncə və Xaçmazda 1), 4-ü gürcü pravoslav (Qax rayonu), 1-i lüteran, 1-i katolik və 2-si Alban-udi dini icmasına mənsubdur. Yəhudi sinaqoqlarından 2-si Bakıda, 2-si Oğuzda, 3-ü Quba rayonunun Qırmızı qəsəbəsində yerləşir.

Uzun illər ərzində Azərbaycanda dini mənsubiyyətindən asılı olaraq yüzlərlə tarixi və dini abidə bərpa edilib və ya yenidən tikilib. Azərbaycan ilk səmavi dinlərin - yəhudilik və xristianlığın qədim zamanlardan yayıldığı bir məkandır. Ona görə də tarix boyu xalqların və dinlərin vətəni olan ölkəmizin hər yerində kilsə və sinaqoqlara, məscidlərə və atəşpərəstlik məbədlərinə rast gəlmək olar.

Yeri gəlmişkən, bu gün Müqəddəs Məryəm Ana katolik kilsəsinin açılış mərasiminin baş tutmasından 16 il ötür. Bu kilsə Azərbaycan ərazisində fəaliyyət göstərən yeganə katolik kilsəsidir. 2002-ci ildə Roma Papası II İohann Pavelin Azərbaycana səfərindən sonra 2003-cü ildə Müqəddəs Məryəm kilsəsinin tikilməsinə başlanılmışdı. Tikinti 2007-ci ilin fevralında yekunlaşdı. 7 mart 2008-ci ildə isə Azərbaycan Prezidenti İlham Əliyevin və Vatikanın dövlət katibi, kardinal Tarçizio Bertonenintin iştirakı ilə açılışı baş tutdu.

Qeyd edək ki, kilsə Neapol Memarlıq Universitetinin professoru Pado Ruceyro və Bakı şəhərinin keçmiş baş memarı Akif Abdullayevin layihəsi əsasında inşa olunub. Müqəddəs Məryəmin yeni heykəli isə azərbaycanlı heykəltəraş Hüseyn Axverdiyev tərəfindən hazırlanmışdır.

Müasir üslubda tikilən və 1256 kvadratmetr sahəsi olan binada istilik, havalandırma, yanğınsöndürmə sistemləri quraşdırılıb. Tikintini Vatikan Dövləti maliyyələşdirmişdi. Binanın girişində kilsənin təməlinin qoyulduğu tarix, memarların və inşaatçı şirkətin adları yazılmış lövhə vurulub. Kilsənin eyni vaxtda 250-300 nəfərin ibadət edə biləcəyi salonu var.

Paylaş:
Baxılıb: 150 dəfə

Xəbər lenti

Hamısına bax

İqtisadiyyat

Analitik

Siyasət

Yeni faktlar...

10 Aprel 10:51

Siyasət

Siyasət

Gündəm

İlk dəfədir ki...

10 Aprel 09:55

Xəbər lenti

Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30