Konstitusiya islahatları güclü sosial rifah və hüquq dövlətinin qurulmasına xidmət edir

Bakı:

19 °C

72 %

10 m/s

Əlaqə

AZ RU EN

Ana səhifə / Gündəm / Konstitusiya islahatları güclü sosial rifah və hüquq dövlətinin qurulmasına xidmət edir

Konstitusiya islahatları güclü sosial rifah və hüquq dövlətinin qurulmasına xidmət edir

12.03.2009 [16:15]

“Yeni Azərbaycan” təşviqat qrupu Sumqayıt şəhərində görüş keçirib
“Yeni Azərbaycan” təşviqat qrupu vətəndaşların yüksək əhval-ruhiyyəsi, aktivliyi ilə müşahidə olunan görüşlər seriyasını davam etdirməkdədir. Belə tədbirlərdən biri də dünən Sumqayıt şəhərində keçirilib.
Tədbirdə giriş nitqi söyləyən “Yeni Azərbaycan” təşviqat qrupunun Sumqayıt şəhər şöbəsinin sədri Asif İmaməliyev deyib ki, ölkədəki sürətli inkişaf Konstitusiyada bir sıra dəyişikliklərin edilməsi zərurətini yaradıb: “Martın 18-də Azərbaycan Respublikasının Konstitusiyasında edilməsi nəzərdə tutulan əlavə və dəyişikliklərlə bağlı referendum keçiriləcək. Qeyd edim ki, bu əlavə və dəyişikliklərlə bağlı layihə parlament tərəfindən təsdiqləndikdən sonra Konstitusiya Məhkəməsinə göndərilib. Konstitusiya Məhkəməsi isə Referendum Aktının ümumxalq səsverməsinə çıxarılmasına qərar verib. Əlbəttə ki, əlavə və dəyişiklikləri xalqın tələbinin, arzusunun və istəyinin, həmçinin, zamanın tələbinin məhsulu kimi qiymətləndirməliyik. Gündəmdə qalmaq və siyasət meydanından birdəfəlik silinməməkdən ötrü Referendum Aktına qarşı qara piar kampaniyası aparan qüvvələr isə bu əməlləri ilə Azərbaycan vətəndaşlarının iradəsinə qarşı çıxmış olacaqlar. çünki bu əlavə və dəyişikliklərin edilməsi təşəbbüsü məhz xalqın istəyi nəticəsində meydana çıxıb. Eyni zamanda, bu əlavə və dəyişiklikləri maddələr üzrə təhlil etdikdə aydın olur ki, bütün bunlar yalnız xalqın maraqlarına xidmət edir”.
çıxış edən “Yeni Azərbaycan” təşviqat qrupunun səlahiyyətli nümayəndəsi Nizami İsgəndərov bildirib ki, Sumqayıt seçiciləri son prezident seçkilərində olduğu kimi, martın 18-də keçiriləcək referendumda da fəal iştirak edəcəklər: “Sumqayıtlılar hər zaman ictimai-siyasi proseslərdə fəal olublar, ulu öndərimiz Heydər Əliyevin müəyyənləşdirdiyi siyasəti və bu siyasəti uğurla həyata keçirən Prezident İlham Əliyevi dəstəkləyirlər. Bu mənada 101-ci maddəyə təklif olunan dəyişiklik seçicilər tərəfindən dəstəklənir”.
“Xalqın seçimini məhdudlaşdırmaq olmaz. Bu dəyişiklik məhz xalqın istək və arzusunu ifadə edir” - deyən səlahiyyətli nümayəndənin fikrincə, müxalifətin əks-təbliğatı uğursuzluğa düçar olacaq. çünki xalq onların yalan üzərində qurulmuş siyasətinə inanmır. N.İsgəndərov vurğulayıb ki, bu layihə xalqımızın sosial rifahının yüksəldilməsinə yaxından kömək edəcək: “Ulu öndərimizin siyasi kursu Azərbaycanı yaşatdı. Bu siyasi kursu davam etdirən Prezidentimiz İlham Əliyev dövlət başçısı olduğu dövrdə dövlətin inkişaf xəttini müəyyənləşdirib və bu strategiyanı uğurla həyata keçirir. Biz məhz bu səbəbdən Referendum Aktını dəstəkləməklə Prezidentimizə dayaq olmalıyıq”.
Referenduma çıxarılan əlavə və dəyişikliklərlə bağlı geniş izahat verən millət vəkili bu sənəddə yer alan bütün müddəaların xalqın həyatının yüksəldilməsinə xidmət etdiyini bildirib.
çıxış edən Hümbət Quliyev Konstitusiyaya təklif olunan əlavə və dəyişikliklərə toxunaraq bildirib ki, bu maddələrin hər biri Azərbaycan xalqının xeyrinədir. O, əminliklə vurğulayıb ki, həmişə olduğu kimi, bu siyasi kampaniya zamanı da, Sumqayıt seçiciləri səsvermədə aktiv iştirak edərək, əlavə və dəyişiklikləri dəstəkləyəcək.
çıxış edən Əlqəməh Orucov deyib ki, Konstitusiyada edilməsi nəzərdə tutulan əlavə və dəyişikliklər ölkəmizin daha da möhkəmlənməsinə, sürətlə inkişafına təkan verəcək: “Bütün bunların nəticəsi olaraq insanlarımızın maddi rifah halı yüksələcək, hüquq və azadlıqları genişlənəcək. Mən xalqımızı bu əlavə və dəyişikliklərin lehinə səs verməyə çağırıram”.
Görüşün sonunda nümayəndələr seçicilərin bütün suallarını ətraflı cavablandırıblar.
Sonda natiqlər seçiciləri martın 18-də Referendum Aktını dəstəkləməyə çağırıblar.
Ramil VƏLİBƏYOV

Paylaş:

Baxılıb: 1580 dəfə