Heydər Əliyev
yeni azerbaycan logo

Ana səhifə / Dünya / Qlobal COVID-19 Mərkəzi yaradılacaq

Qlobal COVID-19 Mərkəzi yaradılacaq

11.11.2021 [11:38]

ABŞ dövlət katibi Entoni Blinken yeni növ koronavirus (COVID-19) pandemiyasına qarşı peyvəndlərin paylanmasında mühüm rol oynayacaq Qlobal COVID-19 Mərkəzinin yaradılacağını açıqlayıb. yeniazerbaycan.com Türkiyənin “Hürriyyət” qəzetinə istinadən xəbər verir ki, bu barədə E.Blinken ilk dəfə və onlayn keçirilən keçirilən COVID-19 ilə bağlı Xarici İşlər Nazirlərinin Toplantısında məlumat verib.

Pandemiyanın sadəcə bir səhiyyə böhranı olmadığına diqqət çəkən E.Blinken deyib ki, bu həm təhlükəsizlik böhranı, həm də iqtisadi və humanitar böhrandır: “Bu səbəbdən bu böhrana qarşı addım atmaq üçün təkcə səhiyyə nazirlərinin deyil, xarici işlər nazirlərinin fəaliyyətinə ehtiyacımız var”. E.Blinken iclasın gündəliyində duran aktual məsələlərdən birinin peyvəndlərin dünya üzrə ədalətli paylanmasını sürətləndirmək olduğunu bildirərək qeyd edib ki, Şimali Amerika və Avropada əhalinin yarıdan çoxu peyvənd olunsa da, bu rəqəm peyvəndlərin 10 faizindən də azını təşkil edır.

Gələcəkdə pandemiyalara qarşı daha güclü səhiyyə təhlükəsizliyinin təməllərinin qoyulmasının vacibliyini ifadə edən E.Blinken bunun üçün qlobal koordinasiyaya ehtiyac olduğunu deyib. ABŞ dövlət katibinin sözlərinə görə, istehsal edilən peyvəndlərin dünya miqyasında ədalətli paylanmasını təmin etmək üçün dövlət və özəl tərəfdaşlıq şəraitində Qlobal COVID-19 Mərkəzi adında yeni bir qurum yaradılacaq. E.Blinken bildirib ki, bu qurum vaksin sahələrinin təhlükəsiz qurulması və peyvəndin tətbiqinin dəstəklənməsi, eləcə də tədarük zəncirinin idarə edilməsi kimi bir çox məsələlər üzrə qlobal koordinasiya şəbəkəsini təmin edəcək.

Paylaş
Baxılıb: 131 dəfə

Xəbər lenti

Hamısına bax

Məqsəd keyfiyyətdir

02 Dekabr 11:00

Neftin qiyməti artıb

01 Dekabr 15:31

ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31