Azərbaycan ağırlıqqaldıranları Avropa birinciliyindən Vətənə 9 medalla qayıdıblar

Bakı:

19 °C

88 %

0 m/s

Əlaqə

AZ RU EN

Ana səhifə / İdman / Azərbaycan ağırlıqqaldıranları Avropa birinciliyindən Vətənə 9 medalla qayıdıblar

Azərbaycan ağırlıqqaldıranları Avropa birinciliyindən Vətənə 9 medalla qayıdıblar

20.10.2026 [22:46]

Albaniyanın Dürres şəhərində keçirilmiş U-23 və gənclərin Avropa birinciliyində 9 medal qazanmış Azərbaycan ağırlıqqaldıranları ölkəyə qayıdıblar.

AZƏRTAC xəbər verir ki, Heydər Əliyev Beynəlxalq Aeroportunda idmançılarımız üçün təntənəli qarşılanma mərasimi keçirilib.

Yığmanın baş məşqçisi Sərdar Həsənov bildirib ki, Albaniyada keçirilən Avropa birinciliyində üç idmançı ilə təmsil olunmalarına baxmayaraq, hər birinin medal qazanması komandanın düzgün istiqamətdə çalışdığını göstərir: “Yadınızdadırsa, ötən yarışda da qeyd etmişdik ki, bizim üçün kəmiyyət deyil, keyfiyyət əsasdır. Albaniyada keçirilən yarışda bunu bir daha sübut etdik. Üç idmançı ilə yola düşdük və hər biri medal qazandı. Təbii ki, belə yarışlarda daha çox idmançı ilə təmsil olunmaq istəyirik. Lakin məşqçilər heyəti olaraq işimizi real nəticələr əsasında qururuq. Yığma komandamızın qapısı hər kəsə açıqdır. Bu gün fiziki və psixoloji cəhətdən hazır olan idmançılara şans verilir. Qarşıda bizi lisenziya xarakterli yarışlar gözləyir. Hazırlıqlarımız plan üzrə gedir”.

Avropa birinciliyinin mükafatçısı Rahilə Hüseynzadə qazandığı medalı Vətən müharibəsi şəhidlərinin xatirəsinə həsr etdiyini bildirib: “Bu qələbəmi Vətən müharibəsində canından keçən şəhidlərimizin əziz xatirəsinə həsr edirəm. Əsl qələbəni bizə onlar qazandırıblar. Yarış müddətində federasiyamızın prezidenti Kamran Nəbizadə və vitse-prezidenti Firdovsi Umudov da Albaniyada idilər. Onlar da bildirdilər ki, belə əlamətdar tarixdə Vətənə qələbə ilə qayıtmaq üçün əlimizdən gələni etməliyik. Çox şükür ki, belə də oldu. Üstəlik, Azərbaycan ağırlıqqaldırma tarixində U23 kateqoriyasında medal qazanan ilk yerli idmançı olduğum üçün sevincliyəm”.

Digər mükafatçı Fuad Həsənov isə yarışa yüksək səviyyədə hazırlaşdıqlarını və əldə olunan nəticədə yaradılan şəraitin, eləcə də məşqçilərin əməyinin mühüm rol oynadığını söyləyib: “Əvvəlcə onu deyim ki, yarışa yüksək səviyyədə hazırlaşmışdıq. Bu uğurun təməlində bizə yaradılan şərait və məşqçilərimizin gərgin əməyi dayanır. Çalışdım ki, hər yanaşmanı uğurla tamamlayım. Yüz faizlik nəticə göstərmək bəzən çətin olur. Minimum hədəfimiz yarışdan medal gətirmək idi və sevinirəm ki, bunu bacardıq”.

Avropa birinciliyinin digər mükafatçısı Qasım İsmayılov isə komanda olaraq hər üç idmançının medal qazanmasından məmnunluğunu ifadə edib: “Yarışa üç nəfər yollanmışdıq və hər birimiz mükafat qazanmağı bacardıq. Təbii ki, daha yaxşı nəticə göstərə bilərdik. Bizim idmanda hər kiloqram önəm kəsb edir. Çıxışımı rəqiblərə görə yox, öz gücümə əsasən qiymətləndirməyə çalışıram. Çünki yarışdan-yarışa rəqiblər dəyişə bilir. Çalışıram ki, öz nəticələrimi hər yarışda yaxşılaşdırım. Məqsədimiz böyüklər arasında keçirilən yarışlarda da ölkəmizi layiqincə təmsil etməkdir”.

Paylaş:

Baxılıb: 146 dəfə

Xəbər lenti

Hamısına bax