Heydər Əliyev
yeni azerbaycan logo

Ana səhifə / Dünya / Polşa Belarusla sərhəddə divar hörəcək

Polşa Belarusla sərhəddə divar hörəcək

15.11.2021 [12:15]

Polşa hökuməti 2022-ci ilin birinci yarısında Belarusla sərhəddə divar çəkməyi planlaşdırır. yeniazerbaycan.com-un Rusiyanın “RİA Novosti” agentliyinə istinadən verdiyi xəbərə görə,  Polşa radiosunun efirində daxili işlər nazirinin müavini Maçey Vonsik bildirib ki, Belarusla sərhəddə divarın hörülməsi üçün müvafiq müqavilələr hələ bağlanmayıb: “Sazişlər imzalanmayana qədər hər hansı konkret tarixi vermək məsuliyyətsizlik olardı”. Nazir müavini onu da əlavə edib ki, hazırda sərhəddə dörd min sərhədçi, iki min polis və Polşa ordusunun 15 min əsgəri var.

Daxili işlər naziri Mariuş Kaminskinin sözlərinə görə isə 5 metrlik mühəndis konstruksiyasının uzunluğu 180 kilometr olacaq. O, həmçinin deyib ki, konstruksiya hərəkət sensorları, kameralar və termal görüntülərlə təchiz olunacaq.

Xatırladaq ki, qanunsuz sərhədi keçən miqrantların qarşısını almaq üçün ötən həftə Varşava parlamenti Belarusla sərhəddə divar tikintisi aparmaq haqqında qanun qəbul edib. Hazırda isə sərhəddə müvəqqəti tikanlı məftillər mövcuddur.

Qeyd edək ki, Yaxın Şərq və Afrikadan Qərbi Avropaya keçməyə çalışan qaçqınların axınının artmasından sonra bu həftə Polşa-Belarus sərhədindəki qaçqın düşərgəsinə baş çəkən BMT-nin Qaçqınlar üzrə Ali Komissarlığının Belarusdakı nümayəndəsi Muluseu Mamo orada vəziyyətin fəlakətli olduğunu bildirib.

Paylaş
Baxılıb: 125 dəfə

Xəbər lenti

Hamısına bax

Məqsəd keyfiyyətdir

02 Dekabr 11:00

Neftin qiyməti artıb

01 Dekabr 15:31

ARXİV
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31