Heydər Əliyev
yeni azerbaycan logo

Ana səhifə / Siyasət / Azərbaycan Hökuməti Filippində baş vermiş Hayyan qasırğasının fəsadlarının aradan qaldırılması üçün vəsait ayırıb

Azərbaycan Hökuməti Filippində baş vermiş Hayyan qasırğasının fəsadlarının aradan qaldırılması üçün vəsait ayırıb

11.01.2014 [10:00]

Ötən il Filippində baş vermiş Hayyan qasırğasının fəsadlarının aradan qaldırılması məqsədilə Azərbaycan Hökuməti bu ölkəyə 200 min ABŞ dolları məbləğində vəsait ayırıb.
Xarici İşlər Nazirliyinin mətbuat xidmətindən AzərTAc-a bildiriblər ki, bu vəsait BMT-nin Dünya Ərzaq Proqramının Filippində həyata keçirdiyi humanitar yardım proqramları vasitəsilə zərərçəkmiş əhalinin əsas qida ehtiyaclarının qarşılanmasına sərf ediləcək.
Xatırladaq ki, Hayyan qasırğası 2013-cü il noyabrın 8-də baş verib. Təbii fəlakət Filippində minlərlə insanın tələfatına və yüzlərlə evin tamamilə dağılmasına, qida, su və digər ilkin ehtiyac məhsullarında kəskin şəkildə qıtlığa səbəb olub.
Yaranmış humanitar böhranın miqyasını nəzərə alaraq, təbii fəlakətin nəticələrinin aradan qaldırılması məqsədilə Filippin Hökuməti və BMT beynəlxalq ictimaiyyətə birgə müraciət edib. Bu müraciətə cavab olaraq, dünyanın bir çox ölkələri və beynəlxalq təşkilatları ilə yanaşı, Azərbaycan da Filippinə yardım göstərib.

Paylaş:
Baxılıb: 963 dəfə

Xəbər lenti

Hamısına bax

Sosial

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31